நேர்மையாக நடந்து கொள்வதால் ஏற்படும் மகிழ்ச்சி...!!

‘காப்பி’ அடிக்கத் தெரியாத முட்டாள்தனம்!
-
காந்தியின் பள்ளிக்கு ஒருமுறை கல்வி ஆய்வாளர்
வருகிறார்.

மாணவர்களிடம் ஆங்கிலச் சொற்களை எழுதச்சொல்கிறார்.
நான்கு சொற்களைச் சரியாக எழுதிவிட்ட காந்தி ‘Kettle’ என்ற
சொல்லை மட்டும் பிழையாக எழுதிவிடுகிறார்.

காவல் ஆய்வாளருக்குப் பின்னால் நின்றுகொண்டிருந்த
ஆசிரியர் காந்தியை அவரது பக்கத்துப் பையனைப் பார்த்து
எழுதுமாறு சைகை காட்டுகிறார்.

காந்தியால் அதைப் புரிந்துகொள்ள முடியவில்லை. ‘
’நாங்கள் பக்கத்துப் பையனைப் பார்த்து ‘காப்பி’அடிக்காமல் பார்த்துக்கொள்ளுவதற்காகவே ஆசிரியர் அங்கே இருக்கிறார்
என்று நான் எண்ணிக்கொண்டிருந்தேன்.

ஆகையால், என் பக்கத்துப் பையனின் சிலேட்டைப் பார்த்து
அப்பதத்தின் எழுத்துக்களைக் காப்பியடிக்க அவர் என்னைத்
தூண்டுகிறார் என்பதை நான் அறியவில்லை.

இதன் பலன் என்னவெனில், என்னைத் தவிர மற்ற எல்லாப்
பிள்ளைகளும் அப்பதத்தைச் சரியாக எழுதியிருந்தனர்.
நான் ஒருவனே முட்டாளாக இருந்துவிட்டேன்.

இந்த முட்டாள்தனத்தை நான் உணரும்படி செய்வதற்கு
ஆசிரியர் பிறகும் முயற்சி செய்தார். ஆனால் அதனாலும்
பயனில்லை.

‘காப்பி’அடிக்கும் வித்தையை நான் என்றுமே கற்றுக்கொள்ள
முடியவில்லை” என்று கூறுகிறார் காந்தி
(சத்தியசோதனை, நவஜீவன் வெளியீடு).
-------------------

நேர்மையாக இருப்பதில் இழப்புகளோ அவமானமோ
ஏற்பட்டாலும் நாம் நேர்மையாக நடந்துகொண்டோம்
என்ற மகிழ்ச்சி அவருக்குச் சிறு வயதிலேயே
இருந்திருக்கிறது.

பெரியவரானதும் தனது நேர்மையைக் குறித்து அவர் மகிழ்ச்சி கொண்டதில்லை. இயல்பாக கடமையைச் செய்வதில் ஏன்
மகிழ்ச்சி அடைய வேண்டும் என்ற உணர்வுதான் அது.
-
நன்றி-இந்து தமிழ் திசை