21ம் தேதி வெளியாகும் மாஸ் ஹீரோக்களின் படங்கள்!

**ayyasamy ram** · **ayyasamy ram** Thu 20 Dec 2018 - 0:10

இந்த மாதம் கிறிஸ்துமஸ் பண்டிகை வரும் 25ம் தேதி
வருகிறது. இதைத் தொடர்ந்து ஆங்கிலப் புத்தாண்டு,
பொங்கல் பண்டிகை என்று கோலிவுட்டில் சிறப்பு
கொண்டாட்டம் தான்.

இதன் காரணமாக இந்த மாதம், தனுஷ், விஜய் சேதுபதி,
ஜெயம் ரவி, அதர்வா, விஷ்ணு விஷால், ஐஸ்வர்யா ராஜேஷ்
ஆகியோரது படங்கள் திரைக்கு வருகிறது.

கேஜிஎப் என்ற கன்னட படம் தமிழில் டப் செய்யப்பட்டு
வெளியாகிறது. இதில், யாஷ் என்பவர் ஹீரோவாக
நடித்துள்ளார் என்பது குறிப்பிடத்தக்கது.

அந்த வகையில், வரும் 20 மற்றும் 21ம் தேதி வெளியாகும்
படங்களைப் பற்றி இங்கு பார்ப்போம்:
-
-------------------

**ayyasamy ram** · **ayyasamy ram** Thu 20 Dec 2018 - 0:13

21ம் தேதி வெளியாகும் மாஸ் ஹீரோக்களின் படங்கள்! P7ja8lsg_vijay-sethupathi,-seethakaathi_625x300_17_December_18

---
சீதக்காதி: 20ம் தேதி ரிலீஸ்:
---
இயக்குனர் பாலாஜி தரணிதரன் இயக்கத்தில் விஜய் சேதுபதி
(அய்யா ஆதிமூலம்), அர்ச்சனா, ரம்யா நம்பீசன், காயத்ரி,
பார்வதி நாயர், ராஜ்குமார், மௌலி, மகேந்திரன் பகவதி பெருமாள்,
கருணா ஆகியோர் பலர் நடித்துள்ளனர்.

இது விஜய் சேதுபதியின் 25ஆவது படமாக உருவாகி வருகிறது.
இப்படத்தில் விஜய் சேதுபதி வயதான கதாபாத்திரத்தை
ஏற்று நடித்துள்ளார். படத்தில் நடிகராக இருக்கும் இவர்,
சினிமாவில் தொடர்ந்து நடிக்கிறாரா? இல்லையா? வயதான
பிறகு என்ன செய்கிறார்? என்ற கதைக்களத்துடன் இப்படம்
உருவாக்கப்பட்டுள்ளது என்பது குறிப்பிடத்தக்கது.
-
----------------------

**ayyasamy ram** · **ayyasamy ram** Thu 20 Dec 2018 - 0:15

. மாரி 2:
--
21ம் தேதி வெளியாகும் மாஸ் ஹீரோக்களின் படங்கள்! Master

இயக்குனர் பாலாஜி மோகன் இயக்கத்தில் தனுஷ், காஜல் அகர்வால் ஆகியோர் நடிப்பில் கடந்த 2015ம் ஆண்டு ஜூலை மாதம் வெளியாகி மாஸ் ஹிட் கொடுத்த படம் மாரி. இப்படத்தின் வெற்றியைத் தொடர்ந்து தற்போது இப்படத்தின் 2ம் பாகம் மாரி 2 என்று உருவாகியுள்ளது.

இப்படத்தையும் பாலாஜி மோகன் தான் இயக்குகிறார். ஆனால், காஜல் அகர்வாலுக்குப் பதிலாக பிரேமம் புகழ் சாய் பல்லவி நடித்துள்ளார். மேலும், வரலட்சுமி சரத்குமார், ரோபோ சங்கர், கல்லூரி வினோத் ஆகியோர் பலர் நடித்துள்ளனர். முதல் பாகத்தில் புறா பந்தயம் வைத்து விளையாடும் கதையை மையப்படுத்தி எடுக்கப்பட்டிருந்தது. அதே போன்று தான் இப்படமும் உருவாகியுள்ளது.

**ayyasamy ram** · **ayyasamy ram** Thu 20 Dec 2018 - 0:16

21ம் தேதி வெளியாகும் மாஸ் ஹீரோக்களின் படங்கள்! SsPumDKvQ5ys6yvpIpjo+hqdefault

அடங்கமறு:
----
கார்த்திக் தங்கவேல் இயக்கத்தில், ஜெயம் ரவி, ராஷி கண்ணா ஆகியோரது நடிப்பில் உருவாகியுள்ள படம் அடங்க மறு. சாம் சிஎஸ் இப்படத்திற்கு இசையமைத்துள்ளார். ஹோம் மூவி மேக்கர்ஸ் பேன்னர் நிறுவனத்தின் மூலம் சுஜாதா விஜயகுமார் இப்படத்தை தயாரித்துள்ளார். இப்படத்தில் ஜெயம் ரவி போலீஸ் அதிகாரியாக நடித்துள்ளார். இதற்கு முன்னதாக, பேராண்மை, தனி ஒருவன், மிருதன், போகன் ஆகிய படங்களில் போலீஸ் அதிகாரியாக நடித்துள்ளார்.

ஆனால், வழக்கமான போலீசாக இல்லாமல், இப்படத்தில் சற்று வித்தியாசமான் போலீசாக யாருக்கும் அடங்காத போலீசாக நடித்துள்ளார் என்பது குறிப்பிடத்தக்கது. இப்படம் போலீஸ் கதையை மையப்படுத்தி எடுக்கப்பட்ட படம் என்று கூறப்படுகிறது.

**ayyasamy ram** · **ayyasamy ram** Thu 20 Dec 2018 - 0:21

21ம் தேதி வெளியாகும் மாஸ் ஹீரோக்களின் படங்கள்! Pic

கனா:

அருண் ராஜா காமராஜ் இயக்கத்தில் ஐஸ்வர்யா ராஜேஷ், சத்யராஜ், சிவகார்த்திகேயன், இளவரசு, பிளேடு சங்கர் ஆகியோர் பலரது நடிப்பில் உருவாகியுள்ள படம் கனா. இப்படத்தை சிவகார்த்திகேயன் தனது சொந்த தயாரிப்பு நிறுவனமான சிவகார்த்திகேயன் புரோடக்‌ஷன்ஸ் நிறுவனத்தின் மூலம் தயாரித்துள்ளார்.

இப்படம் சாதிக்க துடிக்கும் மகளுக்கும், தந்தைக்கும் இடையிலான கதையைக் கொண்டுள்ளது.

**ayyasamy ram** · **ayyasamy ram** Thu 20 Dec 2018 - 0:24

கேஜிஎஃப்:
---
21ம் தேதி வெளியாகும் மாஸ் ஹீரோக்களின் படங்கள்! Kollywood-news-1630013849

கன்னட இயக்குனர் பிராஷாந்த் நீள் இயக்கத்தில் யாஷ் ஹீரோவாக நடித்துள்ள படம் ‘கே.ஜி.எப்.’. இந்தப் படத்தின் நாயகியாக ஸ்ரீநிதி ஷெட்டி அறிமுகமாகியுள்ளார். மேலும் படத்தில் ரம்யா கிருஷ்ணன், மாளவிகா அவினாஷ், தமன்னா, அனந்த் நாக், வசிஸ்டா என்.சிம்ஹா ஆகியோர் உள்பட பலர் நடித்துள்ளனர்.
-
-----------------
நன்றி- திரைப்பட ஊடகங்கள்