ஏர் - இந்தியா நிறுவனத்தில் சர்வதேச நிபுணர்கள்

புதுடில்லி :
'ஏர் - இந்தியா' விமான நிறுவனத்தை மறுசீரமைப்பு
செய்யும் நோக்கத்தில், சர்வதேச அளவில், விமான
போக்குவரத்தில் அனுபவம் வாய்ந்த நிபுணர்களை,
உயர் பதவியில் பணிக்கு அமர்த்த, மத்திய அரசு
முடிவு செய்துள்ளது.

மத்திய அரசின் விமான போக்குவரத்து சேவை
நிறுவனமான, ஏர் - இந்தியாவுக்கு, 55 ஆயிரம் கோடி
ரூபாய் கடன் உள்ளது.

பங்கு விற்பனை :

இதை சரிசெய்யும் நோக்கில், ஏர் - இந்தியா பங்குகளை
விற்க, திட்டமிடப்பட்டது. பல்வேறு காரணங்களால்,
இந்த திட்டம் கைவிடப்பட்டது. இதையடுத்து,
ஏர் - இந்தியா நிறுவனத்தை மீண்டும் மறுசீரமைப்பு
செய்யும் முயற்சியில், மத்திய அரசு இறங்கி உள்ளது.

இது குறித்து, மத்திய விமான போக்குவரத்து துறை
அமைச்சரும், பா.ஜ., மூத்த தலைவருமான, சுரேஷ் பிரபு
கூறியதாவது:

ஏர் - இந்தியா நிறுவனத்தை மீண்டும் மறுசீரமைப்பு
செய்ய வேண்டுமானால், அனைத்து பிரிவுகளிலும் உள்ள
உயர் பதவிகளுக்கு, சர்வதேச அளவில் அனுபவம் வாய்ந்த
நிபுணர்களை நியமிக்க வேண்டும் என, ஏற்கனவே
கூறியிருந்தேன்.

அரசு ஏற்பு :

மத்திய அரசு, அந்த கருத்தை ஏற்றுள்ளது.
டனில் இருந்து, நிறுவனத்தை மீட்பது குறித்து,
நிதி அமைச்சகத்துடன் தொடர்ந்து பேச்சு நடத்தி
வருகிறோம். இவ்வாறு அவர் கூறினார்.

ஏர் - இந்தியா நிறுவனத்தில், உயர் பதவிகளுக்கு சர்வ தேச
அளவிலான நிபுணர்களை நியமிக்க, தேடுதல் குழுவை,
மத்திய அரசு உருவாக்க உள்ளதாக, அரசு அதிகாரிகள்
தெரிவித்தனர்.
-
--------------------------------
தினமலர்