5வது ஒருநாள் கிரிக்கெட் போட்டியில் இந்திய அணி அசத்தல் வெற்றி

**ayyasamy ram** · **ayyasamy ram** Sun 3 Feb 2019 - 18:41

நியூசிலாந்து சென்றுள்ள இந்திய அணி, ஐந்து போட்டிகள்
கொண்ட ஒருநாள் தொடரில் பங்கேற்றது. முதல் நான்கு
போட்டிகளின் முடிவில் இந்திய அணி 3-1 என, ஏற்கனவே
தொடரை கைப்பற்றி முன்னிலையில் இருந்தது.

ஐந்தாவது மற்றும் கடைசி போட்டி வெலிங்டனில் நடந்தது.

இந்திய அணியில் மூன்று மாற்றங்கள் செய்யப்பட்டன.
தினேஷ் கார்த்தி, கலீல் அகமது, குல்தீப் யாதவ் ஆகியோருக்கு
பதிலாக தோனி, முகமது ஷமி, விஜய் ஷங்கர் ஆகியோர்
இடம் பிடித்தனர். 'டாஸ்' வென்ற இந்திய அணி கேப்டன்
ரோகித் சர்மா, 'பேட்டிங்' தேர்வு செய்தார்.

இந்திய அணிக்கு கேப்டன் ரோகித் சர்மா (2), ஷிகர் தவான் (6),
சுப்மன் கில் (7), தோனி (1) ஏமாற்றினர். விஜய் ஷங்கர் (45)
'ரன்-அவுட்' ஆனார்.

பொறுப்பாக ஆடிய அம்பதி ராயுடு (90) அரைசதம் கடந்தார்.
கேதர் ஜாதவ் (34), ஹர்திக் பாண்ட்யா (45) ஓரளவு கைகொடுக்க,
இந்திய அணி 49.5 ஓவரில் 252 ரன்களுக்கு 'ஆல்-அவுட்' ஆனது.
நியூசிலாந்து சார்பில் மாட் ஹென்ரி 4, பவுல்ட் 3 விக்கெட்
வீழ்த்தினர்.

பின் களமிறங்கிய நியூசிலாந்து அணிக்கு நிக்கோல்ஸ் (8)
ஏமாற்றினார். முன்ரோ (24), கேப்டன் வில்லியம்சன் (39)
ஆறுதல் தந்தனர். ராஸ் டெய்லர் (1) நிலைக்கவில்லை.

பொறுப்பாக ஆடிய டாம் லதாம் (37), ஜேம்ஸ் நீஷம் (44)
ஓரளவு கைகொடுத்தனர். கிராண்ட்ஹோம் (11), சான்ட்னர் (22),
ஆஸ்லே (10) சோபிக்கவில்லை.

44.1 ஓவரில் 217 ரன்களுக்கு 'ஆல்-அவுட்டாகி' நியூசிலாந்து
அணி தோல்வியடைந்தது. இந்திய அணி வீரர் சகால்
3 விக்கெட் கைப்பற்றினார்.
-
--------------------------------
தினமலர்

**T.N.Balasubramanian** · **T.N.Balasubramanian** Sun 3 Feb 2019 - 20:04

வெலிங்டன்: நியூசிலாந்துக்கு எதிரான கடைசி ஒருநாள் போட்டியில், தனது சூப்பர் பிரைனை பயன்படுத்தி,ஜேம்ஸ் நீஷம் விக்கெட்டை தோனி கைப்பற்றியது பெரும் திருப்புமுனையாக அமைந்தது.

இதில் முதலில் பேட்டிங் செய்த இந்திய அணிக்கு அம்பதி ராயுடு (90), விஜய் சங்கர் (45), ஹர்திக் பாண்டியா (45) ஆகியோர் கைகொடுக்க, இந்திய அனி 49.5 ஓவரில் 252 ரன்களுக்கு ஆல் அவுட்டானது.

தடுமாறிய நியூசி..:
எட்டக்கூடிய இலக்கை துரத்திய நியூசிலாந்து அணி, 31 ஓவர்களில் 135 ரன்களுக்கு 6 விக்கெட்டை பறிகொடுத்து திணறியது. இதையடுத்து சாண்ட்னர், நீஷம் சேர்ந்து ஸ்கோரை 176 ரன்களுக்கு வெறும் 6 ஓவர்களில் எடுத்தனர்.
5வது ஒருநாள் கிரிக்கெட் போட்டியில் இந்திய அணி அசத்தல் வெற்றி Master

5வது ஒருநாள் கிரிக்கெட் போட்டியில் இந்திய அணி அசத்தல் வெற்றி Master

தோனி

நீஷம் 32 பந்துகளில் 4 பவுண்டரிகள் 2 சிக்சர்கள் என 44 ரன்கள் எடுத்து அதிரடியாக விளையாடினார். இந்நிலையில் 37வது ஓவரின் 2வது பந்தை கேதர் ஜாதவ் வீச, நீஷம் அதை பவுண்டரிக்கு அடிக்க முயன்றார். ஆனால் பந்து அவரின் காலில் பட்டு பின்னால் சென்றது.

சூப்பர் பிரைன் ‘தல’ தோனி:
இதற்கு ஜாதவ் எல்.பி. முறையில் அவுட் கேட்ட்டார். ஜேம்ஸ் நீஷம் கிரீசுக்கு வெளியே இருந்தார். உடனடியாக சுதாரித்த தோனி ஸ்டம்பை பதம் பார்த்தார். இதையடுத்து விக்கெட்டை இழந்த நீஷம் வெளியேறினார்.

இந்த ரன் அவுட் பெரிய திருப்பு முனையாக அமைந்தது. இப்போட்டியில் பேட்டிங்கில் சொதப்பினாலும், அணியின் வெற்றிக்கு தோனி தன் பங்களிப்பை தொடர்ந்து செய்து வருவதாக ரசிகர்கள் பாராட்டி வருகின்றனர்.

நன்றி சமயம்.

ரமணியன்

**T.N.Balasubramanian** · **T.N.Balasubramanian** Sun 3 Feb 2019 - 20:09

நீசம் நல்ல உச்சத்தில் ( ஃபார்மில்) இருந்தார். அவுட் ஆகாமல் இருந்திருந்தால் , இந்தியாவின் கதி???????????

ரமணியன்

Sponsored content · Sponsored content

5வது ஒருநாள் கிரிக்கெட் போட்டியில் இந்திய அணி அசத்தல் வெற்றி

5வது ஒருநாள் கிரிக்கெட் போட்டியில் இந்திய அணி அசத்தல் வெற்றி

Re: 5வது ஒருநாள் கிரிக்கெட் போட்டியில் இந்திய அணி அசத்தல் வெற்றி

Re: 5வது ஒருநாள் கிரிக்கெட் போட்டியில் இந்திய அணி அசத்தல் வெற்றி

Re: 5வது ஒருநாள் கிரிக்கெட் போட்டியில் இந்திய அணி அசத்தல் வெற்றி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக