எல்லாப் புகழும் இறைவனுக்கே: பத்மஸ்ரீ விருது குறித்து டிரம்ஸ் சிவமணி நெகிழ்ச்சி

-
பத்மஸ்ரீ விருது பெற்ற டிரம்ஸ் இசைக்கலைஞர் சிவமணி எல்லாப் புகழும் இறைவனுக்கே என நெகிழ்ச்சியுடன் தெரிவித்திருக்கிறார்.

குடியரசு தினத்தை முன்னிட்டு நாடு முழுவதும் 112 பேருக்கு பத்ம விருதுகள் அறிவிக்கப்பட்டுள்ளன. இவர்களில் தமிழகத்தைச் சேர்ந்த 7 பேருக்கு பத்மஸ்ரீ விருதுகள் அறிவிக்கப்பட்டுள்ளன.

பங்காரு அடிகளார் (ஆன்மிகம்), சரத் கமல் (விளையாட்டு), நர்த்தகி நடராஜ், (கலை) மதுரை சின்னப்பிள்ளை (சமூக சேவை), ஆர்.வி.ரமணி (கண் மருத்துவம்), டிரம்ஸ் சிவமணி (கலை), ராமசாமி வெங்கடசாமி (மருத்துவம்) ஆகியோருக்கு விருதுகள் அறிவிக்கப்பட்டுள்ளன.

விருது குறித்து இசைக் கலைஞர் டிரம்ஸ் சிவமணி, "எல்லாப் புகழும் இறைவனுக்கே. நான் அகமதாபாத்தில் ஓர் இசை நிகழ்ச்சிக்காக சென்றிருந்தேன். எனது மகன் என்னைத் தொடர்பு கொண்டு இத்தகவலைத் தெரிவித்தார். இந்த விருதினை எனது தாயார் லக்‌ஷ்மி ஆனந்தனுக்கும் எனது தேசத்துக்கும் சமர்ப்பிக்கிறேன்" என்றார்.

இதேபோல் நர்த்தக நடராஜ் கூறும்போது, "நான் திருவனந்தபுரத்தில் ஒரு நாட்டிய நிகழ்ச்சியில் கலந்து கொண்டிருந்தேன். மேடையில் எனது நடனம் முடிந்தவுடன் நிகழ்ச்சி ஏற்பாட்டாளர்கள் இத்தகவலை அறிவித்தனர். எனக்கு இதில் பெரும் மகிழ்ச்சி" என்றார்.

ஆன்மிகத்துக்காக ஆதிபராசக்தி சித்தர் பீடத்தின் பங்காரு அடிகளாருக்கு விருது வழங்கப்பட்டுள்ள நிலையில் விருது குறித்து பங்காரு அடிகளாரின் பக்தர்கள் மகிழ்ச்சி அடைந்ததாக அவரது பி.ஆர்.ஓ ரவி தெரிவித்திருக்கிறார்.

இந்த ஆண்டு, 4 பேருக்கு பத்ம விபூஷண், 14 பேருக்கு பத்ம பூஷண், 94 பேருக்கு பத்மஸ்ரீ உட்பட மொத்தம் 112 பேருக்கு பத்ம விருதுகள் அறிவிக்கப்பட்டுள்ளன. இதில் 21 பேர் பெண்கள். ஒருவர் திருநங்கை, 11 பேர் வெளிநாட்டினர்.
-
இந்து தமிழ் திசை

அனைவரையும் வாழ்த்துவோம்

Code:

எனது மகன் என்னைத் தொடர்பு கொண்டு இத்தகவலைத் தெரிவித்தார். ----ட்ரம்ஸ் சிவமணி 

Code:

"நான் திருவனந்தபுரத்தில் ஒரு நாட்டிய நிகழ்ச்சியில் கலந்து கொண்டிருந்தேன். மேடையில் எனது நடனம் முடிந்தவுடன் நிகழ்ச்சி ஏற்பாட்டாளர்கள் இத்தகவலை அறிவித்தனர். எனக்கு இதில் பெரும் மகிழ்ச்சி" --நர்த்தகி நட்ராஜ்.

பொதுவாக பத்ம விருதுகள் வழங்குவதற்கு முன், விருது பெறுபவர்களை அணுகி,
பத்ம விருதுகளில் உங்கள் பெயரும் உள்ளன, பெறுவது சம்மதம்தானே என்று கேட்பார்கள் 
என்றே அறிந்துள்ளேன்.
இதை வழங்குபவர் இந்தியாவின் முதல் குடிமகன்.பெறுபவர்கள் சம்மதமின்றி 
அறிவித்து விட்டு, பெறுபவர்கள் வேண்டாமென்றால் ........அசிங்கமல்லவா?

ரமணியன் 

விருது வழங்குவதற்கு விருது பெறுபவரின்
சம்மதம் பெறுதல், நலம்
-
விருது அறிவித்த பின்னர், ஒரு சிலர் விருதை
புறக்கணிக்கின்றர்
-
அப்படிப்பட்ட ஒரு செய்தி:
---------------------
எழுத்தாளரும், ஒடிஸா முதல்வர் நவீன் பட்நாயக்
தங்கையுமான கீதா மேதா, தனக்கு வழங்கப்பட்ட பத்ம விருதை
நிராகரிப்பதாக தெரிவித்தார்.
இதுதொடர்பாக அவர் மேலும் கூறியதாவது:

பத்மஸ்ரீ விருது பெறும் அளவு தகுதியுடைவராக மத்திய அரசு
என்னை கருதியதற்காக நான் பெருமைப்படுகிறேன். இருப்பினும்
தற்போது தேர்தல் நடைபெறவுள்ள சூழலில் எனக்கு இந்த விருது
வழங்கப்படுவது தவறாக அமைந்துவிடும். எனவே நான் இந்த
விருதை நிராகரிக்கிறேன். இது எனக்கும், மத்திய அரசுக்கும் தர்ம
சங்கடத்தை ஏற்படுத்தக்கூடியதாக உள்ளது.

இதற்காக நான் வருத்துகிறேன் என்றார்.
-
----------------------------தினமணி

இரெண்டு ஆண்டுகளுக்கு முன் பின்னணி பாடகி ஜானகி அவர்களும் விருதை நிராகரித்ததாக 
தகவல் உண்டு.

ரமணியன்