வங்கக்கடலில் மீண்டும் புயல் சின்னம்

by **ayyasamy ram** Sun Dec 09, 2018 11:23 am

சென்னை வானிலை ஆய்வு மைய துணை தலைமை
இயக்குநர் எஸ்.பால சந்திரன் கூறியதாவது:

தென்கிழக்கு வங்கக்கடலில் குறைந்த காற்றழுத்த
தாழ்வு நிலை நீடித்து வருகிறது. இது காற்றழுத்த தாழ்வு
பகுதியாக 9-ம் தேதி (இன்று) வலுப்பெறக்கூடும்.

இது மேலும் வலுப்பெறும் என எதிர்பார்க்கப்படுகிறது.
இது புய லாக மாறுமா என்று 12-ம் தேதிக்கு பிறகே
தெரியவரும்.

மாலத்தீவு, லட்சத்தீவு பகுதி யில் மற்றொரு காற்றழுத்த
தாழ்வு நிலை நீடித்து வருகிறது. இரு காற்றழுத்த
தாழ்வுநிலைகளும் தமிழகத்தில் இருந்து வெகு
தொலைவில் உள்ளன. அதனால் தமிழகம், புதுச்சேரியில்
மழை வாய்ப்பு குறைந்துள்ளது.

10-ம் தேதி முதல் 3 நாட்களுக்கு வறண்ட வானிலை
நிலவக்கூடும்.

இவ்வாறு அவர் கூறினார்.

தன்னார்வ அடிப்படையில் வானிலையை கணித்து கூறி
வரும் வானிலை ஆர்வலர் ந.செல்வகுமார் கூறியபோது,

‘‘வங்கக்கடலில் நிலவும் காற் றழுத்த தாழ்வுநிலை
தீவிர மடைந்து, 13-ம் தேதி வாக்கில் ‘பெதாய்’ புயலாக
மாறும். அரபிக்கடல் காற்றின் சாதகம் மற்றும் தமிழக
தரைப்பகுதி வெப்பநிலை உயர்வு காரணமாக அந்த
புயல் தமிழகத்தை நோக்கி வர வாய்ப்பு உள்ளது.

தற்போதைய ஆய்வு முடி வின்படி, இந்தப் புயல்
நாகப் பட்டினம் - கடலூர் இடையே 15-ம் தேதி பிற்பகல்
கரையைக் கடக்கலாம். இது திருச்சி, நாமக்கல், சேலம்,
கோவை, நீலகிரி வழியாக அரபிக்கட லுக்கு செல்லும்.
இதன் காரண மாக தமிழகத்தில் கனமழை பெய்யும்’’
என்று தெரிவித் துள்ளார்.
-
------------------------------
தினமணி