கசாபை அடையாளம் காட்டியவர் பரிதாபம்

**ayyasamy ram** · **ayyasamy ram** Mon Nov 26, 2018 7:16 am

மும்பை:
மும்பையில் ஊடுருவி தாக்குதல் நடத்திய, பாக்.,
பயங்கரவாதிகளில் ஒருவனான, அஜ்மல் கசாபை,
நீதிமன்றத்தில் அடையாளம் காட்டிய பெண்,
10 ஆண்டுகள் கடந்த பின்னும், அரசு உதவி கிடைக்காமல்,
பரிதாப நிலையில் உள்ளார்.

கடந்த, 2008, நவ., 26ல், மஹாராஷ்டிரா தலைநகர் மும்பை
நகருக்குள், பாக்.,கில் இருந்து ஊடுருவிய பயங்கரவாதிகள்,
நுாற்றுக் கணக்கானோரை கொன்றனர்.மும்பை ரயில்வே
ஸ்டேஷனில், பயங்கரவாதி அஜ்மல் கசாப் துப்பாக்கியால்
சுட்டதில், 9 வயது சிறுமி, தேவிகா ரோதவான், காலில்
குண்டு பாய்ந்து விழுந்தாள்.

தீவிர சிகிச்சைக்கு பின், அவள் உயிர் பிழைத்தாள்.

தாக்குதல் நடத்திய பயங்கரவாதிகளில், அஜ்மல் கசாபை
தவிர, மற்றவர்களை பாதுகாப்பு படை வீரர்கள் சுட்டு
கொன்றனர்.கசாப் நீதிமன்றத்தில் நிறுத்தப்பட்ட போது,
நேரில் பார்த்த சாட்சியாக, ஊன்றுகோல் உதவியுடன்,
தட்டு தடுமாறி நடந்து சென்று, தேவிகா சாட்சி கூறினாள்.

அஜ்மல் தன்னை சுட்டதாக அவள் கூறிய சாட்சியத்தால்,
அவனுக்கு துாக்கு தண்டனை கிடைத்தது.தேவிகா,
சாட்சி கூறிய காட்சி, தொலைக்காட்சி களில் ஒளிபரப்பப்
பட்டதால், ஒரே நாளில், உலகம் முழுவதும் பிரபலம் ஆனாள்.

அவள் குடும்பத்திற்கு வீடு உட்பட பல உதவிகளை
வழங்குவதாக அரசு தரப்பில் வாக்குறுதி அளிக்கப்பட்டிருந்தது.

அந்த சம்பவம் நடந்து 10 ஆண்டுகள் கடந்த நிலையில்,
தற்போது, 19 வயதாகும் தேவிகாவுக்கு, அரசிடமிருந்து,
இன்னும் எந்த உதவியும் கிடைக்கவில்லை.தேவிகா கூறுகையில்

, ''அஜ்மல் பற்றி சாட்சி கூறியதால், பள்ளியில் சக மாணவியரால்
நான் புறக்கணிக்கப்பட்டேன். அரசு கூறிய படி, வீடு உட்பட எந்த
உதவியும் அளிக்கப் படவில்லை,'' என்றார்.
-

**T.N.Balasubramanian** · **T.N.Balasubramanian** Mon Nov 26, 2018 10:26 am

ஆம் இதுதான் இன்றைய அரசாங்கம் --சமூகம்.
உதவி செய்தவர்கள் எல்லாம் கருவேப்பிலை போல்
மதிக்கப்பட்டு ----தூக்கி எறியப்படுபவர்கள்.

ரமணியன்

SK · SK Mon Nov 26, 2018 11:31 am

நாட்டை ஆட்டை போடுபவர்கலுக்கு தான் அரசு உதவி செய்யும்

Sponsored content · Sponsored content

கசாபை அடையாளம் காட்டியவர் பரிதாபம்

கசாபை அடையாளம் காட்டியவர் பரிதாபம்

Re: கசாபை அடையாளம் காட்டியவர் பரிதாபம்

Re: கசாபை அடையாளம் காட்டியவர் பரிதாபம்

Re: கசாபை அடையாளம் காட்டியவர் பரிதாபம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக