விஜய்யின் 63-ஆவது படம்

by **ayyasamy ram** Fri Dec 07, 2018 12:21 am

"சர்கார்' படத்துக்குப் பின் விஜய் நடிக்கவுள்ள படத்தை
அட்லி இயக்குகிறார். ஏ.ஜி.எஸ். எண்டர்டெயின்மெண்ட்
நிறுவனம் தயாரிக்கவுள்ள இப்படம் விஜய்யின் 63-ஆவது
படமாக உருவாகவுள்ளது.

தற்போது இப்படத்தின் முதற்கட்டப் பணிகள்
தீவிரமாகியுள்ளன. அடுத்த ஆண்டு தீபாவளி பண்டிகைக்கு
படத்தை வெளிக்கொண்டு வருவதற்கு திட்டமிடப்பட்டுள்ளது.

இந்நிலையில் முதலாவதாக படத்தில் நடிக்கும் நடிகர்கள்
தேர்வு தொடங்கியுள்ளது. விவேக், யோகிபாபு நடிப்பது
உறுதி செய்யப்பட்டுள்ள நிலையில், தற்போது விஜய்
ஜோடியாக நயன்தாரா நடிப்பது உறுதி செய்யப்பட்டுள்ளது.

இது குறித்த அதிகாரப்பூர்வ அறிவிப்பும் வெளியாகியுள்ளது.
ஏற்கெனவே "வில்லு' படத்தில் விஜய் - நயன்தாரா ஜோடி
சேர்ந்திருந்தனர்.

"சிவகாசி' படத்தில் விஜய்யுடன் ஒரு பாடலுக்கு மட்டும்
நடனமாடியிருந்தார் நயன்தாரா. இந்த இரண்டு படங்களைத்
தொடர்ந்து மீண்டும் விஜய் - நயன்தாரா இணையும் 3-வது
படம் இது.

இதில் விளையாட்டுப் பயிற்சியாளராக விஜய் நடிக்கவுள்ளார்.
இதுவரை அவர் நடித்திராத கதாபாத்திரம் என்பதால், இதற்காக
சில பயிற்சிகளையும் மேற்கொள்ளவுள்ளார் விஜய்.

விளையாட்டை மையப்படுத்தியது என்றாலும், விஜய்
ரசிகர்களுக்கு ஏற்றவகையில் ஜனரஞ்சகமாக திரைக்கதையை
வடிவமைத்திருக்கிறார் அட்லீ.

இசையமைப்பாளராக ஏ.ஆர்.ரஹ்மான் ஏற்கெனவே ஒப்பந்தம்
செய்யப்பட்டுள்ளார்.
-
-----------------------------------

திரைக் கதிர், தினமணி

by சிவனாசான் Fri Dec 07, 2018 8:10 pm

விஜய் பற்றி நீங்கள் என்ன நினைக்கிறீர்கள் அய்யா அதை குறிப்பிடவும். கதிரில் உள்ளதை காப்பி செய்தால் கதிர் உமக்கு ஏதேனும் உதவுகிறதா?

by **ayyasamy ram** Sun Dec 09, 2018 10:54 am

வருங்கால முதல்வர் கனவில் இருப்பவர்களில்
விஜயும் ஒருவர்....
-
அதனால் அவர் பற்றிய தகவல்களை பகிர்கிறேன்!!!
-
இதில் உமக்கு என்ன வருத்தம்...?!
-
பதிவின் தலைப்பு சினிமா தொடர்பானது என்பது
தெரிந்தும், அதனை படித்து உமது நேரத்தை வீண்டிப்பது
என்...?
-
ஈகரையில் பொழுது போக்கு வகைப்பாட்டில் சினிமா
செய்திகள் பகிரப்படுகின்றன...என்பதை நினைவில்
கொள்வது நலம் பயக்கும்!!