மிக முக்கியம் உப்பு!

உப்பு குறித்து கூறும், மருத்துவர் அருண்குமார்:

உப்பு என்றதும் அனைவருக்கும் நினைவில் வருவது,
நாம் அன்றாடம் சமையலில் சேர்க்கும், உப்பு தான்;
அதாவது, சோடியம் குளோரைடு.

ஆனால், வேதியியலில் பல பொருட்களின் பொதுப் பெயரே,
உப்பு தான்.ரத்தத்தில், 'யூரியா' மற்றும் 'க்ரியேட்டினைன்'
எனும் உப்பு அதிகரிப்பதால், சிறுநீரக செயலிழப்பும்; 'யூரிக்'
அமிலம் எனும் உப்பு அதிகரிப்பால், மூட்டு வலியும்;
பொட்டாசியம் எனும் உப்பு தட்டுப்பாட்டால், தசைப்பிடிப்பும்
ஏற்படும்.

இப்படி, ஒவ்வொரு உப்பும் வேறு வேறாக இருக்க, எல்லா
நோய்களுக்கும், நாம் தினசரி சமையல் உப்பை குறைக்க
முயற்சி செய்கிறோம்; இது, மிகப்பெரும் அறியாமை

.ரத்தத்தில் பொதுவாக காணப்படும், மிக முக்கிய தாதுக்களுள்,
'சோடியம்' மற்றும் 'குளோரைடு' உள்ளது. இதன் முக்கிய வேலை,
ரத்த குழாயில், அதன் அடர்த்தியை சீராக வைத்து, ரத்த
அழுத்தத்தை சீராக வைப்பது தான்.

நாம் நினைப்பது போல, சாப்பிடும் உப்பு நேரடியாக ரத்தக்
குழாயில் சேர்ந்து, ரத்த அழுத்தத்தைக் கூட்டுவது இல்லை.
ரத்தக்குழாயில் உள்ள, 'சோடியம்' அளவை கட்டுப்படுத்த,
சிறுநீரகத்தில் உள்ள இரு, 'ஹார்மோன்'கள் நிர்வகிக்கின்றன.

ரத்தத்தில் உப்பு அதிகமானால், இவை வேலை செய்து,
சிறுநீரில் அதீத உப்பை வெளியேற்றும், குறைந்தால்,
சிறுநீரில் சோடியம் வெளியேற்றுவதை குறைத்துவிடும்.'

இன்சுலின்' போன்ற சில, 'ஹார்மோன்'களும், உப்பின்
சமநிலையை நிர்வகிப்பதாக, சமீபத்திய ஆராய்ச்சிகள்
தெரிவிக்கின்றன.அமெரிக்காவில், 1970ல், உப்பை குறைத்தால்
ரத்தம் அழுத்தம் குறைகிறதா என்று நடந்த ஆராய்ச்சியில்,
குறைந்ததாகவும், குறையவில்லை என, இருவித முடிவுகள்
வந்தன.

அமெரிக்க மருத்துவ கூட்டமைப்புகள் ஒரு சேர, ஒரு நாளைக்கு,
6 கிராமுக்கு மேல் ஒருவர், உப்பை உணவில் சேர்க்கக் கூடாது
என, அறிவுரை வழங்கின.அதன் பின் நடந்த ஆராய்ச்சி மற்றும்
'இன்டர்சால்ட்' எனும், மிகப்பெரிய ஆராய்ச்சியாளர்கள்
அமைப்பு ஆராய்ந்து, 1996ல், 'உப்பை குறைத்தால், 4 பாயின்ட்
வரை, ரத்த அழுத்தம் குறைகிறது' என, இறுதி முடிவை
தெரிவித்தது.

எனவே, 140ல் இருந்து, 137 பாயின்ட்டாக ரத்த அழுத்தத்தை
குறைக்க, உப்பு சப்பில்லாமல், தினமும் உணவு சாப்பிட
சொல்வது மாதிரியான முட்டாள்தனம், வேறெதுவும் இல்லை.

இதைவிட, பழம் சேர்ப்பது, மாவுச் சத்தை குறைப்பது,
உடற்பயிற்சி செய்வது, எடையை குறைப்பது போன்றவற்றால்,
மிக எளிதாக, 5 - 20 பாயின்ட் வரை, ரத்த அழுத்தம் குறைந்து
விடுகிறது.

இதய செயல் இழப்பு உள்ளவர்கள் மட்டும், உப்பை கொஞ்சம்
குறைத்துக் கொண்டால் போதும். வேறு யாரும் உப்பை குறைக்க
தேவை இல்லை;

மிக அதிகமாக சேர்க்காமல் இருந்தாலே போதும். உப்பு போடாமல்
உணவை குப்பைக்கு அனுப்பாமல், உப்பு சேர்த்து சுவையான
உணவை, உங்கள் தொப் பைக்கு அனுப்புங்கள்.
-
-----------------------------------------
தினமலர்