ஸ்ரீ இராமகிருஷ்ண பரமஹம்சரைப்பற்றி சுவாமி விவேகானந்தர் கூறிய சில செய்திகள்

-

ஸ்ரீ இராமகிருஷ்ண பரமஹம்சரைப்பற்
சுவாமி விவேகானந்தர் கூறிய சில செய்திகள்

1902-ம் ஆண்டு பகவான் ராமகிருஷ்ண பரமஹம்சரின்
பிறந்த நாள் விழாவில் வேலூரில் சுவாமி விவேகானந்தர்
குறிப்பிட்ட சில செய்திகளை அறிவோம்.

* அவரை கண்ணால் பார்க்கும் வாய்ப்பு கிடைத்தவர்கள்
பாக்கியம் செய்தவர்கள். மற்றவர்களுக்கும் அவர் தரிசனம்
கிடைக்கும். அவர் ஸ்ரீ ராமகிருஷ்ணராக இப்பூவுலகிற்கு
வந்த பொழுது அவரை யாரும் புரிந்து கொள்ள முடியவில்லை.

அவர் அருகில் இருந்த பலருக்குகூட அவரை புரிந்து
கொள்ள முடியவில்லை. சிலருக்கே அந்த பாக்கியம் கிடைத்தது.

* எனக்கு இப்பொழுது ஓய்வு இல்லை. என் உடலினையும் ஆத்மாவினையும் பகவானின் ‘காளி’ உரிமை எடுத்துக்
கொண்டுள்ளாள்.

இது பகவான் சமாதியாகும். 2-3 நாட்களுக்கு முன்பு நடந்தது.
இதனால் நான் வேலை மட்டுமே செய்து கொண்டிருக்கிறேன்.

* என் குரு அவரது அன்பால் என்னை அவருக்கு அடிமை
ஆக்கி விட்டார்.

* என் சொல், செயல், சிந்தனை எல்லாமே என் குருவினுடையது. என்னுடையது அல்ல.

* பகவான் ஸ்ரீ ராமகிருஷ்ண பரமஹம்சரின் சரிதத்தினை
படித்தாலே வேதத்தின் முக்கியத்துவம் புரியும்.

* என் குருவின் முன்னால் வந்தாலே மனிதன் ஒழுங்காகி
விடுவான். அவருடைய உதடுகள் யாரையும் சபித்ததில்லை.
கேலி செய்ததில்லை. அவர் பார்த்தது எல்லாம் புனிதமே!
நலமே.

* என் குரு சொன்னது!
ஒரு மனிதன் தன்னை ஒரு குகைக்குள்ளே அடைத்து
ஒரே சிந்தனையாக இருந்து உயிர் நீக்கும் பொழுது
அவரது அந்த எண்ணம் அக்குகைகளில் அதிர்வை
ஏற்படுத்தி குகைகளின் சுவற்றினை ஊடுருவி பிரபஞ்சத்தின்
வழியாக மனித இனத்தினை சென்று அடையும்.

ஆக எண்ணங்கள் மிக வலுவானது என்று எண்ண
வலுவினைப் பற்றி கூறியுள்ளார்.

* எனது குரு மிகப்பெரிய சக்தி.
இன்னும் அவரது பக்தர்கள் மூலமாக
அவர் இந்த உலகில் வேலை செய்து கொண்டிருக்கின்றார்.

* அவருக்கு ஒவ்வொரு பெண்ணின் முகமும் அவர் வணங்கும் மாகாளியே.
-
மாலைமலர்