நிலக்கரி ஊழல்: முன்னாள் செயலருக்கு 3 ஆண்டு சிறை

புதுடில்லி:
நிலக்கரி ஊழல் வழக்கில் நிலக்கரித்துறை முன்னாள்
செயலருக்கு 3 ஆண்டு சிறை தண்டனை வழங்கி நீதிமன்றம்
தீர்ப்பு வழங்கியுள்ளது.


குற்றவாளிகள் என அறிவிப்பு

காங்கிரஸ் தலைமையிலான, ஐ.மு., கூட்டணி ஆட்சியின்
போது, மேற்கு வங்கத்தில் உள்ள நிலக்கரி சுரங்கங்களை,
தனியார் நிறுவனத்துக்கு ஒதுக்கீடு செய்ததில் நடந்த
முறைகேடுகள் தொடர்பாக, சி.பி.ஐ., விசாரணை நடத்தியது.

இந்த வழக்கை, டில்லி சிறப்பு நீதிமன்ற நீதிபதி,
பாரத் பரஷார் விசாரித்தார். விசாரணை முடிவில், 'முன்னாள்
நிலக்கரி துறை செயலர், எச்.சி.குப்தா உட்பட, ஆறு பேர்
குற்றவாளிகள்' என, நீதிபதி அறிவித்திருந்தார்.

இவர்களில், தனியார் நிறுவன மேலாண்மை இயக்குனர்,
விகாஸ் பத்னியும் அடக்கம்.

காங்கிரஸ் கூட்டணி ஆட்சியில் 1.80 லட்சம் கோடி
ரூபாய்க்கு நிலக்கரிச் சுரங்க ஊழல் நடந்தது. மேற்கு
வங்கத்தில் இரு நிலக்கரி சுரங்கங்களை விகாஸ் மெட்டல்ஸ்
அண்ட் பவர் நிறுவனத்துக்கு ஒதுக்கியதில் முறைகேடுகள்
நடந்தது கண்டுபிடிக்கப்பட்டது.

வழக்கை விசாரித்த டில்லி சி.பி.ஐ., கோர்ட் தீர்ப்பளித்துள்ளது.
நிலக்கரித்துறை முன்னாள் செயலாளர் எச்.சி.குப்தா உட்பட
3 அதிகாரிகளுக்கு தலா 3 ஆண்டு சிறைத்தண்டனையும்,
விகாஸ் மெட்டல்ஸ் நிறுவன MD விகாஸ் பத்னி உட்பட
இருவருக்கு தலா 4 ஆண்டு சிறைத்தண்டனையும்
விதிக்கப்பட்டது.

அபராதம்

இந்நிலையில், இந்த வழக்கில், நிலக்கரித்துறை செயலர்
எச்.சி.குப்தா, அதிகாரிகள் எஸ் குரோபா, கேசி சம்ரியா
ஆகியோருக்கு தலா 3 ஆண்டு சிறை தண்டனையும், மேலும்
விகாஸ் பத்னி, ஆனந்த் மாலிக் ஆகியோருக்கு தலா
4 ஆண்டு சிறை தண்டனையும் வழங்கி நீதிபதி பாரத் பரஷார்
தீர்ப்பு வழங்கினார்.

விகாஸ் மெடல்ஸ் மற்றும் பவர் லிமிடெட் நிறுவனத்திற்கு
ரூ. 1 லட்சம் அபராதம் விதிக்கப்பட்டுள்ளது.
-
--------------------------------------
தினமலர்

தினமலரில் வந்துள்ள செய்தியா.....

அய்யா இத்தனை கோடிகள் முறைகேடாக கைப்பற்றிவிட்டு மூன்று அல்லது நான்கு ஆண்டுகள் சிறை என்றால் எல்லோருக்கும் இது போல முறைகேடுகள் செய்யலாமே . நடத்திய முறைகேடுகளில் எத்தனை கோடிகள் அதை வட்டியுடன் திரும்ப செலுத்தவேண்டும் என்றல்லவா கூறவேண்டும் அதன்பிறகு அந்த முறைகேட்டிர்க்கான சிறைத்தண்டனையும் சேர்த்து அனுபவிக்க வேண்டும் .அது அல்லவா வேண்டும் .

அரசியல்வாதிகள் யாருக்கும் இதில்
தொடர்பு இல்லையா?
செயலாளர் மட்டும் தண்டனை
பெற்று உள்ளார் இது சந்தேகம்
எழுப்புகிறது.

anikuttan wrote:அய்யா இத்தனை கோடிகள் முறைகேடாக கைப்பற்றிவிட்டு மூன்று அல்லது நான்கு ஆண்டுகள் சிறை என்றால் எல்லோருக்கும் இது போல முறைகேடுகள் செய்யலாமே . நடத்திய முறைகேடுகளில் எத்தனை கோடிகள் அதை வட்டியுடன் திரும்ப செலுத்தவேண்டும் என்றல்லவா கூறவேண்டும் அதன்பிறகு அந்த முறைகேட்டிர்க்கான சிறைத்தண்டனையும் சேர்த்து அனுபவிக்க வேண்டும் .அது அல்லவா வேண்டும் .

மேற்கோள் செய்த பதிவு: 1287942
நீங்கள் கூறுவது போன்று குறைந்த தண்டனை என்பதால் தான் யாரும்
இந்த மாதிரி தப்பு செய்ய பயப்படுவது இல்லை.
தண்டனை கடுமையாக இருந்ததால்
இந்த மாதிரி தவறு தவிர்க்க கூடும்.