காற்றழுத்த தாழ்வு மண்டலம் புயலாக மாறியது

**ayyasamy ram** · **ayyasamy ram** Sat Dec 15, 2018 10:09 pm

சென்னை:
வங்கக்கடலில் உருவான காற்றழுத்த தாழ்வு மண்டலம்
புயலாக மாறியதாக இந்திய வானிலை ஆய்வு மையம்
கூறியுள்ளது.

இந்த புயலுக்கு 'பெய்ட்டி' என பெயரிடப்பட்டுள்ளது.
இந்த புயல், 17 ம் தேதி ஆந்திராவில் காக்கிநாடாவுக்கும் -
மசூலிப்பட்டினத்திற்கு இடையே கரையை கடக்க
உள்ளது.

முன்னதாக, வானிலை ஆய்வு மைய இயக்குநர்
பாலச்சந்திரன் நிருபர்களிடம் பேசுகையில்:

தென் மேற்கு வங்க கடலில் மையம் கொண்டு இருந்த
காற்றழுத்த தாழ்வு நிலை ஆழ்ந்த காற்றழுத்த தாழ்வு
மண்டலமாக வலுபெற்று சென்னைக்கு தென்கிழக்கே
690 கி. மீ., தொலைவில் மையம் கொண்டுள்ளது.

இது வலுப்பெற்று புயலாக மாறும். இந்த புயல் ஆந்திர
மாநிலம், ஓங்கோல் காக்கி நாடா இடையே டிசம்பர் 17 ல்
பிற்பகலில் கரையை கடக்கும்.

இதன் காரணமாக வரும் 15, 16 தேதிகளில் வட தமிழக
கடலோரா பகுதிகுகளில் மிதமான மற்றும் கன மழை
பெய்யக்கூடும்.

மணிக்கு 45 முதல் 55 கி.மீ., வேகத்தில் காற்று வீசும்.
சென்னையை பொறுத்தவரை இன்று லேசான மழையும்,
நாளை மிதமான மழையும் பெய்யக்கூடும்.

சென்னையில் தரைக்காற்று வீசும் . வரும் 15,16, 17 தேதிகளில்
தென்மேற்கு மற்றும் மத்திய மேற்கு வங்க கடலுக்கு
மீனவர்கள் செல்ல வேண்டாம். இவ்வாறு அவர் கூறியுள்ளார்.

புயல் எச்சரிக்கை கூண்டு ஏற்றம்

வங்கக்கடலில் நிலை கொண்டிருந்த ஆழ்ந்த காற்றழுத்த
தாழ்வு மண்டலம் புயலாக மாறுவதாக வானிலை மையம்
எச்சரிக்கை விடுத்ததை தொடர்ந்து, எண்ணூர், கடலூர்,
நாகப்பட்டினம், புதுச்சேரி, காரைக்கால் துறைமுகங்களில்
3ம் எண் புயல் எச்சரிக்கை கூண்டு ஏற்றப்பட்டுள்ளது.
-
---------------------------------
தினமலர்

**விமந்தனி** · **விமந்தனி** Sat Dec 15, 2018 10:45 pm

இந்த வருடத்தின் (கடை ஞாயிறு) மழைக்கான கடைசி வாய்ப்பு. பார்ப்போம்.

**ayyasamy ram** · **ayyasamy ram** Sun Dec 16, 2018 8:32 am

காற்றழுத்த தாழ்வு மண்டலம் புயலாக மாறியது Tamil_News_large_216960620181215234558

-
டிச 16, 2018 00:23
-----------

'பெய்ட்டி'
----------
அடுத்த 24 மணிநேரத்தில் தீவிர புயலாக மாறும் என
வானிலை மையம் தெரிவித்துள்ளது.

பாதுகாப்பு நடவடிக்கை
-
பெய்ட்டி புயல் ஆந்திர கடற்கரையை காக்கிநாடாவிற்கும்
மசூலிப்பட்டிணம் இடையே கடக்கும் என்ற வானிலை மையத்தின்
எச்சரிக்கையை அடுத்து ஆந்திராவில் பாதுகாப்பு நடவடிக்கை
தீவிரப்படுத்தப்பட்டுள்ளது.

புயல் பாதிப்புக்கு ஆளாகும் ஆந்திராவின் கடற்கரையோர
மாவட்டங்களான குண்டூர், கிருஷ்ணா, மேற்கு கோதாவரி,
கிழக்கு கோதாவரி, விசாகப்பட்டினம் உள்ளிட்ட மாவட்டங்களில்
பாதுகாப்பு நடவடிக்கை தீவிரப்படுத்தப்பட்டுள்ளது.

தேசிய மற்றும் போரிடர் பாதுகாப்பு படையினர் பல குழுக்களாக
பிரிந்து பாதுகாப்பு பணியில் முடுக்கி விடப்பட்டுள்ளனர்.

புயல் கிழக்கு கோதாவரியில் உள்ள அனைத்து பள்ளிகளுக்கும்
விடுமுறை விடப்படுவதாக மாவட்ட கலெக்டர் அறிவித்துள்ளார்.
-
--------------------------
தினமலர்

SK · SK Sun Dec 16, 2018 11:17 am

இந்த முறையும் சென்னைக்கு ஆபத்து இல்லை சூப்பருங்க

**பழ.முத்துராமலிங்கம்** · 27/09/2015

SK wrote:இந்த முறையும் சென்னைக்கு ஆபத்து இல்லை

மேற்கோள் செய்த பதிவு: 1288653
எப்படியாவது சென்னை தப்பித்தால் போதும்
இன்னும் ஒரு புயலை சென்னை தாங்காதையா.....

**விமந்தனி** · **விமந்தனி** Sun Dec 16, 2018 6:55 pm

SK wrote:இந்த முறையும் சென்னைக்கு ஆபத்து இல்லை

மழையும் இல்லை. சோகம்

**விமந்தனி** · **விமந்தனி** Sun Dec 16, 2018 6:57 pm

பழ.முத்துராமலிங்கம் wrote:
எப்படியாவது சென்னை தப்பித்தால் போதும்
இன்னும் ஒரு புயலை சென்னை தாங்காதையா.....

தண்ணீர் பஞ்சத்தில் இருந்து தப்பிக்கவில்லை. சென்னையின் சுற்று வட்டாரங்களில் நிலத்தடி நீர் வற்றிவிட்டதாம்...

**T.N.Balasubramanian** · **T.N.Balasubramanian** Sun Dec 16, 2018 7:11 pm

விமந்தனி wrote:
பழ.முத்துராமலிங்கம் wrote:
எப்படியாவது சென்னை தப்பித்தால் போதும்
இன்னும் ஒரு புயலை சென்னை தாங்காதையா.....

தண்ணீர் பஞ்சத்தில் இருந்து தப்பிக்கவில்லை. சென்னையின் சுற்று வட்டாரங்களில் நிலத்தடி நீர் வற்றிவிட்டதாம்...

மேற்கோள் செய்த பதிவு: 1288704

சென்னையை பொறுத்தவரையில் மழை மிக மிக அவசியம்.
இன்றைய வெப்பதட்பம் ஊட்டியை நினைவுபடுத்தியது.
அருமையான சென்னை .
ரமணியன்

**விமந்தனி** · **விமந்தனி** Sun Dec 16, 2018 7:15 pm

T.N.Balasubramanian wrote:
சென்னையை பொறுத்தவரையில் மழை மிக மிக அவசியம்.
இன்றைய வெப்பதட்பம் ஊட்டியை நினைவுபடுத்தியது.
அருமையான சென்னை .
ரமணியன்

ஆமாம்.

காற்றழுத்த தாழ்வு மண்டலம் புயலாக மாறியது 1f60d

குளிச்சியான காற்று. இன்னும் ரசித்து முடியவில்லை.

**T.N.Balasubramanian** · **T.N.Balasubramanian** Sun Dec 16, 2018 7:20 pm

மழை பெய்யாத வரை சந்தோஷமாக இருக்கக்கூடிய நிறுவனம்
காண்ட்ராக்ட் முறையில் ரோடு போட்டவர்கள்தான். ரெண்டு நாள்
மழை பெய்தால் ஊரே நாறிடும் .மேலும் ரோடுகள் பல்லை இளிக்கும் .
விபத்துகள் --முக்கியமாக இரு சக்கர வண்டிகள் விபத்துகளை சந்திக்க நேரிடும்.
கார்ப்பரேஷன் கண்ணை மூடிக்கொண்டு தூங்கிக்கொண்டு இருக்கும்.
சென்னை விமான நிலையத்தில் 87 கண்ணாடிகள் விழுந்தும் கண்டுகொள்ளாத
அதிகாரிகள் போல் கார்ப்பரேஷன் அதிகாரிகளும் இருப்பார்கள்.
சாபக்கேடு ! தமிழர்களுக்கு பொறுமை மிக அதிகம்.

ரமணியன்

Sponsored content · Sponsored content

காற்றழுத்த தாழ்வு மண்டலம் புயலாக மாறியது

காற்றழுத்த தாழ்வு மண்டலம் புயலாக மாறியது

Re: காற்றழுத்த தாழ்வு மண்டலம் புயலாக மாறியது

Re: காற்றழுத்த தாழ்வு மண்டலம் புயலாக மாறியது

Re: காற்றழுத்த தாழ்வு மண்டலம் புயலாக மாறியது

Re: காற்றழுத்த தாழ்வு மண்டலம் புயலாக மாறியது

Re: காற்றழுத்த தாழ்வு மண்டலம் புயலாக மாறியது

Re: காற்றழுத்த தாழ்வு மண்டலம் புயலாக மாறியது

Re: காற்றழுத்த தாழ்வு மண்டலம் புயலாக மாறியது

Re: காற்றழுத்த தாழ்வு மண்டலம் புயலாக மாறியது

Re: காற்றழுத்த தாழ்வு மண்டலம் புயலாக மாறியது

Re: காற்றழுத்த தாழ்வு மண்டலம் புயலாக மாறியது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக