வல்லூர் அனல் மின் நிலையம் மூடல்

**ayyasamy ram** · **ayyasamy ram** Fri 11 Jan 2019 - 13:58

சென்னை :
சென்னை ஐகோர்ட் உத்தரவை அடுத்து வல்லூர் அனல் மின்
நிலையம் மூடப்பட்டுள்ளது.

வல்லூர் அனல் மின்நிலையத்தில் உள்ள 3 அலகுகளிலும்
தலா 500 மெகாவாட் வீதம் 1500 மெகாவாட் மின்உற்பத்தி
செய்யப்பட்டு வந்தது.

இந்நிலையில் வல்லூர் அனல் மின்நிலைய நிர்வாகம் எண்ணூரில்
உள்ள சதுப்பு நில பகுதிகளில் நிலக்கரி சாம்பலை கொட்டி
வருவதாக சரவணன் என்பவர் சென்னை ஐகோர்ட்டில் வழக்கு
தொடர்ந்தார்.

அதில், மத்திய அரசின் உத்தரவை மீறி சதுப்பு நிலங்களில்
நிலக்கரி சாம்பலை கொட்டி வருவதாக கூறப்பட்டது.
இந்த வழக்கை விசாரித்த நீதிபதிகள், எண்ணூர் சதுப்பு
நிலங்களில் நிலக்கரி சாம்பலை கொட்ட வல்லூர் அனல்
மின் நிலையத்திற்கு தடை விதித்தது.

மேலும், வல்லூர் அனல் மின் நிலையத்திற்கு மத்திய அரசு
அளித்த அனுமதி 2018 மார்ச் மாதத்துடன் முடிவடைந்தது.

அனுமதியை புதுப்பிப்பதற்கான கோரிக்கை நிலுவையில் உள்ள
நிலையில், தொடர்ந்து ஆலை இயங்கி வந்துள்ளதாக கூறிய
ஐகோர்ட், ஆலை தொடர்ந்து செயல்படவும் தடை விதித்தது.

இதனையடுத்து வல்லூர் அனல் மின் நிலையம் இன்று
(ஜன.,11) முதல் மூடப்பட்டுள்ளது. ஐகோர்ட்டின் இடைக்கால
தடையை எதிர்த்து சுப்ரீம் கோர்ட்டில் மேல்முறையீடு செய்ய
உள்ளதாக ஆலை நிர்வாகம் தெரிவித்துள்ளது
-
-------------------------------
தினமலர்

**பழ.முத்துராமலிங்கம்** · 27/09/2015

Code:: மேலும், வல்லூர் அனல் மின் நிலையத்திற்கு மத்திய அரசு அளித்த அனுமதி 2018 மார்ச் மாதத்துடன் முடிவடைந்தது. அனுமதியை புதுப்பிப்பதற்கான கோரிக்கை நிலுவையில் உள்ள நிலையில், தொடர்ந்து ஆலை இயங்கி வந்துள்ளதாக கூறிய ஐகோர்ட், ஆலை தொடர்ந்து செயல்படவும் தடை விதித்தது. இதனையடுத்து வல்லூர் அனல் மின் நிலையம் இன்று (ஜன.,11) முதல் மூடப்பட்டுள்ளது. ஐகோர்ட்டின் இடைக்கால தடையை எதிர்த்து சுப்ரீம் கோர்ட்டில் மேல்முறையீடு செய்ய உள்ளதாக ஆலை நிர்வாகம் தெரிவித்துள்ளது

இது கரண்ட் கட்டிற்கு வழி வகுக்கும் செயல்.

**T.N.Balasubramanian** · **T.N.Balasubramanian** Fri 11 Jan 2019 - 20:48

எல்லா மாநிலங்களிலும் அனல் மின்சார அலகுகள் உள்ளன.

நிலக்கரி சாம்பல் இந்திய நிலக்கரிகளில் அதிக விழுக்காடுகளில் உள்ளது.
அதை சேகரிக்கும் முறையில் சேகரித்து சரியான விகிதத்தில் சிமிண்டுடன்
கலந்து விற்பது அங்கீகரிக்கப்பட்ட முறையே.

சதுப்பு நிலங்களில் கொட்டுகிறார்கள் என்றால், சேகரிக்கும் சாம்பலை
நீருடன் கலந்து அந்த சாம்பல் குழம்பை பைப் மூலமாக சதுப்பு நிலங்களில்
கொட்டுகிறார்களோ?

அப்பிடி என்றால் அது மிகவும் தவறு.

சரியான முறை.

mud dam எனப்படும் மண் அணைகள் 3 அல்லது 4 உண்டாக்கப்படவேண்டும்.
ஒவ்வொரு அணைகளுக்கும் அந்த சாம்பல் குழம்பை குழாய் மூலம் செலுத்தவேண்டும்.
வெய்யிலில் அந்த சாம்பல் காய்ந்து பாளம் பாளமாக எடுக்கமுடியும். அதை சிமிண்ட்
தயாரிப்பு ஆலைகளுக்கு அனுப்பி பணம் பண்ணலாம்.
மற்ற மாநிலங்களில் செயல்பாட்டில் உள்ள இது ஏன் தமிழ்நாட்டில் அமல் படுத்த முடியாது.
முறையற்று சதுப்பு நிலங்களில் இந்த கழிவை விட்டால் அவை வெய்யிலில் காய்ந்து
பொடித்தூளாகி காற்றில் கலந்து சுவாசிக்கும் காற்றை மாசடைய வைக்கிறது.

மின்வாரியத்தின் பொறுப்பின்மையே காரணம்.
தமிழக மின் துறை அமைச்சர் மேற்பார்வைக்கு கொண்டு செல்லபட வேண்டிய சமாச்சாரம்.

ரமணியன்

Sponsored content · Sponsored content

வல்லூர் அனல் மின் நிலையம் மூடல்

வல்லூர் அனல் மின் நிலையம் மூடல்

Re: வல்லூர் அனல் மின் நிலையம் மூடல்

Re: வல்லூர் அனல் மின் நிலையம் மூடல்

Re: வல்லூர் அனல் மின் நிலையம் மூடல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக