ஃபிரெண்டப் போல யாரு மச்சான்: சிறுநீரகத்தை தோழிக்கு தானமளித்து இதயங்களை வென்றவர்

**ayyasamy ram** · **ayyasamy ram** Sun 2 Dec 2018 - 3:32

-

ஜம்மு காஷ்மீரில் முஸ்லிம் மதத்தைச் சேர்ந்த
இளம் பெண்ணுக்கு தனது சிறுநீரகத்தை தானமளித்து
இதயங்களை வென்றுள்ளார் சீக்கியப் பெண் ஒருவர்.

இந்த சம்பவம் நட்புக்கு மட்டுமல்ல ஜம்முவில்
நடந்திருப்பதால் மத ஒற்றுமைக்கும் ஒரு உதாரணமாக
மாறியுள்ளது.

ஜம்முவைச் சேர்ந்த இளம் பெண் சம்ரீன். இவருக்கு
சிறுநீரகங்கள் செயலிழந்துவிட்டன. டயலாலிஸ் சிகிச்சை
பெற்று வந்த இவருக்கு உதம்பூரில் வசித்து வரும் சீக்கிய
மதத்தைச் சேர்ந்த தோழி மன்ஜோத் சிங் கோஹ்லி (23),
தனது சிறுநீரகத்தை தானமாக அளித்து,
சகோதரத்துவத்தை நிலைநாட்டியுள்ளார்.

ஜம்மு காஷ்மீரில் பல்வேறு மதவாத சக்திகள்
மக்களிடையே பிரிவினையைத் தூண்டி வரும் நிலையில்,
மதங்களைக் கடந்து மனதால் இணைந்த இந்த
தோழிகளைப் பற்றிய செய்தி சமூக ஊடகங்களில்
வேகமாகப் பரவி வருகிறது.

மன்ஜோத் தனது ஒரு சிறுநீரகத்தை இழந்திருந்தாலும்,
ஆயிரக்கணக்கான இதயங்களை வென்றுள்ளார் என்று
அவரது குடும்பத்தார் பெருமிதத்துடன் கூறுகிறார்கள்.

எனது நிலைமை மோசமடைந்து மருத்துவர்களும் என்னை
கைவிட்டநிலையில், ஓடி வந்து உதவி செய்த தனது
தோழிக்கு உணர்வுப்பூர்வமாக நன்றி கூறுகிறார் சம்ரீன்.

அறுவை சிகிச்சைக்குப் பிறகு தற்போது இருவருமே
பூரண குணமடைந்து வருகிறார்கள்.
-
---------------------------
தினமணி

**பழ.முத்துராமலிங்கம்** · 27/09/2015

மனதுக்குள் ஏதோ இனம் புரியாத குதூகலம்
மகிழ்ச்சி நெகிழ்வு.
சகோதரத்துவம் இப்படியும் செய்யுமா?
இங்கு மதம் மறைந்தே போனது.
இருவரும் நலமுடன் வாழ வாழ்த்துகிறேன்.
அன்பு மலர்

SK · SK Sun 2 Dec 2018 - 20:10

உடுக்கை இழந்தவன் கைபோல ஆங்கே இடுக்கண் களைவதாம் நட்பு

முகநக நட்பது நட்பன்று நெஞ்சத்து
அகநக நட்பது நட்பு

இந்த பதிவைத் துவங்கியவர் நன்றி கூறியுள்ளார் SK

Sponsored content · Sponsored content

ஃபிரெண்டப் போல யாரு மச்சான்: சிறுநீரகத்தை தோழிக்கு தானமளித்து இதயங்களை வென்றவர்

ஃபிரெண்டப் போல யாரு மச்சான்: சிறுநீரகத்தை தோழிக்கு தானமளித்து இதயங்களை வென்றவர்

Re: ஃபிரெண்டப் போல யாரு மச்சான்: சிறுநீரகத்தை தோழிக்கு தானமளித்து இதயங்களை வென்றவர்

Re: ஃபிரெண்டப் போல யாரு மச்சான்: சிறுநீரகத்தை தோழிக்கு தானமளித்து இதயங்களை வென்றவர்

Re: ஃபிரெண்டப் போல யாரு மச்சான்: சிறுநீரகத்தை தோழிக்கு தானமளித்து இதயங்களை வென்றவர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக