மகாராஜன் எழுதிய, 'ஏறு தழுவுதல்' என்ற நுாலிலிருந்து:

**ayyasamy ram** · **ayyasamy ram** Mon Jan 14, 2019 7:20 pm

மகாராஜன் எழுதிய, 'ஏறு தழுவுதல்' என்ற நுாலிலிருந்து:

வேளாண் சார்ந்த உழவு குடிகள், ஒவ்வோர் ஆண்டும்,
மாடு தழுவல் சடங்கை கண்டிப்பாக நிகழ்த்த வேண்டும்.
இது நடக்காவிட்டால், தீங்கு நேரும், மழையின்றி போகும்,
பஞ்சம் வரும் என்பது, உழவு குடிகளின் நம்பிக்கையாக
இருந்து வருகிறது.

மாடு தழுவல் எனும் நிகழ்வானது, சடங்காய் மட்டும்
இல்லாமல், தமிழினத்தின் இன்னுமொரு பண்பாட்டு
விழாவாகவும் பரிணமித்து வந்திருப்பதை காண
முடிகிறது.

அவ்வகையில், மாடு தழுவல் குறித்த தொல்லியல்,
இலக்கணம், இலக்கியம் மற்றும் கலை சார்ந்த
ஆதாரங்களும் நிரம்ப உள்ளன.

சிந்துவெளி என்றழைக்கப்படுகிற மொகஞ்சதாரோ,
ஹரப்பாவில் நடந்த அகழாய்வுகள், தமிழர்களின்
பண்பாட்டு தொல்லியல் அடையாளத்தை உறுதி
படுத்தியுள்ளன.

'சிந்துவெளியில் மாடு தழுவும் கல் முத்திரை ஒன்று
கண்டறியப்பட்டுள்ளது. இது, ஏறு தழுவுதலை குறிக்கும்
சின்னம்...' என்கிறார், தொல்லியல் அறிஞர்,
மறைந்த ஐராவதம் மகாதேவன்.

உழவில் பங்கேற்கும் ஏர் மாடுகளை தவிர, அதில்
பங்கேற்காத காளை மாடுகளும் உண்டு. இ
வை, பொலி காளைகள் எனப்பட்டன.

ஏறு தழுவல் என்பது, இன்னொரு வகையில், ஒரு பாவனை
விளையாட்டு தான். மாடும், மனிதரும் இரு வேறு
உயிர்ப்பான உறவுகள். மாடுகளை குறித்து மனிதரும்,
மனிதரை குறித்து மாடுகளும் இணக்கத்தோடும்,
பரிவோடும் புரிந்தே வைத்துள்ளனர்.

அதனால் தான் இரு தரப்பும், தம் வீரத்தை, விளையாட்டாக
காட்டிக் கொள்கின்றன. வெல்வதும், தோற்பதுமான
பாவனைகள், தழுவல்களோடு முடிந்து போகின்றன
-
--------------------------------------
நடுத்தெருநாராயணன்
வாரமலர்

மகாராஜன் எழுதிய, 'ஏறு தழுவுதல்' என்ற நுாலிலிருந்து:

மகாராஜன் எழுதிய, 'ஏறு தழுவுதல்' என்ற நுாலிலிருந்து:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக