தோல்வி நிலையென நினைத்தால்-மினி தொடர்கதை

by ANUBAMA KARTHIK Mon Nov 26, 2018 1:05 pm

தோல்வி நிலையென நினைத்தால்-மினி தொடர்கதை

முதல் அத்தியாயம்

எனக்கு பிடித்த கவிதை
யாரோவாய் அறிமுகமாகி யாதுமாகி நின்றவனே

உன்னுள் என்னை காண ஓரு நொடி திகைத்தேனே

என் இதயதுடிப்பின் சத்தம் கூட உன் பேரை சொல்லிட

உன்னுள் கரைந்து நானோ என் சுயம் தொலைத்தேனே

கூடல் மாநகர் தூங்கா நகரம் சொக்கனும் மீனாட்சியும் அரசாட்சி செய்யும் பெருமைக்கும் சங்கம் வைத்து தமிழ் வளர்த்த சிறப்புக்கும் உரிய ஊர்

நெற்றிக்கண் திறப்பினும் குற்றம் குற்றமே வாதம் பண்ணிய நக்கீரர் வாழ்ந்த ஊர் அட அது தாங்க நம்ம மதுரை இந்த கதையின் களமும் மதுரைதாங்க

சுற்றிலும் புதிய ரக கார்கள் அணிவகுத்து நிற்க மிக பிரம்மாண்டமாக நகரின் நடுவில் இருக்கும் அந்த திருமண மண்டபத்தில் உறவினர்கள் புடைசூழ மங்கல வாத்தியம் முழங்கிட குறிப்பிட்ட முகூர்த்தவேளையில் வெட்கம் மேலிட சிவந்த முகத்துடன் அழகின் சொரூபமாக தன் அருகில் அமர்ந்து இருக்கும் மனையாளின் சங்குகழுத்தில் மங்கலநாண் பூட்டிவிட்டு பெருமையுடன் போட்டோவுக்கு போஸ் கொடுத்தார் நம்ம ஹுரோ.

தங்களிடம் ஆசி பெற வந்த இளவல்களை இன்முகத்தோடு அருகிலிருத்தி கணவருடன் சேர்ந்து நின்று வாழ்த்திட தயாராக
நின்றாள் நம்ம ஹுரோயின்

என்னங்க ஒரே குழப்பமா இருக்கா? இருக்காதா பின்னே இங்கே நடக்குறது மீனாட்சி எண்டர்பிரைசஸ் நிறுவனங்களின் உரிமையாளர்கள் குடும்ப தலைவர் ஷேஷகிரி -லக்ஷ்மி தம்பதிகளின் மணிவிழாவாச்சே

குடும்ப உறுப்பினர்கள் அலுவலக ஊழியர்கள் வாடிக்கையாளர்கள் என அனைவரிடமும் நல்லுறவு பேணிவரும் அவருக்கும் அவருடன் பலவருடமாக இணை பிரியாமல் அன்பும் காதலும் குறையாமல் வாழ்ந்துவரும் அவர் மனைவிக்குக்கும் நடக்கும் மணிவிழா
வாங்க நாமும் அவர்களிடம் ஆசி பெற்று வரலாம்

by ANUBAMA KARTHIK Mon Nov 26, 2018 1:11 pm

ஈகரை உறவுகளே என் முதல் கதையினை இந்த தளத்தில் பதிப்பிதித்துள்ளேன் எனக்கு ஊக்கம் கொடுக்கும் குடும்பத்தினருக்கும் என் முதல் கதையினை தனது blog ல வெளியிட வாய்ப்பு கொடுத்த தோழி ரியா மூர்த்தி அவர்களுக்கும் ஈகரை தளத்துக்கும் நன்றியை காணிக்கையாக்குகிறேன் மேலும் முதல் கதை என்பதால் சின்ன சின்ன எபிசோடுகளாகத்தான் எழுதறேன் எனவே உங்கள் மேலான கருத்துகைளை ஆவலுடன் எதிர்பார்க்கிறேன் இதோ கதை உங்களுக்காக இந்த கதையின் முதல் பதிவில் இருந்த தவறை சுட்டி காட்டிய சக பதிவர்களுக்கு என் நன்றி

by ஞானமுருகன் Mon Nov 26, 2018 2:24 pm

தோல்வி நிலையென நினைத்தால்-மினி தொடர்கதை 3838410834

மேலே போங்க மேலே போங்க

by ANUBAMA KARTHIK Mon Nov 26, 2018 2:57 pm

நன்றி சகோதரா

by **ரா.ரமேஷ்குமார்** Mon Nov 26, 2018 3:05 pm

அருமை அருமை ... இதன் தொடர்ச்சியையும் இதே திரியில் பதிவிட்டு வாருங்கள்... தோல்வி நிலையென நினைத்தால்-மினி தொடர்கதை 3838410834

by ANUBAMA KARTHIK Mon Nov 26, 2018 3:06 pm

சரி ஐயா வாரம் ஒரு முறை பதிவிடுகிறேன்

by **T.N.Balasubramanian** Mon Nov 26, 2018 4:53 pm

அசாதாரணமான ட்விஸ்ட் .

நன்றாக உள்ளது.

ரமணியன்

by ANUBAMA KARTHIK Mon Nov 26, 2018 6:56 pm

நன்றி சகோதரா

Code:: யாரோவாய் அறிமுகமாகி யாதுமாகி நின்றவனே உன்னுள் என்னை காண ஓரு நொடி திகைத்தேனே என் இதயதுடிப்பின் சத்தம் கூட உன் பேரை சொல்லிட உன்னுள் கரைந்து நானோ என் சுயம் தொலைத்தேனே கூடல் மாநகர் தூங்கா நகரம் சொக்கனும் மீனாட்சியும் அரசாட்சி செய்யும் பெருமைக்கும் சங்கம் வைத்து தமிழ் வளர்த்த சிறப்புக்கும் உரிய ஊர்

நல்லதொரு முயற்சி அருமை
நன்றி அனுபாமா