பஞ்ச பூதங்களையும் வசப்படுத்த வேண்டுமா?

-
நிலம், நீர், நெருப்பு, காற்று, ஆகாயம் எனும் பஞ்ச
பூதங்களை தன் வசப்படுத்தும் ஆற்றல் உள்ளவர்கள்,
இறையருளை பெற்ற மகான்கள்.

அத்தகைய அடியார் ஒருவரின் வாழ்வில் நடந்த
நிகழ்வு இது:

வடமாநிலத்தில், பரளி எனும் ஊரில், வேதியர் குலத்தில்
பிறந்தவர், சகமித்திரர். இவருக்கு பெற்றோர் வைத்த
பெயர் மறைந்து, 'சகமித்திரர்' எனும் காரணப் பெயரே
நிலைத்து விட்டது.

பெருமாள் பக்தரான இவர், நாள்தோறும் யாசகம்
செய்து, அதில் கிடைத்ததை பெருமாளுக்கு நிவேதனம்
செய்து, ஏழைகளுக்கும் அளித்து, உண்பது வழக்கம்.

இவருடைய துாய பக்தியையும், அன்பையும் கண்ட
ஊர் மக்கள், அவர் மீது மிகுந்த மரியாதை வைத்திருந்தனர்.

ஆனால், தீயவர் சிலர், 'பிச்சையெடுக்கும் பரதேசிக்கு,
இவ்வளவு மரியாதையா...' என்று பொறாமைப்பட்டு,
அவ்வப்போது சகமித்திரரிடம் வாது செய்வர்.

சகமித்திரரோ, 'நம்மை நல்வழிப்படுத்த இவர்களை
இவ்வாறு பேச வைக்கிறார் இறைவன்...' என எண்ணி,
அமைதியாக இருந்து விடுவார்.

சகமித்திரரின் பக்தியினால் மனம் மகிழ்ந்த இறைவன்,
தோன்றாத் துணையாக நின்று, அவரை காத்து வந்தார்.
இதையறியாத பகைவர்கள், 'என்ன சொல்லியும் இவன்
அசைய மாட்டேன் என்கிறானே...' என நினைத்து,
ஒருநாள் இரவு, அவரது வீட்டிற்கு தீ வைத்து விட்டனர்.

விஷயம் அறிந்து, சகமித்திரரின் வீட்டுமுன் கூடி
சத்தமிட்டனர், மக்கள். ஆனால், சகமித்திரரோ,
வீட்டை விட்டு வெளிவராமல், 'பெருமாளே...
இந்நெருப்பிலிருந்து அடியேனை காப்பது உன் கடன்...'
என்று இறைவனை துதித்தார்.

அனைவரும் அதிசயிக்கதக்க வகையில், அப்படியே
தணிந்தது, அக்னி.

சகமித்திரரும், அவர் குடும்பத்தாரும், ஆபத்தின்றி
வெளிப்பட்டனர்.

அதைக் கண்டு அஞ்சி நடுங்கி, ஒடுங்கினர், தீயவர்.

துாய்மையான பக்தியும், அன்பும், பஞ்ச பூதங்களை
மட்டுமல்ல, அவற்றின் தலைவனான இறைவனையும்
வசப்படுத்தும்!
-
------------------------------

பி.என்.பரசுராமன்

Code:


துாய்மையான பக்தியும், அன்பும், பஞ்ச பூதங்களை
மட்டுமல்ல, அவற்றின் தலைவனான இறைவனையும்
வசப்படுத்தும்!






அருமையான கருத்துக்கள்
நன்றி ஐயா