பொழுது போக்கு - சினிமா

“ஒரே மாதிரியாக நடித்து அலுத்து விட்டது” -காஜல் அகர்வால்
---
-

-
கடந்த 3 வருடங்களாக, ‘கால்ஷீட்’ கொடுக்க முடியாத அளவுக்கு கைவசம் படங்கள் வைத்திருந்த காஜல் அகர்வால், இந்த வருடம் இறுதியில் திடீர் என்று காணாமல் போனார். இதுபற்றி கேட்டபோது, காஜல் அகர்வால் மனம் திறந்து பேசினார். அவர் கூறியதாவது:-

“கடந்த சில ஆண்டுகளாக நான் முன்னணி கதாநாயகிகளில் ஒருவராக, கைவசம் நிறைய படங்கள் வைத்து நடித்துக் கொண்டிருக்கிறேன். இந்த வருட ஆரம்பம் எனக்கு நன்றாகவே இருந்தது. அதன்பிறகு என் உடல் நலம் பாதிக்கப்பட்டது. 3 மாதங்கள் ஓய்வில் இருந்தேன். ஏற்கனவே ஒப்புக்கொண்ட படங்களை மட்டும் முடித்துக் கொடுத்தேன். புதிய பட வாய்ப்புகள் எதையும் ஏற்கவில்லை.

எனக்கு நோய் எதிர்ப்பு சக்தி குறைவாக இருந்தது. அதன் காரணமாக கடுமையான காய்ச்சலால் பாதிக்கப்பட்டேன். காலையில் நன்றாக இருப்பேன். மாலை ஆனதும் காய்ச்சல் வந்து விடும். டாக்டர்கள் தீவிர சிகிச்சை அளித்து என்னை குணப்படுத்தி விட்டார்கள்.

உடனே படப்பிடிப்பில் கலந்து கொள்ள வேண்டாம். கொஞ்சம் ஓய்வு எடுங்கள் என்று டாக்டர்கள் கேட்டுக் கொண்டார்கள். அதன்படி, ஓய்வு எடுத்து வருகிறேன். புது வருடத்தில், ஜனவரி மாதம் பிறந்ததும் படப்பிடிப்பில் கலந்து கொள்ளலாம் என்று முடிவு செய்து இருக்கிறேன்.

தெலுங்கில் 2 புதிய படங்களை ஒப்புக்கொண்டிருக்கிறேன். தமிழில் ஒரு படம் பேச்சுவார்த்தையில் இருக்கிறது. ஒரே மாதிரியாக நடித்து அலுத்து விட்டது. இனிமேல் வித்தியாசமான கதைகளிலும், கதாபாத்திரங்களிலும் நடிக்க முடிவு செய்து இருக்கிறேன்.

கதாநாயகர்களை பிரித்துப் பார்ப்பதில்லை. வயதான கதாநாயகர்களுடனும் நடிக்கிறேன். இளம் கதாநாயகர்களுடனும் நடிக்கிறேன்.

எனக்கு ரசிகர் மன்றம் அமைக்க சிலர் முன்வந்தார்கள். “ரசிகர்களை மதிக்கிறேன். மன்றம் எல்லாம் வேண்டாம் என்று கூறி விட்டேன்.”

இவ்வாறு காஜல் அகர்வால் கூறினார்.
-
தினத்தந்தி

அமெரிக்க இணையதளத்தில் பிரியங்கா சோப்ரா திருமணம் பற்றி அவதூறு
---

திருமணத்தில் பட்டாசுகள் வெடித்ததாகவும் யானை,
குதிரைகளை துன்புறுத்தியதாகவும் சர்ச்சைகள்
கிளம்பின. இந்த நிலையில் அமெரிக்காவில் உள்ள
பிரபலமான இணையதளம் ஒன்றிலும் பிரியங்கா
சோப்ரா திருமணத்தை அவதூறு செய்து கட்டுரை
வெளியாகி இருக்கிறது.

அதில் “ பிரியங்கா சோப்ரா ஒரு ஏமாற்றுக்காரர்.
நிக் ஜோனாசை அவரது விருப்பம் இல்லாமல்
கட்டாயப்படுத்தி திருமணம் செய்துள்ளார்.

பிரியங்கா சோப்ரா-நிக் ஜோனாஸ் இடையிலான
காதல் உண்மையானது இல்லை. ஹாலிவுட் படங்களில்
கவனம் செலுத்துவதால் அமெரிக்க பாடகரை அவர்
திருமணம் செய்துள்ளார்” என்று குறிப்பிடப்பட்டு
இருந்தது.

நிக் ஜோனாசின் சகோதரரை திருமணம் செய்யப்
போகும் ஹாலிவுட் நடிகை சோபி டர்னர் இந்த
ட்டுரையை தனது டுவிட்டரில் கண்டித்தார்.

இந்தி நடிகை சோனம் கபூரும் அந்த இணையதளம்
மீது சாடி உள்ளார். இதுகுறித்து பிரியங்கா
சோப்ராவிடம் கேட்டபோது, “இதற்கு நான் பதில்
சொல்ல விரும்பவில்லை. இதுபோன்ற முறையற்ற
விஷங்கள் எதுவும் என்னை பாதிக்காது.

இந்த தருணத்தில் நான் மகிழ்ச்சியான இடத்தில்
இருக்கிறேன்”. என்றார்.

எதிர்ப்புகள் கிளம்பியதால் அந்த கட்டுரையை
அமெரிக்க இணையதளம் நீக்கிவிட்டது.
-
---------------------------
தினத்தந்தி