சிதம்பரம் நடராஜர் கோயிலில் டிச.14-இல் ஆருத்ரா தரிசன உத்ஸவம் தொடக்கம்

-


கடலூர் மாவட்டம், சிதம்பரம் நடராஜர் கோயிலில்,
சிவகாமசுந்தரி சமேத நடராஜமூர்த்தியின் மார்கழி
ஆருத்ரா தரிசன உத்ஸவம் வருகிற டிச.14-ஆம் தேதி
கொடியேற்றத்துடன் தொடங்குகிறது.

உலகப் புகழ்பெற்ற இந்தக் கோயிலில் ஆண்டுதோறும்
மார்கழி மாதம் ஆருத்ரா தரிசனமும், ஆனி மாதம்
ஆனித் திருமஞ்சன தரிசனமும் தொன்று தொட்டு நடை
பெற்று வருகிறது.

அதன்படி இந்
த ஆண்டு வருகிற டிச.14-ஆம் தேதி (வெள்ளிக்கிழமை)
மார்கழி ஆருத்ரா தரிசன உத்ஸவம் கொடியேற்றத்துடன்
தொடங்குகிறது.

உத்ஸவ ஆச்சாரியார் எஸ்.ஆர்.நடராஜ தீட்சிதர்
கொடியேற்றி வைக்கிறார். தொடர்ந்து, டிச.18-ஆம் தேதி
வெள்ளி ரிஷப வாகனத்தில் தெருவடைச்சான் வீதி உலா,
19-ஆம் தேதி வெள்ளி யானை வாகனத்தில் சோமாஸ்கந்தர்
வீதி உலா, 20-ஆம் தேதி தங்க கைலாச வாகனத்தில் வீதி உலா
ஆகியவை நடைபெறுகின்றன.

21-ஆம் தேதி தங்க ரதத்தில் சோமாஸ்கந்தர் வெட்டுக்
குதிரையில் வீதிஉலா வருகிறார்.

22-ஆம் தேதி (சனிக்கிழமை) தேர்த் திருவிழாவும்,
அன்று இரவு 8 மணிக்கு ஆயிரங்கால் முன் முகப்பு
மண்டபத்தில் ஏககால லட்சார்ச்சனையும் நடைபெறுகிறது.

23-ஆம் தேதி (ஞாயிற்றுக்கிழமை) சூரிய உதயத்துக்கு
முன்பு அதிகாலை 4 மணி முதல் 6 மணி வரை சிவகாமசுந்தரி
சமேத நடராஜமூர்த்திக்கு மகாபிஷேகம் நடைபெறுகிறது.

பின்னர் காலை 10 மணிக்கு சித் சபையில் ரகசிய பூஜையும்,
பஞ்ச மூர்த்திகள் வீதிஉலா வந்த பின்னர் பிற்பகல் 2 மணிக்கு
மேல் ஆருத்ரா தரிசனமும், ஞானகாச சித்சபா பிரவேசமும்
நடைபெறுகிறது.

24-ஆம் தேதி பஞ்ச மூர்த்திகள் முத்துப் பல்லக்கு வீதிஉலாவுடன்
உத்ஸவம் முடிவடைகிறது.
-
--------------------------------------
தினமணி