சபரிமலையில் பெண்களுக்கு அனுமதி: 620 கி.மீ தூரம் நீண்ட 'பெண்கள் சுவர்'

**ayyasamy ram** · **ayyasamy ram** Wed Jan 02, 2019 4:44 am

-

திருவனந்தபுரம்:
உச்ச நீதிமன்ற தீர்ப்பின்படி சபரிமலையில் பெண்களை
அனுமதிக்க வேண்டும் என்று வலியுறுத்தி, விழிப்புணர்வு
ஏற்படுத்தும் விதமாக, 620 கி.மீ. தொலைவுக்கு நீண்ட
'மகளிர் சுவர்' என்னும் பெண்கள் மட்டுமே பங்கேற்ற
நிகழ்ச்சி செவ்வாயன்று நடந்தது.

சபரிமலை ஐயப்பன் கோவிலுக்குள் அனைத்து வயது
பெண்களுக்கும் சென்று வழிபட அனுமதி அளித்து
உச்ச நீதிமன்றம் தீர்ப்பளித்தது. . இதற்கு எதிர்ப்பு
தெரிவிக்கும் விதமாக ஆர்எஸ்எஸ், பாஜக உள்ளிட்டோர்
கேரளாவில் தொடர் போராட்டங்களில் இறங்கினர்.

இதற்காக பிரமாண்ட பேரணிகள் நடத்தப்பட்டன.
கடந்த டிசம்பர் 26-ம் தேதி கூட 'ஐயப்ப ஜோதி' என்னும்
தீபங்கள் ஏற்றும் விழாவை நடத்தினார்கள்.

இந்நிலையில் சில நாட்களுக்கு முன் கேரளாவின்
முக்கிய பெண்கள் அமைப்புகள் பலவற்றுடன்
முதல்வர் பினராயி விஜயன் சந்திப்பு நடத்தினார்.

அந்த சந்திப்பின் முடிவில் சபரிமலையில் பெண்களை
அனுமதிக்க வலியுறுத்தி, கேரளாவில் செயல்படும் பெண்கள்
அமைப்புகள் சார்பில் பெரிய மனித சங்கிலி போன்ற
பெண்களின் மதில் அமைக்கப்படும் என்று முடிவு
செய்யப்பட்டது.

அதன்படி 'வனிதா மதில்' என்று பெயரிடப்பட்ட இந்த
பெண்களின் மதில் சுவர் போராட்டம் செவ்வாய் மாலை
நடந்தது.மாலை மூன்று மணிக்கு இந்த போராட்டம்
தொடங்கியது. பெண்கள் மட்டுமே இந்த போராட்டத்தில்
கலந்து கொண்டனர்.

கேரளாவில் வடக்கு பகுதியான காசர்கோடு தொடங்கி
தெற்கு பகுதியான திருவனந்தபுரம் வரை, மொத்தம்
620 கி.மீ.க்கு பெண்கள் கைகளை இணைத்து சங்கிலி
போல சாலை ஓரம் நின்றார்கள்.

காசர்கோட்டில் நடந்த தொடக்க விழாவில் முதல்வர்
பினராயி விஜயன் கலந்து கொண்டார். 3.30 மணிக்கு
பெண்கள் தங்கள் கைகளை இணைக்க தொடங்கி
4.30 மணி வரை சங்கிலி போல அணிவகுத்து நின்றார்கள்.
-
-----------------------------------
தினமணி

SK · SK Wed Jan 02, 2019 12:09 pm

காசர்கோட்டில் நடந்த தொடக்க விழாவில் முதல்வர்
பினராயி விஜயன் கலந்து கொண்டார். 3.30 மணிக்கு
பெண்கள் தங்கள் கைகளை இணைக்க தொடங்கி

போராட்டத்துக்கு தொடக்க விழா

மகிழ்ச்சி

SK · SK Wed Jan 02, 2019 12:17 pm

[quote="ayyasamy ram"] சபரிமலையில் பெண்களுக்கு அனுமதி: 620 கி.மீ தூரம் நீண்ட 'பெண்கள் சுவர்' Vanidha_madhil

-

இதில் இருக்கும் இஸ்லாமிய பெண்ணுக்கும் சபரிமலைக்கு என்ன சம்மந்தம்

கோபால்ஜி · கோபால்ஜி Wed Jan 02, 2019 6:18 pm

SK wrote:
-

இதில் இருக்கும் இஸ்லாமிய பெண்ணுக்கும் சபரிமலைக்கு என்ன சம்மந்தம்

மசூதியில் தான் அனுமதியில்லை,சபரிமலைக்காவது போகலாம் என்று வந்திருப்பார்,பாவம்....!!!! புன்னகை

சிவனாசான் · சிவனாசான் Wed Jan 02, 2019 7:12 pm

இவர்கள் பெண்கள் அல்ல. அச்சம், மடம்,
நாணம் , பயிற்பு என்ற நாண்கையும்
அற்ற பெண் மணிகள் எனலாம்.
இதெல்லாம் ஊடகங்களில்
தெரிவிப்பார்கள் என அவா
கோண்ட தீவிர செயல்.....

**ayyasamy ram** · **ayyasamy ram** Thu Jan 03, 2019 8:12 am

மக்களின் மத நம்பிக்கையைகுலைக்கும்
வகையில் நீதிமன்றம் தீர்ப்பு உள்ளது என்று
ஒரு சாரார் போராடுகின்றனர்
-
தீர்ப்பை வரவேற்கும் விதமாக சில மகளிர்
அமைப்புகள் போராடுகின்றன.
-
இந்த போராட்டங்களை பயன்படுத்தி அரசியல்
செல்வாக்கு பெற சில அரசியல் கட்சிகள் முனைகின்றன....
-
ஐயப்பன் அமைதி காக்கிறார்...!!