அலுவலகத்தில் --பலருக்கு உயர் ரத்த அழுத்தம் ஏன்?

இன்று 35 வயதுக்கு மேற்பட்டவர்கள், அலுவலகத்தில் உயர் பொறுப்பில் இருப்பவர்கள் பலரை பாதிப்பது உயர் ரத்த அழுத்தம். வேலை பளு, மனஅழுத்தம் காரணமாக ரத்த நாளங்களில் செல்லும் ரத்தத்தின் அழுத்தம் அதிகரிக்கிறது. இதற்கான காரணம், தீர்வு ஆகியவை குறித்துப் பார்ப்போம். 

ஹைபர் டென்ஷன் என்னும் இந்த நோய், பல நோய்களுக்கு காரணமாக அமைகிறது. மாரடைப்பு, வாதம் போன்றவை வருவதற்கான அறிகுறியாக உயர் ரத்த அழுத்தம் இருக்கிறது. ஆகவே ரத்த அழுத்தத்தை சரியான விகிததில் வைத்து கொள்வதற்கு சீரான உணவு கட்டுப்பாடும், மருந்துகளும் முக்கியம். 

இன்றைய உணவுகளில் பல, இந்த நோயை அதிகரிக்க செய்யும் வாய்ப்புகள் இருப்பதால் , ரத்த கொதிப்பு உள்ளவர்கள் கட்டாயமாக சில உணவுகளை தவிர்க்கவேண்டும். அவற்றை பற்றிய தகவல் கீழே கொடுக்கப்பட்டுள்ளன. வாருங்கள் அவை என்னென்ன என்பதை தெரிந்து கொள்வோம். 

ரத்த கொதிப்பு உள்ளவர்களது முக்கிய எதிரி கப்பைன், நிக்கோட்டின் மற்றும் ஆல்க்கஹால். காஃபி, டீ உள்ளிட்ட பானங்களை உற்சாகம் பெற அவ்வப்போது அருந்துவது ரத்த அழுத்தத்தையும் அதிகரிக்கிறது. இப்பழக்கத்தை முடிந்தவரை குறைப்பது நல்லது. சிகரெட்டின் உள்ள நிக்கோட்டின் ஒவ்வொரு முறை சிகரெட் புகைக்கும்போதும் ரத்த அழுத்தத்தை அதிகரிக்கிறது. மதுவில் உள்ள ஆல்கஹால் கல்லீரல் பாதிப்பு ஏற்படுத்துவது மட்டுமல்லாமல் ரத்த அழுத்தத்தையும் அதிகரிக்கிறது.


40 வயதுக்குமேல் உணவில் கொழுப்பு, உப்பு, கரம், சர்க்கரை அனைத்தையுமே குறைப்பது நல்லது. குறிப்பாக உப்பின் அளவை குறைத்துக் கொள்வது நல்லது. உயர் ரத்த அழுத்தம் உள்ளவர்கள், அதிகமான உப்பை எடுத்துக் கொள்ளும்போது, உப்பில் உள்ள சோடியம் , உடலின், சிறுநீரகம், இதயம், தமனிகள், மூளை போன்றவற்றை பாதிக்கிறது. ரத்த அழுத்தம் உயரும் போது, தமனிகளில் அழுத்தம் அதிகமாகி, அவற்றை குறுக்கி விடுகிறது அல்லது, வெடிக்க செய்கிறது.

சில நேரங்களில் அதிக அளவு சோடியம் உட்கொள்ளல் , இதயத்திற்கு இணையும் இரத்தக் குழாய்கள், அதிகமான சோடியம் உட்கொள்ளளால் பாதிப்படைகிறது. தொடக்கத்தில், இதயத்திற்கு செல்லும் இரத்த ஓட்டத்தை குறைக்கிறது, இதனால் மாரடைப்பு ஏற்படும் வாய்ப்பு உண்டாகிறது. ஒரு மனிதன் ஒரு நாளில் சராசரி 2.5மிகி அளவு உப்பு மட்டுமே எடுத்துக் கொள்ள வேண்டும். 

ரமணியன் 

நன்றி சமயம்