மைக்ரோ கதை

**ayyasamy ram** · **ayyasamy ram** Tue 26 Mar 2019 - 16:21

மனநல மருத்துவரைப் பார்க்க வந்த நடராஜன்,
"டாக்டர் நான் படுத்திருக்கும் கட்டிலுக்குக் கீழே
யாரோ ஒளிந்து கொண்டிருப்பது போலவும்,
அவன் என்னைக் கொலை செய்துவிடுவானோ
என்ற பயமாகவும் இருக்கிறது.

இதனால் எனக்குத் தூங்கவே முடியவில்லை''
என்றான்.

"உன் பிரச்னை என்னன்னு எனக்குப் புரிகிறது.
வாரத்திலே ரெண்டு தடவை வந்து என்னைப் பார்.
ஃபீஸ் ஆயிரம் ரூபாய்'' என்றார் டாக்டர்.

"சரிங்க டாக்டர். இப்ப பணம் எடுத்துட்டு வரலை.
நாளைக்கு வர்றேன்'' என்றான் நடராஜன்.

ஒரு வாரம் ஆகியும் டாக்டரைப் பார்க்க நடராஜன்
வரவில்லை. மருந்துக் கடை ஒன்றின் அருகே
தற்செயலாக நடராஜனைப் பார்த்த டாக்டர் கேட்டார்:

"மறுநாள் வர்றதாச் சொன்னாய். வரலையே?''

"எனக்கு அந்தப் பயம் இப்போ வரலை டாக்டர்?''

"எப்படி?''

"கட்டிலில் இப்போ படுக்கிறதில்லை டாக்டர்.
பாயை விரிச்சு தரையில் படுத்துக்கிறேன்'' என்றான்
நடராஜன்.
-
-----------------------------
ஜி.சுந்தர்ராஜன், திருத்தங்கல்.
தினமணி கதிர்