ஆமதாபாத்தில் உலகின் மிகப்பெரிய கிரிக்கெட் மைதானம் கட்டும் பணி தீவிரம்: 63 ஏக்கர் பரப்பு, ரூ.700 கோடி செலவு

உலகிலேயே மிகப்பெரிய கிரிக்கெட் மைதானம் குஜராத் மாநிலம் ஆமதாபாத்தில் 63 ஏக்கர் பரப்பில் ரூ.700 கோடியில் கட்டப்பட்டு வருகிறது.

கிரிக்கெட்டால் இந்திய ரசிகர்கள் முழுமையாக ஈர்க்கப்பட்டுள்ளனர். குறிப்பாக ஐபிஎல் கிரிக்கெட் போட்டியின் வெற்றி இதற்கு சான்றாகும். ஏனைய விளையாட்டுகளைக் காட்டிலும் கிரிக்கெட்டுக்கு கூடுதல் வரவேற்பு உள்ளது. பிரபலமான கிரிக்கெட் வீரர்களை தெய்வமாகக் கூட ரசிகர்கள் கொண்டாடுகின்றனர்.

ஆமதாபாத் மொட்டேராவில் புதிதாக கிரிக்கெட் மைதானம் கட்டப்பட்டு வருகிறது. ஏற்கெனவே இருந்த சர்தார் பட்டேல் மைதானம் 1982-இல் கட்டப்பட்டு பழமையானதால், புதிய மைதானம் கட்ட குஜராத் கிரிக்கெட் சங்கம் முடிவு செய்தது. அதன்படி பழைய மைதானம் முற்றிலும் இடிக்கப்பட்டு 2015-இல் கட்டுமான பணிகள் தொடங்கப்பட்டன.
1.10 லட்சம் பார்வையாளர்கள்

அதே சர்தார் பட்டேல் பெயரில் கட்டப்படும் புதிய மைதானம் 1.1 லட்சம் பார்வையாளர்கள் அமரும் வசதி உடையதாக இருக்கும். தற்போது 1 லட்சம் பார்வையாளர்கள் அமரும் வசதி கொண்ட மெல்போர்ன் மைதானம் தான் உலகிலேயே பெரிய கிரிக்கெட் மைதானம் ஆகும்.

இந்தியாவிலேயே பெரிய மைதானமாக கொல்கத்தா ஈடன் கார்டன்ஸ் 68000 பார்வையாளர்கள் உள்ளது.

ஆமதாபாத்தில் புதிய மைதானம் கட்டப்பட்டு முடிந்தால் உலகின் மிகப்பெரிய கிரிக்கெட் மைதானம் என்ற சிறப்பைப் பெறும். 63 ஏக்கர் பரப்பில் ரூ.700 கோடியில் புதிய மைதானம் அமைக்கப்பட்டு வருகிறது. 4 உடைமாற்றும் அறை, பெரிய நீச்சல் குளம், கிளப் ஹவுஸ், உள்ளரங்க கிரிக்கெட் விளையாடும் வசதி என பல்வேறு சிறப்புகள் இதில் இடம் பெறும்.

எல் அன் டி நிறுவனம் கட்டுமான பணிகளை செய்து வருகிறது. மும்பையின் பாப்புலஸ் நிறுவனம் வடிவமைப்பு பணிகளை செய்து வருகிறது.கட்டுமானப் பணிகள் துரிதமாக நடந்து வருகின்றன.

இதுதொடர்பாக குஜராத் கிரிக்கெட் சங்க துணைத் தலைவர் பரிமால் நத்வானி தனது சுட்டுரையில் (டுவிட்டர்) கூறியுள்ளதாவது-

உலகின் மிகப்பெரிய கிரிக்கெட் மைதானம் கட்டுமானத்தில் உள்ளது. குஜராத் கிரிக்கெட் சங்கத்தின் கனவு திட்டமான இது முடிந்தால் ஒட்டுமொத்த இந்தியாவின் பெருமையாக திகழும் எனக்கூறியுள்ளார்.

கிரிக்கெட்டின் புதிய மெக்காவாக மாறும் வாய்ப்பும் ஆமதாபாத் புதிய மைதானத்துக்கு
கிட்டும்
-
தினமணி

Code:


உலகின் மிகப்பெரிய கிரிக்கெட் மைதானம் கட்டுமானத்தில் உள்ளது. குஜராத் கிரிக்கெட் சங்கத்தின் கனவு திட்டமான இது முடிந்தால் ஒட்டுமொத்த இந்தியாவின் பெருமையாக திகழும் எனக்கூறியுள்ளார்.

கிரிக்கெட்டின் புதிய மெக்காவாக மாறும் வாய்ப்பும் ஆமதாபாத் புதிய மைதானத்துக்கு
கிட்டும்


சர்தார் வல்லபாய் பட்டேல் பெயரில் அனைத்துமே பிரமாண்டம் தான் போல் தோன்றுகிறது.