நேபாளம், பூடான் செல்ல ஆதார் போதும்

புதுடில்லி:
15 வயதுக்கு உட்பட்டவர்கள் மற்றும் 65 வயதுக்கு மேற்பட்ட
முதியவர்கள் நேபாளம், பூடான் செல்வதற்கு பயண சான்றாக
ஆதார் அட்டையை பயன்படுத்தி கொள்ளலாம் என உள்துறை அ
மைச்சகம் கூறியுள்ளது.

பயண சான்று

இது தொடர்பாக உள்துறை அமைச்சக அதிகாரி ஒருவர் கூறியதாவது:
நேபாளம், பூடான் செல்லும் இந்தியர்களுக்கு விசா தேவையில்லை.
அவர்கள், பாஸ்போர்ட், இந்திய அரசின் வழங்கிய போட்டோவுடன்
கூடிய அடையாள அட்டை, வாக்காளர் அடையாள அட்டை இருந்தால்
போதும்.

தற்போது வரை, இரண்டு நாடுகளுக்கும் செல்ல, 15 வயதுக்கு
உட்பட்டவர்கள் மற்றும் 65 வயதுக்கு மேற்பட்டவர்கள் பான் கார்டு,
டிரைவிங் லைசென்ஸ், ரேசன் கார்டு ஆகியவற்றை தான் பயண
சான்றாக பயன்படுத்த முடியும்.

ஆதார் அட்டையை பயன்படுத்த முடியாது.
தற்போது, ஆதார் அட்டையையும், பயண சான்றாக பயன்படுத்தி
கொள்ளலாம். மற்ற வயதினர், ஆதார் அடையை பயன்படுத்த
முடியாது.

அடையாள அட்டை

காத்மாண்டுவில் உள்ள இந்திய தூதரகம், இந்தியர்களுக்கு
அளிக்கும் பதிவு சான்றிதழை பயண சான்றாக பயன்படுத்த
முடியாது. அதேநேரத்தில், இந்திய தூதரகம் வழங்கும் அவசர
சான்று, அடையாள சான்றை, இந்தியாவிற்கு திரும்பி வர
இந்தியர்கள் பயன்படுத்தி கொள்ளலாம்.

15 வயது முதல் 18 வயது உடையவர்கள், இந்தியா, நேபாளத்தில்
பயணம் மேற்கொள்ள, அவர்கள் படிக்கும் பள்ளி, கல்லூரி
முதல்வர்கள் அளிக்கும் அடையாள சான்றை பயன்படுத்தி
கொள்ளலாம்.

குடும்பத்தினராக வந்தால், அனைவரும் முறையான சான்று
( பாஸ்போர்ட், அடையாள அட்டை) வைத்திருக்க வேண்டிய
அவசியம் இல்லை. குடும்பத்தில் மூத்தவர்கள் யாரேனும்,
அவற்றை வைத்திருந்தால் போதும்.

மற்றவர்கள், புகைப்படத்துடன் கூடிய அடையாள சான்றிதழ்
( ரேசன் கார்டு, டிரைவிங் லைசென்ஸ், பள்ளி, கல்லூரி
அடையாள அட்டை) வைத்திருக்க வேண்டும்.

இவ்வாறு அவர் கூறினார்.

இந்தியாவின், சிக்கிம், அசாம், அருணாச்சல பிரதேசம்,
மேற்கு வங்கம் ஆகிய மாநிலங்களுடன் பூடான் தனது
எல்லையை பகிர்ந்து கொண்டுள்ளது. அங்கு 60 ஆயிரம்
இந்தியர்கள் பணிபுரிகின்றனர்.

இவர்களில் பெரும்பாலானோர் நீர்மின் திட்டம், கட்டுமான
தொழிலில் ஈடுபட்டுள்ளனர். தினமும் 8 ஆயிரம் முதல்
10 ஆயிரம் தொழிலாளர்கள் எல்லையை கடக்கின்றனர்.

சிக்கிம், மேற்கு வங்கம், பீஹார், உத்தர பிரதேசம்,உத்தரகாண்ட்
மாநிலங்களுடன், நேபாளம், சுமார் 1,850 கி.மீ.,தூரம் எல்லையை
பகிர்ந்து கொண்டுள்ளது. டாக்டர்கள், பொறியாளர்கள், தகவல்
தொழில்நுட்ப வல்லுநர்கள், கூலி தொழிலாளிகள் என 6 லட்சம்
இந்தியர்கள் நேபாளத்தில் வசிப்பது வெளியுறவு அமைச்சகத்தின்
புள்ளி விவரத்தில் தெரியவந்துள்ளது.
-
---------------------------தினமலர்