Latest topics

தசாவதாரத்தில் அதிக பரிணாம தகவல்கள் : ஆந்திர பல்கலை துணைவேந்தர்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

தசாவதாரத்தில் அதிக பரிணாம தகவல்கள் : ஆந்திர பல்கலை துணைவேந்தர்

Post by ayyasamy ram Sun Jan 06, 2019 8:57 am

-
ஜலந்தர் :
சார்லஸ் டார்வினின் பரிணாம கொள்கையை விட
இந்து கடவுளின் அவதாரங்களான தசாவதாரத்தில்,
அதிக பரிணாம தகவல்கள் இருப்பதாக
ஆந்திர பல்கலைகழக துணைவேந்தர் நாகேஸ்வர் ராவ்
தெரிவித்துள்ளார்.

பஞ்சாப் மாநிலம் ஜலந்தரில், 106வது இந்திய அறிவியல்
மாநாட்டில், தனது கட்டுரையை சமர்ப்பித்த பின்
நாகேஸ்வர் ராவ் கூறியதாவது,

டார்வினின் பரிணாம கொள்கை, கடல்வாழ் உயிரினத்திலிருந்து
மனிதன் என்றளவிற்கு மட்டுமே விளக்கியுள்ளது. ஆனால், இந்து
புராணங்களின் படி, கடவுள் பல்வேறு அவதாரங்களுடன்
விளங்கும் தசாவதாரத்தில், டார்வினின் கொள்கைகளையும்
தாண்டி, ராமர் முதல் அரசியல் புலமை பெற்ற கிருஷ்ணர் வரை
விவாதிக்கப்பட்டுள்ளது.

மேற்கத்திய அறிஞர்களின் கொள்கையானது மனிதனின்
தோற்றத்தோடு பரிணாம ஆய்வுகளை முடித்துக்கொண்டது.
ஆனால், நமது அறிவியலோ அதனையும் தாண்டி பல்வேறு
தகவல்களை விளக்கும் வகையில் உள்ளது.

கெளரவர்கள், சோதனைக்குழாய் குழந்தைகள் :

கெளரவர்கள், சோதனைக்குழாய் மற்றும் ஸ்டெம் செல் சிகிச்சை
மூலம் பிறந்தவர்கள். ஏவுகணை தொழில்நுட்பங்களை, இந்தியர்கள்,
ஆயிரம் ஆண்டுகளுக்கு முன்னரே கற்றறிந்துவிட்டனதாக, ராவ்,
தனது ஆய்வுக்கட்டுரையில் குறிப்பிட்டுள்ளார்.
-
--------------------------------------
தினமலர்

ayyasamy ram: வழிநடத்துனர்; பதிவுகள் : 84876
இணைந்தது : 30/09/2013