கண்டது, கேட்டது...!

கண்டது
-
• (நாகர்கோவிலில் ஆண்கள் ரெடிமேட் துணிக்கடை
ஒன்றின் பெயர்)

மச்சான்

மங்கை, பாளையம்கோட்டை.
-
-------------------------------------------
-
• (திருத்தங்கல் சாலையில் ஆட்டோ ஒன்றின்
பின்புறம் கண்ட வாசகம்)

வறுமையில் வாடாதே...
வாழ்வு வந்தால் ஆடாதே...
--
ஜி.சுந்தரராஜன், திருத்தங்கல்
-
------------------------------------------

• (தூத்துக்குடி - திருச்செந்தூர் பிரதான சாலையில்
ஓர் ஏரியாவின் பெயர்)

மதிகெட்டான் ஓடை
-
ச.அஜிதாபாரதி சந்திரன், காஞ்சிபுரம்.
-
-------------------------------

• (சாத்தூரில் இறுதி ஊர்வல வாகனத்தில்
எழுதியிருந்த வாசகம்)

படைத்தவனைத் தேடி...
--
எம்.செல்லையா, சாத்தூர்.
-
----------------------------------------------------
கேட்டது
--
• (சென்னை அயனாவரம் திருநாவுக்கரசு தெருவில்
இரு வாலிபர்கள்)

"என்ன மச்சி மாட்டுப் பொங்கலை ஜாம் ஜாம்ன்னு
கொண்டாடுனீயா...?''

"மாட்டுப் பொங்கலுக்கும் எனக்கும் என்னடா சம்பந்தம்''

"அட, உங்க அப்பா தானே உன்னை அடிக்கடி எருமை
மாடுன்னு திட்டுவாரு''
--
எஸ்.வடிவு, சென்னை.
-
------------------------------------------------------

• (வேடசந்தூரில் இரண்டு நடுத்தர வயதினர்)
"என் மனைவி செய்ற இட்லியை இன்னைக்கு
முழுவதும் தின்னுகிட்டே இருக்கலாம்..''
-
"அவ்வளவு ருசியாவா இருக்கும்?''

"அடச் சீ.. அவ்வளவு ஸ்ட்ராங்கா இருக்கும்.
பிய்க்கவே முடியாதில்ல!''
---
க.நாகமுத்து, திண்டுக்கல்
-
------------------------------------
• (திருவாடானை சந்நிதி தெருவில் இரு நண்பர்கள்)
-
"நாளை இடி மின்னலுடன் பேய்மழை பெய்யும்னு
எப்படி இவ்ளோ உறுதியா சொல்ற...?''

"ஊருக்குப் போயிருக்கிற என் மனைவி நாளைக்கு
வீடு திரும்புறாளே''

"மச்சான்... அங்க பாருடா தூரத்தில் உன் மனைவி
வருவதுபோல் தெரியுது''
"அப்போ நாளைக்கு இல்லே; இன்றே இடிமழைதான்!
நீ சீக்கிரம் கிளம்புடா...''
-
கே.முத்துச்சாமி, திருவாடானை.
-
--------------------------