பச்சை மொச்சை குழம்பு ---

**ayyasamy ram** · **ayyasamy ram** Thu Jan 10, 2019 10:26 pm

பொங்கலுக்கு இரண்டுமாதங்கள் முன்பாக வீட்டுத்
தோட்டங்களில் அவரை, துவரை, மொச்சை பயறு
வகைகளை விதைத்துவிடுவர். பாகல், சர்க்கரை பூசணி,
புடல், வெள்ளை பூசணி, சுரைக்காய் கொடி வகை
காய்களையும் விதைத்து விடுவர்.

அதை வைத்து பொங்கல் குழம்பு சமைப்பார்கள்.
இப்போதும் கிராமங்களில் இந்த நடைமுறை உள்ளது.

விளைந்த காய்கறிகளை கொண்டு விவசாயத்திற்கு
நன்றி சொல்லும் வகையில் நாட்டு காய்கறிகளையும்
இலையில் வைத்து சூரியனுக்கு படைப்பர்.

அதன்பின் அதை சாம்பாரில் சேர்த்து சமைப்பார்கள்.
அனைத்து காய்கறிகளுடன் பச்சைமொச்சை குழம்பு
செய்யக் கற்றுத் தருகிறார் மகாலட்சுமி.

பச்சை மொச்சை குழம்பு
---
தேவையானவை

துவரம் பருப்பு- அரை கிலோ
ஐந்து வித சுவையுடைய அனைத்து நாட்டு வகை
காய்கறிகள், கிழங்கு வகைகள்,

பச்சை மொச்சை மொத்தமாக அரைகிலோ எடுத்துக்
கொள்ள வேண்டும்.

சாம்பார் பொடி, மிளகாய் பொடி, உப்பு, புளி, தக்காளி,
தேவைக்கேற்ப.

செய்முறை :

பருப்பு மற்றும் கிழங்கு வகைகளை தனித்தனியாக
வேகவைக்க வேண்டும். கிழங்கின் தோல் உரித்து
வைத்தபின் பாத்திரத்தில் காய்கறிகள், கிழங்குவகைகள்,
தக்காளி சேர்த்து தண்ணீர் ஊற்றி கொதிக்க
விடவேண்டும்.

கூடவே சாம்பார் பொடி, உப்பு, பெருங்காயம்,
மிளகாய்பொடி சேர்த்து கொதிக்கவிடவேண்டும்.
நன்கு கொதித்து வரும் போது வேகவைத்த பருப்பை
சேர்த்து தேங்காய், சீரகம் அரைத்து ஊற்ற வேண்டும்.

கடைசியாக இறக்கி வைப்பதற்கு முன்பாக புளியை
கரைத்து ஊற்ற வேண்டும்.அடுப்பிலிருந்து இறக்கி
வைத்த பின் கடுகு, உளுந்து, வெந்தயம், வெங்காயம்,
பச்சைமிளகாய், பெருங்காயத்துாள், கறிவேப்பிலை
சேர்த்து தாளித்து ஊற்றினால் கமகமக்கும்.

பச்சைமொச்சை மற்ற காய்கறிகளை விட கொஞ்சம்
கூடுதலாக சேர்ப்பது தான் பொங்கல் குழம்பின்
சிறப்பே.
-
---------------------------------
-மகாலட்சுமி
தினமலர் - பொஃகல் மலர்

**பழ.முத்துராமலிங்கம்** · 27/09/2015

தை பிறந்தால் எங்கள் வீட்டில் பச்சை மொச்சை பயறு குழம்பு மற்றும் பச்சை மொச்சை பொரியல் தினமும் இருக்கும்.
தற்போது அது முற்றிலும் மறைந்து போனது.

**T.N.Balasubramanian** · **T.N.Balasubramanian** Fri Jan 11, 2019 7:23 pm

பழ.முத்துராமலிங்கம் wrote:தை பிறந்தால் எங்கள் வீட்டில் பச்சை மொச்சை பயறு குழம்பு மற்றும் பச்சை மொச்சை பொரியல் தினமும் இருக்கும்.
தற்போது அது முற்றிலும் மறைந்து போனது.

மேற்கோள் செய்த பதிவு: 1291147

பச்சை மொச்சை குழம்பு
இச்சை மிகவாகவே தூண்டுகிறதே!
கொச்சை என எண்ணிட வேண்டாம்.

ரமணியன்

**பழ.முத்துராமலிங்கம்** · 27/09/2015

T.N.Balasubramanian wrote:
பழ.முத்துராமலிங்கம் wrote:தை பிறந்தால் எங்கள் வீட்டில் பச்சை மொச்சை பயறு குழம்பு மற்றும் பச்சை மொச்சை பொரியல் தினமும் இருக்கும்.
தற்போது அது முற்றிலும் மறைந்து போனது.
மேற்கோள் செய்த பதிவு: 1291147

பச்சை மொச்சை குழம்பு
இச்சை மிகவாகவே தூண்டுகிறதே!
கொச்சை என எண்ணிட வேண்டாம்.

ரமணியன்

மேற்கோள் செய்த பதிவு: 1291152
உண்மையில் அந்த நாட்களில் நிறைய மொச்சை காய் விளைச்சல் இருக்கும்.
அந்த சீசன் முடியும் வரை தினமும் இது தான்
இருக்கும்.
அதைத் தான் பதிவிட்டேன் ஐயா.
எதுகை மோனையில் விளையாடியுள்ளீர்கள்
அருமை ஐயா.

**T.N.Balasubramanian** · **T.N.Balasubramanian** Tue Jan 15, 2019 5:47 pm

நன்றி.

ரமணியன்

**பழ.முத்துராமலிங்கம்** · 27/09/2015

T.N.Balasubramanian wrote:நன்றி.

ரமணியன்

மேற்கோள் செய்த பதிவு: 1291475
இன்றும் எங்க வீட்டில்
பச்சை மொச்சை குழம்பு
தான் அதுவும் நான் செய்தது.
அருமையாக இருந்தது.

**krishnaamma** · **krishnaamma** Mon Apr 08, 2019 9:14 pm

அண்ணா , நிறைய குறிப்புகள் என்னுடைய சப் போரம் இல் போட்டிருக்கிறீர்கள் புன்னகை

.......பார்த்து பதிவுபோடுங்கள் புன்னகை

...இப்போ நான் மாற்றிவிடுகிறேன்...

அன்புடன்,
கிருஷ்ணாம்மா புன்னகை

Sponsored content · Sponsored content

பச்சை மொச்சை குழம்பு ---

பச்சை மொச்சை குழம்பு ---

Re: பச்சை மொச்சை குழம்பு ---

Re: பச்சை மொச்சை குழம்பு ---

Re: பச்சை மொச்சை குழம்பு ---

Re: பச்சை மொச்சை குழம்பு ---

Re: பச்சை மொச்சை குழம்பு ---

Re: பச்சை மொச்சை குழம்பு ---

Re: பச்சை மொச்சை குழம்பு ---

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக