உருளைக் கிழங்கு சீக்கிரம் வேக வேண்டுமா? இதோ டிப்ஸ்

**ayyasamy ram** · **ayyasamy ram** Wed Jan 16, 2019 5:50 am

-

கோதுமை மாவில் உப்பு சேர்த்து, லேசாக சுட வைத்த நீர்
விட்டு கெட்டியாக பிசைந்து, இத்துடன் துருவிய கேரட்,
பீட்ரூட், காலிஃப்ளவர், பச்சை மிளகாய்,வெங்காயம்
சேர்த்து வதக்கி அடை செய்தால் சத்தான சுவையுடன்
கூடிய அடை ரெடி.
-
-----------------------------------

இட்லி மாவில் உளுந்து போதாமல் மாவு கெட்டியாக
இருந்தால் பச்சை அப்பளங்களை தண்ணீரில் நனைத்து
மிக்சியில் போட்டு ஒரு நிமிடம் ஓடவிட்டு மாவில் கலந்து
அதற்கு பின், இட்லிகள் வார்த்தால் இட்லி பூ மாதிரி
இருக்கும்.
-
------------------------------------

கிழங்குகள் சீக்கிரம் வேக வேண்டுமா?
பத்து நிமிடம் உப்பு கலந்த நீரில் ஊற வைத்து வேக
வைத்தால் எளிதில் வெந்து விடும்.
-
-------------------------------

கோதுமையை நன்கு கழுவி நான்கு மணி நேரம் ஊற
வைத்து பின் மிஷினில் அரைத்து சப்பாத்தி செய்தால்
மிகவும் மிருதுவான சப்பாத்தி கிடைக்கும்.
-
--------------------------------

தானியம் பயறு வகைகளை எட்டு மணி நேரம்
ஊற வைத்து ஹாட் பேக்கில் போட்டு மூடி மறுநாள்
திறந்து பார்த்தால் முளை கட்டிய தானியம் தயார்.
தானியங்களை முளை கட்டுவது ஒரு எளிய வழி.
-
----------------------------------

**ayyasamy ram** · **ayyasamy ram** Wed Jan 16, 2019 5:51 am

உருளைக்கிழங்கு போண்டா செய்வது போல,
எல்லா காய்கறிகளையும் ஒன்றாக வதக்கி உருட்டி
கடலை மாவில் தோய்த்து எண்ணெயில்
பொரித்தெடுத்து வெஜிடபிள் போண்டா செய்யலாம்.
-
--------------------------------

மழைக்காலத்தில் உப்பில் நீர் சேர்ந்து விடும்.
அந்த சமயத்தில் நாலைந்து அரிசியை உப்பு
ஜாடியில் போட்டு வையுங்கள்.
உப்பில் தண்ணீர் படியாமல் இருக்கும்.
-
-------------------------------

உளுந்தை கொஞ்சம் குறைவாகப் போட்டு
கெட்டியாக அரைத்து இட்லி வார்க்கும் போது
ஒரு கிண்ணம் நல்லெண்ணெய் விட்டு கலக்கி
இட்லி வார்த்தால் இட்லி மிருதுவாக இருக்கும்.

இரண்டு நாட்கள் வரை கெட்டுப் போகாமலும்
இருக்கும்.பயணம் செல்லும் போது இது போன்ற
முறையில் இட்லி செய்யலாம்.
-
-----------------------------

தேங்காய் சாதம், எலுமிச்சை சாதம் போன்ற
சாதங்களை தயாரிக்கும் போது பொட்டுக்
கடலையை வறுத்து கொட்டினால் மிகவும்
சுவையாக இருக்கும்.
-
-----------------------------------

**ayyasamy ram** · **ayyasamy ram** Wed Jan 16, 2019 5:51 am

இடியாப்பம் செய்து நிறைய மீந்து விட்டதா?
அதை ஒரு நாள் முழுவதும் புளித்த தயிரில் ஊற
வைத்து நிழலில் உலர்த்தி வற்றலாக்கி விடுங்கள்.

நன்றாக காய்ந்த பின் டப்பாவில் எடுத்து வைத்துக்
கொள்ளவும்.தேவையான போது வறுத்து சாப்பிடலாம்.
நல்லெண்ணெயில் வறுப்பது அதிக சுவையை கூட்டும்.
-
----------------------------------

பிரட்டின் மேல் பகுதியை அதாவது பழுப்பு நிற பகுதியை
தனியாக எடுத்து மிக்ஸியில் அரைத்து அத்துடன் பாதி
அளவு அரிசி மற்றும் கடலை மாவு சம அளவு கலந்து,
இஞ்சி, பச்சை மிளகாய், வெங்காயம், கறிவேப்பிலை,
உப்பு சேர்த்து அப்பம் ஊற்றினால் சுவையாக இருக்கும்.
-
----------------------------------
லைஃப்ஸ்டைல்- தினமணி

**பழ.முத்துராமலிங்கம்** · 27/09/2015

அனைத்து டிப்ஸ்ம் மிக உபயோகமான தகவல்கள் நன்றி ஐயா.

சிவனாசான் · சிவனாசான் Wed Jan 16, 2019 8:48 pm

காப்பி செய்த டிப்ஸ் சொந்த டிப்ஸ் அல்ல .பாராட்ட.

இந்த பதிவைத் துவங்கியவர் நன்றி கூறியுள்ளார் சிவனாசான்

**ayyasamy ram** · **ayyasamy ram** Mon Jan 28, 2019 5:23 am

படிப்பவர்களின் பாராட்டு எப்போதும்
படைப்பாளிகளுக்குத்தான்....!!
-
அதனால்தான் பதிவுகளின் ஆக்கம்
யாருடையது என்பதை தெளிவு படுத்துகிறோம்
-
மகிழ்ச்சி

**krishnaamma** · **krishnaamma** Mon Apr 08, 2019 9:16 pm

அண்ணா , நிறைய குறிப்புகள் என்னுடைய சப் போறம் இல் போட்டிருக்கிறீர்கள் புன்னகை

.......பார்த்து பதிவுபோடுங்கள் புன்னகை

...இப்போ நான் மாற்றிவிடுகிறேன்...

அன்புடன்,
கிருஷ்ணாம்மா புன்னகை

**krishnaamma** · **krishnaamma** Mon Apr 08, 2019 9:24 pm

சிவனாசான் wrote:காப்பி செய்த டிப்ஸ் சொந்த டிப்ஸ் அல்ல .பாராட்ட.

மேற்கோள் செய்த பதிவு: 1291552

பாராட்ட வேண்டாம் ராஜன் அண்ணா, நாங்கள் படித்த, ரசித்த விஷயங்களை மற்றவர்களுக்காக இங்கு பகிர்கிறோம் தவிர மத்தவர்களின் பாராட்டைப் பெற இல்லை ...சரியா? புன்னகை

....அது மற்றவர்களுக்கு பயன் பட்டாலே எங்களுக்கு சந்தோஷம்..... புன்னகை

**krishnaamma** · **krishnaamma** Mon Apr 08, 2019 9:26 pm

ayyasamy ram wrote:படிப்பவர்களின் பாராட்டு எப்போதும்
படைப்பாளிகளுக்குத்தான்....!!
-
அதனால்தான் பதிவுகளின் ஆக்கம்
யாருடையது என்பதை தெளிவு படுத்துகிறோம்
-

மேற்கோள் செய்த பதிவு: 1292382

ஆமோதித்தல்

**krishnaamma** · **krishnaamma** Mon Apr 08, 2019 9:57 pm

ayyasamy ram wrote:

உளுந்தை கொஞ்சம் குறைவாகப் போட்டு
கெட்டியாக அரைத்து இட்லி வார்க்கும் போது
ஒரு கிண்ணம் நல்லெண்ணெய் விட்டு கலக்கி
இட்லி வார்த்தால் இட்லி மிருதுவாக இருக்கும்.

இரண்டு நாட்கள் வரை கெட்டுப் போகாமலும்
இருக்கும்.பயணம் செல்லும் போது இது போன்ற
முறையில் இட்லி செய்யலாம்.

இது நல்ல ஐடியாவாக இருக்கிறதே, முயன்றுதான் பார்க்கவேண்டும். .......பகிர்வுக்கு நன்றி அண்ணா புன்னகை

Sponsored content · Sponsored content

உருளைக் கிழங்கு சீக்கிரம் வேக வேண்டுமா? இதோ டிப்ஸ்

உருளைக் கிழங்கு சீக்கிரம் வேக வேண்டுமா? இதோ டிப்ஸ்

Re: உருளைக் கிழங்கு சீக்கிரம் வேக வேண்டுமா? இதோ டிப்ஸ்

Re: உருளைக் கிழங்கு சீக்கிரம் வேக வேண்டுமா? இதோ டிப்ஸ்

Re: உருளைக் கிழங்கு சீக்கிரம் வேக வேண்டுமா? இதோ டிப்ஸ்

Re: உருளைக் கிழங்கு சீக்கிரம் வேக வேண்டுமா? இதோ டிப்ஸ்

Re: உருளைக் கிழங்கு சீக்கிரம் வேக வேண்டுமா? இதோ டிப்ஸ்

Re: உருளைக் கிழங்கு சீக்கிரம் வேக வேண்டுமா? இதோ டிப்ஸ்

Re: உருளைக் கிழங்கு சீக்கிரம் வேக வேண்டுமா? இதோ டிப்ஸ்

Re: உருளைக் கிழங்கு சீக்கிரம் வேக வேண்டுமா? இதோ டிப்ஸ்

Re: உருளைக் கிழங்கு சீக்கிரம் வேக வேண்டுமா? இதோ டிப்ஸ்

Re: உருளைக் கிழங்கு சீக்கிரம் வேக வேண்டுமா? இதோ டிப்ஸ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக