மன்மோகன் வாழ்க்கை படத்திற்கு காங்., எதிர்ப்பு

**ayyasamy ram** · **ayyasamy ram** Fri Dec 28, 2018 1:57 pm

-
புதுடில்லி :
முன்னாள் பிரதமர் மன்மோகன் சிங்கின் வாழ்க்கையை
சித்தரிக்கும் ' தி ஆக்ஸிடென்டல் பிரைம் மினிஸ்டர்'
(The Accidental Prime Minister) என்ற படத்தை
வெளியிடுவதற்கு காங்., எதிர்ப்பு தெரிவித்து வருகிறது.

முன்னாள் பிரதமர் மன்மோகன் சிங்கின் மீடியா
ஆலோசகர் சஞ்சயா பாரு எழுதிய புத்தகத்தை
அடிப்படையாக கொண்டு எடுக்கப்பட்டுள்ள பாலிவுட் படம்,
' தி ஆக்ஸிடென்டல் பிரைம் மினிஸ்டர்'.

இப்படம் ஜனவரி 11 ம் தேதி ரிலீசாக உள்ளது.
சமீபத்தில் இப்படத்தின் டிரைலர் வெளியாகி பரபரப்பை
ஏற்படுத்தி உள்ளது. இந்நிலையில் இந்த படத்தில்
மன்மோகன் சிங் குறித்து தவறான தகவல்கள்
தரப்பட்டுள்ளதாக கூறி, படத்தை வெளியிடுவதற்கு
மகாராஷ்டிர இளைஞர் காங்., எதிர்ப்பு தெரிவித்துள்ளது.

இப்படத்தில் நடிகர் அனுபம் கெர், மன்மோகன் சிங்
வேடத்தில் நடித்துள்ளார். 2014 ம் ஆண்டு லோக்சபா
தேர்தலில் காங்., பெற்ற தோல்விக்கு மன்மோகன் சிங் தான்
காரணம் என்பது போல் இப்படத்தில் காட்டப்பட்டுள்ளதாக
காங்., குற்றம்சாட்டி உள்ளது.

தங்களின் கோரிக்கையை ஏற்று சில மாற்றங்களை செய்தால்
மட்டுமே நாடு முழுவதும் படத்தை வெளியிட அனுமதிக்க
போவதாக இளைஞர் காங்., தெரிவித்துள்ளது.

இதற்கிடையில், மன்மோகன் சிங் வெறும் பெயரளவிலேயே
பிரதமர் நாற்காலியில் இருக்க வைக்கப்பட்டாரா என
பா.ஜ.,வும் கேள்வி எழுப்பி உள்ளது.
-
---------------------------------
தினமலர்

**T.N.Balasubramanian** · **T.N.Balasubramanian** Fri Dec 28, 2018 5:24 pm

மௌன படமா?

ரமணியன்

கோபால்ஜி · கோபால்ஜி Sat Dec 29, 2018 10:44 am

T.N.Balasubramanian wrote:மௌன படமா?

ரமணியன்

மன்மோகன் வாழ்க்கை படத்திற்கு காங்., எதிர்ப்பு 1f604

கோபால்ஜி · கோபால்ஜி Sat Dec 29, 2018 10:47 am

கருத்து சுதந்திரம் பற்றி மூச்சுக்கு முந்நூறு முறை பேசும் அறிவு ஜீவிகள்,இடது சாரிகள்,"முற்போக்கு" கட்சிகள்,கமல்,பிரகாஷ்ராஜ் போன்றோர் ஏன் இதற்கு எந்த கருத்தும் கூறவில்லை?

**T.N.Balasubramanian** · **T.N.Balasubramanian** Sun Dec 30, 2018 2:03 pm

கோபால்ஜி wrote:கருத்து சுதந்திரம் பற்றி மூச்சுக்கு முந்நூறு முறை பேசும் அறிவு ஜீவிகள்,இடது சாரிகள்,"முற்போக்கு" கட்சிகள்,கமல்,பிரகாஷ்ராஜ் போன்றோர் ஏன் இதற்கு எந்த கருத்தும் கூறவில்லை?

மேற்கோள் செய்த பதிவு: 1290182
கேள்வி: அரசியல்வாதிகள்--என்பவர் யார்?
பதில் :
சில விஷயங்களில் வேண்டாத போது மூக்கை நுழைப்பார்கள் .
சமயம் கண்களை இறுக்க மூடிக்கொள்வார்கள்.

ரமணியன்