14 வருடமாக கோமா பெண்ணிற்கு, பிறந்த குழந்தை

14 வருடமாக கோமாவில் இருந்த பெண்ணிற்கு திடீர் என பிறந்த குழந்தை..! அதிர்ச்சியில் மருத்துவமனை ஊழியர்கள்..!

அமெரிக்காவில் 14 ஆண்டுகளாக மருத்துவமனையில் கோமாவில் இருந்த பெண்ணிற்கு கடந்த சில தினங்களுக்கு முன் திடீரென குழந்தை பிறந்துள்ளது. அவர் கர்ப்பமாக இருந்த விஷயம் மருத்துவமனை நிர்வாகத்திற்கு குழந்தை பிறக்கும் வரை தெரியாமல் இருந்துள்ளது.

அமெரிக்காவின் அரிசோனா மாகாணத்தில் உள்ள பினீக்ஸ் நகரில் ஹெக்கிடியா ஹெல்த் கேர் என்ற மருத்துவமனை ஒன்று செயல்பட்டு வருகிறது. அந்த மருத்துவமனையில் கடந்த 14 ஆண்டுகளுக்கு மேலாக கோமாவில் இருக்கம் பெண் ஒருவர் அனுமதிக்கப்பட்டுள்ளார். அவருக்கு மருத்துவமனை நிர்வாகம் தீவிர சிகிச்சை அளித்து வருகிறது. 


அவர் கடந்த டிச. 29ம் தேதி திடீர் என முனங்கியுள்ளார். அவரது முனங்கல் சத்தம் கேட்டு அதிர்ச்சியடைந்த மருத்துவமனை ஊழியர்கள், டாக்டர்களை அழைத்து அவருக்கு சிகிச்சை அளிக்க ஏற்பாடு செய்து கொண்டிருந்தனர். 

அப்பொழுது யாரும் எதிர்பாராத விதமாக அவருக்கு குழந்தை பிறந்தது. இதை பார்த்ததும் டாக்டர்களுக்கும் மற்ற ஊழியர்களுக்கும் பெரும் அதிர்ச்சி ஏற்பட்டுள்ளது. 

இந்த பெண் கடந்த சில ஆண்டுகளாக அந்த மருத்துவமனையிலேயே வெஜிஸ்டேட்டிவ் ஸ்டேட் எனப்படும் கோமா நிலையில் இருந்து வரும் நிலையில் அவருக்கு குழந்தை பிறந்துள்ளது. இது மட்டும் அல்ல அந்த பெண் குழந்தை உண்டாகியிருப்பது குழந்தை பிறக்கும் வரை மருத்துவமனை நிர்வாகத்திற்கும் தெரியவில்லை.



இது குறித்து தகவல் போலீசாருக்கு அளிக்கப்பட்டது. அதன் அடிப்படையில் அந்த பெண் மருத்துவமனையில் அவர் அனுமதிக்கப்பட்டிருக்கும் அந்த பெட்டிலேயே அவர் கற்பழிக்கப்பட்டிருக்கிறார் என்றும். மருத்துவமனையில் அவரது உடல் நிலை குறித்த முன்னேற்றத்தில் அக்கறை இல்லை என்றும் வழக்கு பதிவு செய்து விசாரணை நடத்தி வருகின்றனர்.

இது குறித்து மருத்துவமனை நிர்வாகத்திடம் போலீசார் நடத்திய விசாரணையின் போது அந்த பெண் தங்கியிருந்த அறைக்கு செல்ல பலருக்கு அனுமதி வழங்கப்பந்ததாகவும் அதனால் குறிப்பிட்து இவர் தான் இதை செய்திருப்பார் என சந்தேகப்பட வாய்ப்பில்லை என்று கூறியதாக தெரிகிறது.

தற்போது அந்த மருத்துவமனை நிர்வாகம் பெண்கள் சிகிச்சை பெறும் அறைக்கு ஒரு ஆண் செல்ல வேண்டும் என்றால் அந்த மருத்துவமனையில் உள்ள பெண்ணையும் உடன் அழைத்து செல்ல வேண்டும் என உத்தரவிட்டுள்ளதாகவும் தெரிகிறது. 

தற்போது பிறந்த குழந்தையின் உடல்நலம், மற்றும் அந்த குழந்தையின் பாலினம் குறித்து எந்த தகவலும் வெளியாகவில்லை. 

ரமணியன் 


நன்றி சமயம்

ஒரு காலத்தில் டாக்டர்கள் தெய்வத்திற்கு ஈடாக மதிக்கப்பட்டார்கள்.

ரமணியன்