கஜா பயல் - நிவாரணம் -தொடர் பதிவு

நாகையில் நிவாரணப் பணிகளில் அதிருப்தி:
அமைச்சரை கத்தியால் குத்த முயற்சி
-


நாகை மாவட்டத்தில் புயல் நிவாரண பணிகளில் அதிருப்தி
அடைந்த இளைஞர் ஒருவர், அமைச்சர் ஓ.எஸ்.மணியனை
கத்தியால் குத்த முயன்ற சம்பவம் பரபரப்பை ஏற்படுத்தியுள்ளது.

நாகை மாவட்டத்தில் வேதாரண்யம் மற்றும் தலைஞாயிறு
ஒன்றியங்கள், புயலால் கடுமையாக பாதிக்கப்பட்டுள்ளன.
இப்பகுதிகளில் அமைக்கப்பட்டுள்ள 61 நிவாரண முகாம்களில்
26,956 பேர் தங்க வைக்கப்பட்டுள்ளனர்.

ஆனால் அவர்களுக்கு தேவையான உணவு, குடிநீர் ஆகியவை
தாமதமாகவும், பற்றாக்குறையாகவும் வழங்கப்படுவதாக புகார்
எழுந்துள்ளது.

மேலும், இம்முகாம்களில் ஜெனரேட்டர் மூலம் மின்சாரம்
வழங்கப்பட்டாலும், போதிய அளவு மின்விளக்குகள்,
மின்விசிறிகள் இல்லை என்றும், இதனால், இரவு நேரங்களில்
குழந்தைகள் தூங்க முடியாமல் மிகுந்த அவதிக்குள்ளாவதாகவும்
குற்றச்சாட்டு எழுந்துள்ளது.

இதனிடையே, நாகை மாவட்டத்தில் புயலால் பெரிய அளவில்
பாதிப்பு ஏற்படவில்லை என ஒரு தனியார் தொலைக்காட்சிக்கு
அமைச்சர் ஓ.எஸ்.மணியன் பேட்டி அளித்ததாக தகவல் பரவியது.

இந்நிலையில், கீழையூர் ஒன்றியம் காமேஸ்வரம் அருகில் உள்ள
கன்னித்தோப்பு என்ற பகுதியில் அமைச்சர் ஓ.எஸ்.மணியன்
நேற்று காரில் தனது உதவியாளருடன் சென்று கொண்டிருந்தார்.

அப்போது, அங்கு நின்று கொண்டிருந்த ஒரு இளைஞர் மூங்கில்
குச்சியால் அமைச்சரின் கார் கண்ணாடியை உடைத்துள்ளார்.
மற்றொரு இளைஞர் அமைச்சரை கத்தியால் குத்துவதற்காக
பாய்ந்தார்.

சுதாரித்துக் கொண்ட ஓட்டுநர் காரை ரிவர்ஸ் எடுத்து வேகமாக
திரும்பிச் சென்றுவிட்டார்.

மேலும், அமைச்சர் ஓ.எஸ்.மணியனின் காருக்கு பின்னால் வந்து
கொண்டிருந்த மயிலாடுதுறை ஒன்றிய அதிமுக செயலாளர்
சந்தோஷ்குமாரின் காரை சிலர் அடித்து நொறுக்கினர்.

இந்த சம்பவங்களை படம் பிடித்த 4 பேரின் செல்போன்களை
அவர்கள் பறித்து தரையில் அடித்து உடைத்தனர்.
இதனால் அப்பகுதியில் பரபரப்பு ஏற்பட்டது.
-
---------------------------------
தி இந்து

புயல் பாதிப்பால் கழிவுநீர் கால்வாய் அடைப்பு: 
மரங்களை அகற்றும் பணியில் ஈடுபட்ட புதுச்சேரி அமைச்சர்
-

-
திருநள்ளாறு பகுதியில் பலத்த மழையால் நேற்று
சாலைகளில் நீர் தேங்கியதை அவ்வழியாக சென்ற
போது பார்த்த அமைச்சர் கமலக்கண்ணன்,
காரிலிருந்து இறங்கி கழிவுநீர் அடைப்பை நீக்குகிறார்
-

-
பட்டுக்கோட்டை அருகே, பருவமடைந்ததால்
தென்னந் தோப்பில் இருந்த குடிசை வீட்டில் த
னியாக தங்க வைக்கப்பட்டிருந்த சிறுமி, 15-ம் தேதி
நள்ளிரவு சுழன்றடித்த கஜா புயலில் தென்னை மரம்
விழுந்து உயிரிழந்த சம்பவம் பெரும் அதிர்வை
ஏற்படுத்தியுள்ளது.
-

தென்னை, மா, பலா மரங்கள் முழுவதும் நாசமானதால்
விவசாயிகள் விரக்தி
-

-
கறம்பக்குடியில் ஒரு விவசாயியின் தோட்டத்தில் முறிந்து கிடக்கும் தென்னை மரங்கள்.
--------------------------
புதுக்கோட்டை மாவட்ட விவசாயிகளின் நிரந்தர வருவாய் ஆதாரமாக விளங்கி வந்த பணப்பயிர்களான தென்னை, மா மற்றும் பலா மரங்கள், புயலில் முறிந்ததால் ஏற்பட்டுள்ள பேரிழப்பு மிகுந்த சோகத்தை ஏற்படுத்தி உள்ளது.