வனவாசம்! வாசகர் கவிதைகள்!- கவிதைமணி

**ayyasamy ram** · **ayyasamy ram** Fri Jan 25, 2019 7:21 am

தர்மத்தை காக்க
அன்று வனவாசம் சென்றனர் - இராம, இலக்குவர்
அதர்மத்தை தகர்த்தெறிய
அன்று வனவாசம் சென்றனர் - பஞ்சப் பாண்டவர்
தவம் இயற்ற
அன்று வனவாசம் சென்றனர் - முனிவர்கள்
-
கல்விக்காக சிறுவயதிலேயே
இன்று செல்கின்றனர் வனவாசம் (ஹாஸ்டல்)
- மாணவர்கள்
வேலைக்காக இளவயதில்
இன்று செல்கின்றனர் வனவாசம் (மாநகரங்கள்)
- இளைஞர்கள்
-
விலங்குகளை வேட்டையாட
இன்று வனவாசம் செல்கின்றனர் - வேட்டைக்காரர்கள்
வனங்களை அழித்து குடியிருப்புகளாக்க
இன்று வனவாசம் செல்கின்றனர் - மக்கள்
வனத்தை காப்போம், மழை பெறுவோம்.
-
-------------------------------
- ஆம்பூர் எம். அருண்குமார்.

**ayyasamy ram** · **ayyasamy ram** Fri Jan 25, 2019 7:23 am

வனவாசம் சென்றான் ராமன் ஒரு சொல்லுக்கு
கட்டுப்பட்டு அன்று !
வனவாசம் ராமனுக்கு
ஆண்டு பதினான்கு !
-
இருக்கும் வனத்தை நாசம் செய்கிறான் மனிதன்
தினமும் இன்று ...யார் சொல்லியும் கேட்காமல் !
வனம் எல்லாம் பாலைவனம் ஆகுது நம்
கண் முன்னே !
-
வசிக்கும் இடம் எல்லாம்
அடுக்குமாடி வனமாக மாறுது ஒரு நொடியில் !
வனத்தை அழித்து விட்டு வான் உயர
கட்டிடங்கள் கட்டி விட்டு மனிதன்
திட்டுகிறன் வானத்தைப் பார்த்து
ஏன் பொய்த்தாய் வானமே என்று !
-
பண வாசம் ஒன்று மட்டும் நுகரும்
மனிதனுக்கு இந்த மண்ணின் வாசமும்
வனத்தின் நேசமும் புரிய எத்தனை ஆண்டு
தேவை அவனுக்கு வனவாசம் ?
-
--------------------------

- K .நடராஜன்
**