தெரிந்திருக்க வேண்டிய அவசியமில்லை!

**ayyasamy ram** · **ayyasamy ram** Sat Dec 01, 2018 1:00 am

-
வரி ஏய்ப்பு செய்வதற்கு
வணிக வரலாறு
தெரிந்திருக்க வேண்டிய
அவசியமில்லை!

குனிந்து கும்பிட்டு
காரியம் சாதிக்க
கூர்மாசனம்
தெரிந்திருக்க வேண்டிய
அவசியமில்லை!

பாலில் கலப்படம் செய்ய
பயோ கெமிஸ்ட்ரி
தெரிந்திருக்க வேண்டிய
அவசியமில்லை!

போதைப் பொருட்கள் விற்க
பொது வணிகம்
தெரிந்திருக்க வேண்டிய
அவசியமில்லை!

தொலைக்காட்சி தொடரில் நடிக்க
தொல்காப்பியம்
தெரிந்திருக்க வேண்டிய
அவசியமில்லை!

அரசியல்வாதியாகி
நாட்டை ஆள்வதற்கு
அரிச்சுவடி தெரிந்திருக்க வேண்டிய
அவசியமில்லை!

கள்ள நோட்டு அச்சடிக்க
கணிதம் தெரிந்திருக்க வேண்டிய
அவசியமில்லை!

சிலைகள் கடத்துவதற்கு
சிற்பக்கலை தெரிந்திருக்க வேண்டிய
அவசியமில்லை!

ஊழல் செய்வதற்கு
உலகப் பொருளாதாரம்
தெரிந்திருக்க வேண்டிய
அவசியமில்லை!

போலி சாமியாராக
போதனைகள்
தெரிந்திருக்க வேண்டிய
அவசியமில்லை!

மணல் கொள்ளை அடிப்பதற்கு
மண்ணின் வளம்
தெரிந்திருக்க வேண்டிய
அவசியமில்லை!

குதிரை பேரம் செய்வதற்கு
குதிரை ஏற்றம்
தெரிந்திருக்க வேண்டிய
அவசியமில்லை!

ஆம்... மண்ணில்
இத்தொழில்கள் செய்வதற்கு
எதுவுமே தெரிந்திருக்க வேண்டிய
அவசியமில்லை...
மனசாட்சியை மட்டும்
அடகு வைக்கத் தெரிந்திருந்தால்
போதும்!

—பெ.கருணை வள்ளல்,
சென்னை.

**M.Jagadeesan** · **M.Jagadeesan** Sat Dec 01, 2018 8:29 am

ஒரு டாக்டர் ஆக மருத்துவம் படித்திருக்கவேண்டும் ; ஒரு வழக்கறிஞர் ஆக சட்டம் படித்திருக்கவேண்டும் ; ஒரு கட்டிடக் கலைஞன் ஆக பொறியியல் படித்திருக்கவேண்டும் , ஒரு ஆசிரியன் ஆக , ஆசிரியப் பயிற்சி ( B .Ed ) படித்திருக்கவேண்டும் . இதுபோல எந்தவொரு தொழில் செய்வதற்கும் , அதற்கான படிப்பும் , பயிற்சியும் பெறவேண்டும் . ஆனால் ஒரு அமைச்சராவதற்கு எந்த தகுதியும் , பயிற்சியும் தேவையில்லை ; கைநாட்டுப் பேர்வழியாக இருந்தால்கூட , ஒருவர் அமைச்சராகவோ அல்லது முதலமைச்சராகவோ ஆக முடியும் . இதுதான் இந்தியா !

தூங்காமை கல்வி துணிவுடைமை இம்மூன்றும்
நீங்கா நிலனாள் பவர்க்கு .

என்பது ஐயனின் வாக்கு . கல்வியறிவு ஒரு மன்னனுக்கு அவசியம் தேவை என்பதை இக்குறட்பா உணர்த்துகிறது .

**T.N.Balasubramanian** · **T.N.Balasubramanian** Sat Dec 01, 2018 8:57 pm

அமைச்சராவதற்கு அரசியல் தெரிந்து இருக்கவேண்டும்.
அரசியல் என்பதற்கு தற்கால அர்த்தம் "அடாவடித்தனம்"

ரமணியன்

**பழ.முத்துராமலிங்கம்** · 27/09/2015

Code:: ஆம்... மண்ணில் இத்தொழில்கள் செய்வதற்கு எதுவுமே தெரிந்திருக்க வேண்டிய அவசியமில்லை... மனசாட்சியை மட்டும் அடகு வைக்கத் தெரிந்திருந்தால் போதும்!

ஒன்னுமே தெரியாமல் ஒரு
காரியம் செய்வது தான்
தற்போது ஃபேஷன்.

Sponsored content · Sponsored content

தெரிந்திருக்க வேண்டிய அவசியமில்லை!

தெரிந்திருக்க வேண்டிய அவசியமில்லை!

Re: தெரிந்திருக்க வேண்டிய அவசியமில்லை!

Re: தெரிந்திருக்க வேண்டிய அவசியமில்லை!

Re: தெரிந்திருக்க வேண்டிய அவசியமில்லை!

Re: தெரிந்திருக்க வேண்டிய அவசியமில்லை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக