11 எம்எல்ஏக்கள் தகுதி நீக்க விவகாரம்: உச்சநீதிமன்றத்தில் டிச.5-இல் விசாரணை

**ayyasamy ram** · **ayyasamy ram** Wed Nov 28, 2018 11:57 am

தமிழக துணை முதல்வர் ஓ. பன்னீர்செல்வம் உள்ளிட்ட
எம்எல்ஏக்கள் 11 பேரை தகுதி நீக்க கோரும் விவகாரத்தில்
தாக்கல் செய்யப்பட்டுள்ள மேல்முறையீட்டு மனுக்கள்
தொடர்பான விசாரணை டிசம்பர் 5-ஆம் தேதி நடைபெறும்
என உச்சநீதிமன்றம் தெரிவித்தது.

இந்த மனுக்கள் உச்சநீதிமன்ற நீதிபதிகள் ஏ.கே. சிக்ரி,
அசோக் பூஷண், எம்.ஆர்.ஷா ஆகியோர் அடங்கிய அமர்வில்
செவ்வாய்க்கிழமை விசாரணைக்கு வந்தது. அப்போது,
விசாரணையை வேறொரு தேதிக்கு ஒத்திவைக்குமாறு
இரு தரப்பு வழக்குரைஞர்கள் சார்பிலும் கோரிக்கை
விடுக்கப்பட்டது.

இதையேற்றுக் கொண்ட நீதிபதிகள், இந்த விவகாரம்
தொடர்பான மேல்முறையீட்டு மனுக்கள் மீது
டிசம்பர் 5-ஆம் தேதி, முதல் வழக்காக பட்டியலிட்டு
விசாரணைக்கு எடுத்துக் கொள்ளப்படும் எனத் தெரிவித்தனர்.

பின்னணி: சட்டப்பேரவை உறுப்பினர்கள் 11 பேரை தகுதி
நீக்கம் செய்ய வேண்டும் என பேரவைத் தலைவருக்கு
நீதிமன்றம் உத்தரவிட முடியாது என்று சென்னை
உயர்நீதிமன்றம் பிறப்பித்த உத்தரவுக்கு எதிராக திமுக
கொறடா சக்கரபாணி சார்பில் உச்சநீதிமன்றத்தில்
மேல்முறையீட்டு மனு தாக்கல் செய்யப்பட்டது.

இதே போல், நம்பிக்கை வாக்கெடுப்பில் அரசுக்கு எதிராக
வாக்களித்த துணை முதல்வர் ஓ.பன்னீர்செல்வம் உள்ளிட்ட
7 எம்எல்ஏக்களை தகுதி நீக்கம் செய்யக் கோரி
தொடுக்கப்பட்ட வழக்கில் சென்னை உயர்நீதிமன்றத்தின்
உத்தரவுக்கு எதிராக டி.டி.வி. தினகரன் ஆதரவாளர்களும்,
தற்போது தகுதிநீக்கம் செய்யப்பட்டுள்ள அதிமுக
எம்எல்ஏக்களான வெற்றிவேல், பார்த்திபன், ரங்கசாமி,
தங்கத் தமிழ்ச்செல்வன் ஆகியோரது சார்பிலும்
மேல்முறையீட்டு மனுக்கள் உச்சநீதிமன்றத்தில் தாக்கல்
செய்யப்பட்டன.
-
--------------------------------
தினமணி

11 எம்எல்ஏக்கள் தகுதி நீக்க விவகாரம்: உச்சநீதிமன்றத்தில் டிச.5-இல் விசாரணை

11 எம்எல்ஏக்கள் தகுதி நீக்க விவகாரம்: உச்சநீதிமன்றத்தில் டிச.5-இல் விசாரணை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக