மூத்தவளே, குலமகளே, பாசத்துடன் அப்பா மடல்

**ayyasamy ram** · **ayyasamy ram** Tue Feb 05, 2019 2:09 pm

**

-
இருவிழி ஓரம் பூப்பது பன்னீர்
ஐயிரண்டு மாதம் முன்னே
அன்னை கருவறையில் நில்லாது
ஆர்வமுடன் தரணியில் தடம் பதித்த சிசுவே,
-
குறிஞ்சி யுகம் இரு முறை
பார்த்த கண்மணியே,
-
அன்புடன் பண்பும், கல்வி கேள்வி ஞானத்துடன்,
பாங்குடன் பந்தம் பேணும் மாதரசியே,
-
பிறந்த வீட்டின் சந்தோஷம் மனதின் ஓரம்
கரம் பற்றிய கணவன் மகிழ்வே நிரந்தரம்.
---

மகளே நான்கு விழிகள் பனிக்கிறது
அன்னை மனமோ துடிக்கிறது
சோதரனோ கல்வி ஏற்றம் பெற
பாரெங்கும் பவனிவர.

பிறந்த வீட்டின் பெருமைதனை
புகுந்த வீட்டில் பறைசாற்றாமல்
உன் வீட்டில் ஓங்கு புகழ் மணக்க
ஆல் போல் காத்து வாழை போல்
தழைத்து வீட்டின் உறவு சேர்க்க.

தாயானது மீண்டும் லட்சுமி பசு,
நாய்க்குட்டி நான்கில் மூன்று நலம்,
ருக்மணி ஐந்து வயது மேள தாளத்துடன்
அமர்க்கலமாக ஆரவாரத்துடன்
மாடவீதி வலம் வந்தாள்

திருவருணை கோயிலின் குட்டி யானை.
ஏரி நஞ்சை நிலத்திற்கு நாற்று நாற்பது
பேருடன் நடப்பட்டது.

அன்புடன் மருமகனுக்கும், மகளுக்கும் ஷேமம் .
கற்றது போதுமென்று நில்லாது
ஒருங்கே இருவரும் தரணி புகழ் தமிழில்
ஆய்வு முனைவர் பட்டம்
பெற்றதறிந்து பேருவகை

அடைந்திட்டோம், இலவசமாக ஏழை
மாணவிகளுக்கு
ஞானத்தை அளிப்பது குன்றின்
மேலிட்ட தீபமாக ஒளிர்கிறது,

அன்ன சத்திரம் விட ஆங்கோர்
ஏழைக்கு எழுத்தறிவித்தல்.
தாய்மை சேதி மட்டற்ற மகிழ்ச்சி
உற்றார் உறவினர் ஊரெங்கும் உவகை
எல்லையற்ற நிகழ்வு
எவ்விதம் விவரிப்பேன்
எழுத்து தினந்தோறும்
அன்னை தமிழில்
மகளுக்கு ஒரு மடல் .
-
---------------------------------

- இரா.அண்ணாமலை, திருவண்ணாமலை.
நன்றி- கவிதைமணி

மூத்தவளே, குலமகளே, பாசத்துடன் அப்பா மடல்

மூத்தவளே, குலமகளே, பாசத்துடன் அப்பா மடல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக