சத்ரபதி - புதிய வரலாற்று நாவல்!

by enganeshan Sun Feb 03, 2019 12:20 pm

அன்பு நண்பர்களுக்கு வணக்கம்.
என்னுடைய புதிய சரித்திர நாவல் “சத்ரபதி” வெளியாகியுள்ளது. 704 பக்கங்கள் கொண்ட அந்த வரலாற்று நாவலுக்கு வந்துள்ள விரிவானதொரு விமர்சனம் என் வலைப்பூவிலிருந்து-
http://enganeshan.blogspot.com/2019/01/blog-post_26.html
அன்புடன்
என்.கணேசன்

by shivi Sun Feb 03, 2019 2:56 pm

தங்களுடைய அமானுஷ்யன் நாவல் பலமுறை படித்திருக்கிறேன். மறக்க முடியாத நாவல். ஈகரையில் உறுப்பினராகப் பதிவு செய்தவுடனேயே உங்கள் பதிய சரித்திர நாவல் அறிமுகத்தையும் படிக்க நேர்ந்ததில் மிகவும் மகிழ்ச்சி. நன்றி.

by shivi Sun Feb 03, 2019 4:55 pm

ஐயா அமானுஷ்யன் நாவலின் தொடர்ச்சி அல்லது இரண்டாம் பாகம் வெளியாகியுள்ளது என்று கேள்விப்பட்டேன். அது உண்மையா? உண்மையாக இருந்தால் அது குறித்த விவரங்களைத் தெரிவிக்க வேண்டுகிறேன்.

by enganeshan Sun Feb 03, 2019 6:46 pm

புத்தம் சரணம் கச்சாமி நாவல் அமானுஷ்யனின் இரண்டாம் பாகமாக வந்துள்ளது.
https://www.goodreads.com/book/show/30839717

by shivi Sun Feb 03, 2019 8:46 pm

உடனடி பதிலுக்கு மிகவும் நன்றி ஐயா. கண்டிப்பாகப் படிக்க வேண்டும் என்ற ஆவலை எழுப்பும் அளவு அமானுஷ்யன் அக்‌ஷய் கேரக்டரை நான் நேசிக்கிறேன். கூகுள்ரீட்ஸில் ரிவ்யூக்களும் நன்றாக இருப்பது ஆவலை அதிகப்படுத்துகிறது.

by shivi Tue Feb 05, 2019 8:17 pm

தங்கள் நாவலில் புத்தம் சரணம் கச்சாமி மட்டும் படித்ததில்லை. தலைப்பு பார்த்து விட்டு புத்த மதத்தைக் குறித்த தங்கள் ஆன்மீக நூல் என்று நினைத்தது தான் காரணம். அமானுஷ்யன் தொடர்ச்சி என்று முதலிலேயே தெரிந்திருந்தால் கண்டிப்பாக விட்டிருக்க மாட்டேன். உங்கள் வலைப்பூ பற்றியும் இப்போது தான் அறிந்தேன். நன்றி.

by enganeshan Wed Feb 06, 2019 8:22 pm

மிக்க மகிழ்ச்சி. அமானுஷ்யன் அக்‌ஷய் கேரக்டர் உங்களைப் போல் பல வாசகர்களின் மனம் கவர்ந்த கேரக்டர் என்பதால் தான் புத்தம் சரணம் கச்சாமியில் அமானுஷ்யனைத் தொடர்ந்தேன். ஆனால் வாசகர்களுக்கு இன்னும் அமானுஷ்யன் சலிக்கவில்லை. மாதம் ஒரு வாசகராவது அமானுஷ்யன் கேரக்டரைத் தொடரச் சொல்கிறார். அதனால் என் அடுத்த நாவலான ‘இல்லுமினாட்டி’யிலும் அமானுஷ்யன் கேரக்டர் தொடர்வான் என்ற மகிழ்ச்சியான செய்தியைத் தங்களுடன் பகிர விரும்புகிறேன். தங்கள் தொடர்ந்த ஆர்வத்துக்கு நன்றி.