Latest topics

சேலத்தில் சிட்டுக்குருவிகள் விற்ற பெண்ணுக்கு அபராதம் வனத்துறையினர் எச்சரித்து அனுப்பினர்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

சேலத்தில் சிட்டுக்குருவிகள் விற்ற பெண்ணுக்கு அபராதம் வனத்துறையினர் எச்சரித்து அனுப்பினர்

Post by ayyasamy ram Thu Dec 20, 2018 9:33 am

சேலம்,

சேலம் அம்மாபேட்டை, குமரகிரி ஏரி, கடைவீதி உள்ளிட்ட
பல்வேறு பகுதிகளில் பெண் ஒருவர் கடந்த சில நாட்களாக
சாலையோரம் சிட்டுக்குருவிகளை கூண்டில் அடைத்து
வைத்து அதை விற்பனை செய்வதாக வனத்துறையினருக்கு
புகார்கள் வந்தன.

வனத்துறையினர், அந்த பெண்ணை பிடித்து விசாரித்த
போது அவர் தர்மபுரி மாவட்டம் பாப்பிரெட்டிபட்டி அருகே
உள்ள புதுப்பட்டி பகுதியை சேர்ந்த நாராயணன் என்பவரது
மனைவி தனலட்சுமி (வயது 50) என்பது தெரிந்தது.

அவர் தர்மபுரி மாவட்டத்தில் பல்வேறு இடங்களில் உள்ள
வயல்களில் வலை விரித்து சிட்டுக்குருவிகளை பிடித்து வந்து
ஒரு குருவி ரூ.100-க்கு விற்பனை செய்ததாக கூறினார்.

இதைத்தொடர்ந்து அந்த பெண்ணிடம் இருந்த
20 சிட்டுக்குருவிகளை பறிமுதல் செய்து அதை வனப்பகுதியில்
விட்டனர். பின்னர் அவருக்கு ரூ.2,500 அபராதம் விதித்து எச்சரித்து
அனுப்பி வைத்தனர்.

இது குறித்து வனச்சரகர் சுப்பிரமணியிடம் கேட்ட போது,
‘இந்திய வனச்சட்டப்படி பறவைகள் விற்க தடை விதிக்கப்பட்டு
உள்ளது. தொடர்ந்து பறவைகள் விற்பனை செய்பவர்கள் கண்டு
பிடிக்கப்பட்டால் அவர்களை கைது செய்யவும் சட்டத்தில் இடம்
உள்ளது’ என்றார்.

தினத்தந்தி

ayyasamy ram: வழிநடத்துனர்; பதிவுகள் : 82839
இணைந்தது : 30/09/2013