18 தொகுதி இடைத்தேர்தல் பற்றி ஏப்ரல் 24-ந் தேதிக்குள் முடிவு செய்யப்படும் மதுரை ஐகோர்ட்டில் தேர்தல் ஆணையம் உறுதி

**ayyasamy ram** · **ayyasamy ram** Wed 23 Jan 2019 - 8:53

மதுரை,

தமிழக சட்டசபையில் 21 தொகுதிகள் காலியாக இருக்கிறது. தி.மு.க. தலைவர் கருணாநிதி மறைவு காரணமாக திருவாரூர் தொகுதியும், ஏ.கே. போஸ் மறைவு காரணமாக திருப்பரங்குன்றம் தொகுதியும் காலியாக இருக்கிறது.

அமைச்சராக இருந்த பாலகிருஷ்ண ரெட்டிக்கு ஒரு வழக்கில் 3 ஆண்டுகள் சிறை தண்டனை விதிக்கப்பட்டதால், அவர் அமைச்சர் பதவியை இழந்தார். எம்.எல்.ஏ. பதவியும் பறிபோனது. அந்த தொகுதியும் காலியாக உள்ளது.

திருப்பரங்குன்றம் தொகுதி தேர்தல் தொடர்பான வழக்கு கோர்ட்டில் நிலுவையில் இருப்பதால் அங்கு தேர்தல் அறிவிக்கப்படவில்லை. திருவாரூர் தொகுதி தேர்தல் அறிவிக்கப்பட்டு கஜா புயல் காரணமாக இடைத்தேர்தல் தள்ளிவைக்கப்பட்டு உள்ளது.

இந்த நிலையில் பதவி பறிக் கப்பட்ட 18 எம்.எல்.ஏ.க்களின் தொகுதிகளுக்கு இடைத்தேர்தல் நடத்த வேண்டும் என்று மதுரை ஐகோர்ட்டில் திருமங்கலத்தை சேர்ந்த வேதா என்ற தாமோதரன் வழக்கு தொடர்ந்து இருந்தார்.

அவர் தாக்கல் செய்திருந்த மனுவில் கூறி இருப்பதாவது:-
தற்போதைய முதல்-அமைச்சர் எடப்பாடி பழனிசாமிக்கு எதிராக தமிழக கவர்னரிடம் மனு அளித்த விவகாரத்தில் சம்பந்தப்பட்ட 18 எம்.எல்.ஏ.க்களை சபாநாயகர் தகுதியிழப்பு செய்து உத்தரவிட்டார். இதற்கு எதிராக தகுதிநீக்க எம்.எல்.ஏ.க்கள் சார்பில் தொடர்ந்த வழக்கை சென்னை ஐகோர்ட்டு தள்ளுபடி செய்தது. ஐகோர்ட்டின் இந்த உத்தரவுக்கு எதிராக சுப்ரீம் கோர்ட்டில் மேல்முறையீடு செய்யப்போவதில்லை என 18 எம்.எல்.ஏ.க்களும் அறிவித்துள்ளனர்.

இந்த நிலையில் காலியாக உள்ள 18 தொகுதிகளுக்கும் இடைத்தேர்தல் நடத்தி புதிய எம்.எல்.ஏ.க்களை தேர்வு செய்ய தேர்தல் ஆணையம் நடவடிக்கை எடுத்திருக்க வேண்டும். ஆனால் தேர்தல் ஆணையம் எந்த நடவடிக்கையும் எடுக்கவில்லை. இதனால் 18 தொகுதிகளைச் சேர்ந்த 27 லட்சம் வாக்காளர்கள் தங்கள் குறைகளை நிவர்த்தி செய்வதற்கு உரிய மக்கள் பிரதிநிதிகள் இல்லாமல் தவிக்கிறார்கள்.

இதனால் அந்த 18 தொகுதிகளுக்கும் இடைத்தேர்தல் நடத்தக்கோரி தேர்தல் ஆணையத்துக்கு மனு அனுப்பினேன். இதுவரை நடவடிக்கை எடுக்கவில்லை. எனவே எம்.எல்.ஏ.க்கள் தகுதியிழப்பு செய்யப்பட்டதால் காலியாக உள்ள 18 தொகுதிகளுக்கும் இடைத்தேர்தல் நடத்த தேர்தல் ஆணையத்துக்கு உத்தரவிட வேண்டும்.

இவ்வாறு மனுவில் கூறி இருந்தார். இந்த வழக்கு நேற்று நீதிபதிகள் கே.கே.சசிதரன், பி.டி.ஆதிகேசவலு ஆகியோர் முன்பு விசாரணைக்கு வந்தது.

அப்போது தேர்தல் ஆணையம் தரப்பில் பதில் மனு தாக்கல் செய்யப்பட்டது. அதில், ‘கடந்த 8-ந் தேதி தமிழக தலைமை செயலாளர் தேர்தல் ஆணையத்திற்கு கடிதம் ஒன்று அனுப்பி உள்ளார். அதில் கஜா புயல் நிவாரணப் பணிகள் நடந்து வருவதால் நாடாளுமன்ற தேர்தலுடன் 18 தொகுதி இடைத்தேர்தலையும் நடத்த வேண்டும் என கோரிக்கை விடுத்திருந்தார். அதுமட்டுமல்லாமல் தகுதி இழப்பு செய்யப்பட்ட எம்.எல்.ஏக்கள் மேல்முறையீடு செய்வதற்கு இன்னும் கால அவகாசம் உள்ளது. மேலும் 18 தொகுதிகளுக்கும் இடைத்தேர்தலை நடத்த 24.4.2019 வரை அவகாசம் உள்ளது. அதற்குள் மேற்கண்ட தொகுதிகளுக்கு இடைத்தேர்தல் நடத்துவது குறித்து முடிவெடுக்கப்படும்’ என குறிப்பிடப்பட்டிருந்தது.

இதனை பதிவு செய்து கொண்ட நீதிபதிகள், இந்த வழக்கை முடித்து வைத்து உத்தரவிட்டனர்.
-
தினத்தந்தி

சிவனாசான் · சிவனாசான் Wed 23 Jan 2019 - 9:08

தற்போது கோர்ட்தான் அரசியலை நடத்துகிறது.
என்னங்க ஆட்சியாளர்கள் ஏதற்கு உள்ளனர் .
மக்கள் நலனை எண்ணி செயல்பட ஊழலை
அழிக்க ஒழிக்க அவர்கள் செயல்படுவதை
பொருக்க முடியாத ஊழல் வாதிகள் எதிர்ப்பதும்
வெளி நட்ப்பு செயவதும் வழக்கு தொடுப்பதும்
செய்யவா மக்கள் தேர்ந்தெடுத்தனர். ஆட்சியாளர்கள்
மக்கள் நலனுக்காக கொண்டுவரும் எந்த திட்டத்தையும்
நீதி மன்றம் தலை இட்டு முடக்குவது ஜன நாயகத்திற்கு
உகந்த தல்ல. மேலும் வாய்தா வாய்தா என காலம் ஓட்டுவதும்
பொய்வழக்கு என தெரிந்தும் தண்டனை அளிக்காமல் விடுவதும்
ஞாயமல்ல. நீதி மன்றம் யாரையும் சும்மா விடக்கூடாது தண்டனை
அளித்தே தீர்ப்பு வழங்கனும். வழக்குன்னு வந்துண்டா தண்டனை இல்லாமல் விடக்கூடாது. அப்போதான் பொய் வழக்கு தொடுக்க வர
யோசிப்பர்.

சிவனாசான் · சிவனாசான் Wed 23 Jan 2019 - 9:12

என்று கோர்ட் எண்ணிக்கையும் ,அரசியல் கட்சிகள்
எண்ணிக்கையும் கணிசமாக குறைகிறதோ, ஜாதி
அடிப்படையில் அரசுபணி என்பது இல்லாமல் திறமையின் அடிப்படையில் அவரவர் ஜாதகப்படி அரசுபணி அளிக்கப்டுகிறதோ அன்றுதான் நாடு நல்நிலையை அடையும். போராட்டம் என்ற பேச்சே இருக்காது. வன்முறைகளுக்கு இடமே இல்லை.