ஜெட்லி விரைவில் குணமடைய ராகுல் வாழ்த்து

**T.N.Balasubramanian** · **T.N.Balasubramanian** Thu 17 Jan 2019 - 20:48

புதுடில்லி : மருத்துவ பரிசோதனைக்காக அமரெிக்கா சென்றுள்ள மத்திய நிதியமைச்சர் அருண் ஜெட்லி விரைவில் குணமடைய வேண்டும் என காங்., தலைவர் ராகுல் வாழ்த்து தெரவித்துள்ளார்.
அருண் ஜெட்லிக்கு கடந்த ஆண்டு சிறுநீரக மாற்று அறுவை சிகிச்சை நடந்தது. இதனையடுத்து தற்போது மருத்துவ பரிசோதனைக்காக ஜெட்லி, நேற்று அமெரிக்கா புறப்பட்டு சென்றார். இந்நிலையில், இதுவரை ஜிஎஸ்டி, ரபேல் ஒப்பந்தம் உள்ளிட்ட பல்வேறு காரணங்களுக்காக பா.ஜ.,வையும், மத்திய அமைச்சர்கள் பலரையும் கடுமையாக விமர்சித்து வந்த ராகுல், தற்போது ஜெட்லிக்கு வாழ்த்து தெரிவித்துள்ளார்.
ராகுல் டுவிட்டரில் வெளியிட்டுள்ள பதிவில், அருண் ஜெட்லி உடல்நிலை பாதிக்கப்பட்டிருப்பதை கேட்டு வேதனை அடைந்தேன். அவரது கொள்கைகள் அடிப்படையில் தினமும் நாங்கள் மோதிக் கொள்வதுண்டு. அதே சமயம் நானும், காங்., கட்சியும் அவர் விரைவில் குணமடைய எங்களின் அன்பையும் வாழ்த்துக்களையும் தெரிவித்துக் கொள்கிறோம். ஜெட்லியின் இந்த கஷ்டமான சூழலில் அவருடனும், அவரது குடும்பத்தினருடனும் 100 சதவீதம் நாங்கள் இருப்போம். இவ்வாறு அவர் குறிப்பிட்டுள்ளார்.

நன்றி தினமலர் .

ரமணியன்

**T.N.Balasubramanian** · **T.N.Balasubramanian** Thu 17 Jan 2019 - 20:49

அரசியல் நாகரிகம் இதுதான்.
மனித நேயமும் கூட.

ரமணியன்

**M.Jagadeesan** · **M.Jagadeesan** Thu 17 Jan 2019 - 22:07

அதெல்லாம் இருக்கட்டும் ; எதற்கெடுத்தாலும் அமெரிக்காவுக்கு ஓடுவதா ? நம்நாட்டு மருத்துவர்களின் மீது நம்பிக்கையில்லையா ? அமைச்சர்கள் முன்னுதாரணமாக இருக்க வேண்டாமா ?