இயக்குநர் மிருணாள் சென் காலமானார்

by **ayyasamy ram** Sun Dec 30, 2018 9:18 pm

கோல்கட்டா:

தாதா சாகேப் பால்கே உள்பட பல்வேறு சிறப்பு விருதுகளை
பெற்ற பிரபல வங்காள மொழி திரைப்பட இயக்குநர்
மிருணாள் சென்(95) கோல்கட்டாவில் உடல்நலக்குறைவால்
இன்று காலமானார்.

வங்காளம் மொழி திரைப்பட இயக்குநரான இவர்
இந்திய திரைப்படங்களை உலகத் தரத்துக்கு உயர்த்திய
திரைப்பட இயக்குநர்களில் முக்கியமானவர்.

இந்தி, தெலுங்கு, ஒடிசா, வங்காளம் ஆகிய 4 மொழிகளில்
சுமார் 30 திரைப்படங்கள், 14 குறும்படங்கள் மற்றும்
4 ஆவணப்படங்களை மிருணாள் சென் இயக்கியுள்ளார்.

கோல்கட்டா ஸ்டுடியோவில் ஆடியோ தொழில்நுட்ப
பணியாளராக பணியாற்றினார். 1950 முதல் முழுநேர
திரைப்படப் பணிகளில் இறங்கினார்.

இவர் முதன் முதலில் 1955இல் 'ராத் போர்' என்ற படத்தை
இயக்கினார். இவர் இயக்கி 1969இல் வெளிவந்த
'புவன் ஷோம்' (திரு. ஷோம்) என்ற திரைப்படம் இவரை
உலக அளவிலும் இந்திய அளவிலும் பெரிய இயக்குநராக
அடையாளப்படுத்தியது.

இந்திய சினிமாவின் மிக உயரிய விருதான தாதாசாகேப்
பால்கே விருது, பத்மபூஷண் உட்பட பல விருதுகளை
வென்றுள்ளார். பல்வேறு பல்கலைக்கழகங்கள் இவருக்கு
கவுரவ டாக்டர் பட்டங்களை வழங்கி சிறப்பித்தன.

இந்நிலையில் முதுமையில் நோயால் அவதிப்பட்டு வந்த
மிருணாள் சென் இன்று காலை காலமானார் என்று
அவரின் குடும்ப உறுப்பினர்கள் தெரிவித்தனர்.
-
தினமலர்

ஆழ்ந்த அனுதாபங்கள்
இவர் ஆத்மா சாந்தியடைய ஆண்டவனை பிரார்த்திக்கிறேன்.

இயக்குநர் மிருணாள் சென் காலமானார்

இயக்குநர் மிருணாள் சென் காலமானார்

Re: இயக்குநர் மிருணாள் சென் காலமானார்