அரசியல் துளிகள்.

First topic message reminder :

மதுரை : லோக்சபா மற்றும் சட்டசபை தேர்தலில் போட்டியிடும் வேட்பாளர்கள், வேட்புமனு தாக்கலின் போதே தேர்தல் வாக்குறுதியை பிரமாண பத்திரமாக தாக்கல் செய்ய வேண்டும் எனக்கோரி ஐகோர்ட் மதுரை கிளையில் பொதுநல வழக்கு தாக்கல் செய்யப்பட்டது. இந்த வழக்கில் பிப்.,28 க்குள் அதிமுக, திமுக, பா.ஜ., உள்ளிட்ட அங்கீகரிக்கப்பட்ட கட்சிகள் பதிலளிக்க கோர்ட் உத்தரவிட்டுள்ளது.

சிவனாசான் wrote:அரசு ஊழியர்களுக்கு பழைய பென்சன் திட்டத்தை அமல்படுத்த வேண்டும்.காவிரியில், கர்நாடகா மேகதாது அணை கட்ட அனுமதிக்கக் கூடாது.விவசாய கடன்களை தள்ளுபடி செய்ய வேண்டும். உழவர் ஊதியக்குழு அமைக்க வேண்டும். நீட் தேர்விலிருந்து தமிழகத்திற்கு விலக்கு அளிக்க வேண்டும். என பா.ம.க. தேர்தல் கூட்டணியில் கோரிக்கை வைத்துள்ளது. இவைகள் ஏற்க தக்கதல்ல.

மேற்கோள் செய்த பதிவு: 1293579
இதில் எத்தனை சாத்தியம் என்பது
பாமக கட்சிக்கே தெரியும்
இருந்தாலும் தன்னை
முன்னிலை படுத்த இந்த
இல்லை எரிந்து பார்ப்போம்
என்று இதை செய்து உள்ளனர்.

புதுச்சேரி : கடந்த வாரம் கிரண்பேடி வெளியிட்ட காக்கை படங்கள் சர்ச்சை ஆக்கப்பட்ட நிலையில், தற்போது இன்று(பிப்.,20) காலை மீண்டும் காக்கை படங்களை பதிவிட்டுள்ளார்.புதுச்சேரி முதல்வர் நாராயணசாமி, துணை நிலை கவர்னர் கிரண்பேடிக்கு எதிராக கவர்னர் மாளிகை முன் கருப்புச்சட்டை அணிந்து 6 நாட்கள் தர்ணா போராட்டம் நடத்தினார். அப்போது தனது டுவிட்டர் பக்கத்தில் காக்கையின் படங்களை பதிவிட்ட கிரண்பேடி, காக்கை யோகா. தர்ணா போராட்டம் யோகா ஆகுமா என்பன போன்ற கருத்துக்களையும் பதிவிட்டிருந்தார். இது கடும்சர்ச்சையாக்கப்பட்டது. நாராயணசாமியின் போராட்டத்தை கிண்டல் செய்யும் விதமாக கிரண்பேடி கருத்து பதிவிட்டுள்ளதாக கூறப்பட்டது.இந்நிலையில் இன்று காலை மீண்டும் தனது டுவிட்டர் பக்கத்தில், 2 காக்கைகள் மின்விசிறி மீது அமர்ந்திருப்பது போன்ற படங்களை பதிவிட்டுள்ளார். தொடர்ந்து காக்கையின் படங்களை கிரண்பேடி பதிவிட்டு வருவது பெரும் சர்ச்சையாக்கப்பட்டு வருகிறது.

புதுடில்லி: வரும் தேர்தல் வாக்குறுதியில், கல்லுாரி மாணவர்களின் கல்விக் கடன் தள்ளுபடியைஅறிவிக்ககாங்.,தலைவர்ராகுல்திட்டமிட்டுள்ளதாககூறப்படுகிறது.இளைஞர்களை குறிப்பாக முதன்முறை ஓட்டளிப்பவர்களை இப்படித் தான் கவர முடியும் என அவர் நினைக்கிறார்.ஏற்கனவே தாங்கள் ஆட்சிக்கு வந்தால் விவசாயிகளின் கடன் தள்ளுபடி செய்யப்படும் என்றும் அனைவருக்கும் குறைந்தபட்ச வருவாய் உறுதி அளிப்பு திட்டம் செயல்படுத்தப்படும் என்று ராகுல் கூறி வருகிறார். ஆனால் இதற்கெல்லாம், பதில் அளிப்பது போல் பொது பட்ஜெட்டை மோடி அரசு தாக்கல் செய்தது. விவசாயிகளுக்கு ஆண்டுக்கு ரூ.6 ஆயிரம் தரப்படும் என்ற அறிவிப்பு பட்ஜெட்டில் வெளியிடப்பட்டது.கர்நாடகா, பஞ்சாப், சட்டீஸ்கர் மாநிலங்களில் விவசாயிகளின் கடன் தள்ளுபடி திட்டத்தை காங்., அறிவித்தது. ஆனால், இதை செயல்படுத்துவதில் நிறைய சிக்கல்கள் ஏற்பட்டுள்ளன. பலருக்கும் அங்கு இன்னமும் தள்ளுபடி கிடைக்கவில்லை. தள்ளுபடி செய்வதற்கு மாநில அரசுகளிடம் போதிய பணமும் இல்லை.எனவே, கல்விக் கடன் தள்ளுபடி மீது ராகுல் கவனம் செலுத்துவார் என்கிறார்கள்.உயர்கல்விக்கு நிறைய செலவாவதாக இளைஞர்கள், குறிப்பாக நடுத்தர வர்க்கத்தினர் நினைக்கின்றனர். இளைஞர்களுக்கு ஆறுதல் அளிக்கும் வகையில் கல்விக் கடனை தள்ளுபடி செய்ய ராகுல் நினைக்கிறார். இவ்வாறு அறிவித்தால் இதை எதிர்கொள்ள முடியாமல் பா.ஜ., திணறிப்போகும் என ராகுல் நினைக்கிறார்.
கல்விக் கடன் திட்டத்தை எவ்வாறு அறிவிப்பது, என்ன விதிமுறைகளை வகுப்பது போன்ற விஷயங்களில் தேர்தல் அறிக்கை தயாரிப்பு குழு ஆலோசித்து வருகிறது. டிச.,2018 வரை இந்தியாவில் ரூ.69 ஆயிரத்து 100 கோடி கல்விக் கடனாக தரப்பட்டுள்ளது. இது தவிர, வேலையில்லா திண்டாட்டத்திற்கு ஒரு தீர்வையும் ராகுல் அறிவிப்பார் என்கிறார்கள்.