காதலிக்கு ஒரு கடிதம்

**M.M.SENTHIL** · **M.M.SENTHIL** Fri 6 Jun 2014 - 21:06

அன்புள்ள காதலியே
எப்படி இருக்கிறாய் – நீ
எப்படி இருக்கிறாய்!!

காதல் என்பது சேர்ந்து வாழ்தலில்
மட்டும் இல்லை – பிரிந்து போயினும்
இறுதி வரை நினைப்பதே என்றவளே,
இன்றளவும் என்னை நீ நினைக்கிறாயா?

இளமைக் காலத்து தடுமாற்றங்களில்
இந்த காதலும் ஒன்று என்பது
பெற்றோர் வாதம் – ஆயினும்
இந்த தடுமாற்றம் வாழ்வின் இறுதிவரை
மனதில் ஆறாத வடுவை
உண்டாக்கி விடுகிறதே!!

மறக்க முயற்சித்தேன் நானும்
மனைவி வந்தவுடன்
குழந்தை பிறந்தவுடன்,
ஆனாலும் ஒரு ஆச்சரியம்
அது மட்டும் முடியவே இல்லை!!

உன் பெயர் கொண்ட ஏதேனும் ஒன்று
தினமும் என் கண்ணில் பட்டு விடுகிறது,
இன்று கூட அப்படியே
குல தெய்வ கோவில் போகையில்
எதிரே வந்த வண்டியில் உன் பெயர்!
மறக்க நினைத்தாலும் தோற்கிறேன்!!

வெகு நாட்களுக்குப் பிறகு
உனக்கொரு கடிதம் எழுத ஆசை,
நானே எழுதி, நானே படித்தாலும்
உனக்கொரு கவிதை எழுதியது
மனதிற்கொரு சுகமே,

சொல்லடி பெண்ணே
எப்படி இருக்கிறாய் – நீ
எப்படி இருக்கிறாய்??

- தொடரும்

**M.M.SENTHIL** · **M.M.SENTHIL** Sat 7 Jun 2014 - 0:44

மணமாலை சூடி
மணவாழ்க்கை - அது
வாழ்ந்தால் உன்னோடுதான்
என்று காதல் மொழி பெசியவளே
எப்படி இருக்கிறாய்?

காதல் தந்த வலியோடு
துடித்துக் கொண்டிருக்கிறாயா?
என்ன சொல்லியும் கேளாமல்
உன்னையே சுற்றி வரும்
என் நினைவுகளால்
தினம், தினம் மடிந்து கொண்டிருக்கிறாயா?

முதல் குழந்தை ஆணேனில் - அதற்கு
எனது பெயர் வைத்து
தினமெந்தன் பெயரை
உச்சரித்துக் கொண்டிருக்கிறாயா?

உன் உணர்வில் கலந்துவிட்ட
என் நினைவை - நீ
எப்படி கலைகிறாய் தினமும்!

உன்னை மட்டுமே கேட்கிறேனே
நான் மட்டும் என்னவாம் - இதோ
நரைமுடி தெரிகிறது மீசையில்,
உன் நினைவுகள் மட்டுமே
இன்னும் இளமையாய்,
உள்ளது உள்ளபடி!!

ஆனாலும் பெண்ணே
இந்த காதல் என்ற
உறவு மட்டும் - நம்முள்
இல்லாமல் இருந்தால்,
நெஞ்சுக் கூட்டின் பாரமும்
நமக்குள் இல்லாமல் இருந்திருக்கும்!!

**விமந்தனி** · **விமந்தனி** Sat 7 Jun 2014 - 1:29

அழகான அனுபவம். தொடருங்கள். வாசிக்க சுவாரசியமாய் இருக்கிறது.
கையோடு போஸ்ட் செய்துவிடுங்கள்.

**விமந்தனி** · **விமந்தனி** Sat 7 Jun 2014 - 1:31

உன்னை மட்டுமே கேட்கிறேனே
நான் மட்டும் என்னவாம் - இதோ
நரைமுடி தெரிகிறது மீசையில்,
உன் நினைவுகள் மட்டுமே
இன்னும் இளமையாய்,
உள்ளது உள்ளபடி!!

அதற்குள் நரையா? இளநரை போலும்! மகிழ்ச்சி

**ரா.ரா3275** · **ரா.ரா3275** Sat 7 Jun 2014 - 1:37

செந்தில்...நீங்கள் எழுதிட்டுப் போய்டுவீங்க...நரை முடி வந்த பிறகும் அம்மணி ஞாபகம்னு...
ஆனா அம்மணிக்கு நரை வந்த பிறகும் அவங்க வூட்டுக்காரன் நறநறன்னு பல்லக் கடிச்சிட்டு அடி பின்னுவானே...

(சும்மா...)

நல்ல எழுதுறீங்க... காதலிக்கு ஒரு கடிதம் 3838410834

இந்த பதிவைத் துவங்கியவர் நன்றி கூறியுள்ளார் ரா.ரா3275

**விமந்தனி** · **விமந்தனி** Sat 7 Jun 2014 - 1:43

ரா.ரா3275 wrote:செந்தில்...நீங்கள் எழுதிட்டுப் போய்டுவீங்க...நரை முடி வந்த பிறகும் அம்மணி ஞாபகம்னு...
ஆனா அம்மணிக்கு நரை வந்த பிறகும் அவங்க வூட்டுக்காரன் நறநறன்னு பல்லக் கடிச்சிட்டு அடி பின்னுவானே...

(சும்மா...)

நல்ல எழுதுறீங்க...

அவங்க வீட்டுக்காரன் நறநறன்னு பல்லக் கடிச்சிட்டு அடி பின்னுறது இருக்கட்டும். விஷயம் தெரிந்தால், இவரோட வீட்டுக்காரம்மாகிட்ட எவ்வளவு வாங்க போறாரோ...? பாவம்!

**ரா.ரா3275** · **ரா.ரா3275** Sat 7 Jun 2014 - 1:54

விமந்தனி wrote:
ரா.ரா3275 wrote:செந்தில்...நீங்கள் எழுதிட்டுப் போய்டுவீங்க...நரை முடி வந்த பிறகும் அம்மணி ஞாபகம்னு...
ஆனா அம்மணிக்கு நரை வந்த பிறகும் அவங்க வூட்டுக்காரன் நறநறன்னு பல்லக் கடிச்சிட்டு அடி பின்னுவானே...

(சும்மா...)

நல்ல எழுதுறீங்க...

அவங்க வீட்டுக்காரன் நறநறன்னு பல்லக் கடிச்சிட்டு அடி பின்னுறது இருக்கட்டும். விஷயம் தெரிந்தால், இவரோட வீட்டுக்காரம்மாகிட்ட எவ்வளவு வாங்க போறாரோ...? பாவம்!

மேற்கோள் செய்த பதிவு: 1067974

அதெல்லாம் வெளிய சொல்லமாட்டோம்ல...சவுண்ட குடுத்துட்டே செம சாத்து வாங்கிட்டு கவுரதையா இமேஜ் பில்டப் நடக்கும்ல...

அடி எதுக்குன்னு வேணா காரணம் தனித்தனியா இருக்கலாம்...ஆனா அடி ஒண்ணுதானே நண்பரே...
அதுல உங்க வீடு எங்க வீடுன்னு பேதம் ஏதுங்கோவ்வ்வ்வ்வ்வ்...

**விமந்தனி** · **விமந்தனி** Sat 7 Jun 2014 - 2:09

ரா.ரா3275 wrote:அடி எதுக்குன்னு வேணா காரணம் தனித்தனியா இருக்கலாம்...ஆனா அடி ஒண்ணுதானே நண்பரே...
அதுல உங்க வீடு எங்க வீடுன்னு பேதம் ஏதுங்கோவ்வ்வ்வ்வ்வ்...

**ரா.ரா3275** · **ரா.ரா3275** Sat 7 Jun 2014 - 2:16

விமந்தனி wrote:
ரா.ரா3275 wrote:அடி எதுக்குன்னு வேணா காரணம் தனித்தனியா இருக்கலாம்...ஆனா அடி ஒண்ணுதானே நண்பரே...
அதுல உங்க வீடு எங்க வீடுன்னு பேதம் ஏதுங்கோவ்வ்வ்வ்வ்வ்...

மேற்கோள் செய்த பதிவு: 1067983

சிரிப்ப பார்த்தா நண்பரே உங்கள் வீட்டிலும் அதே கதைதான் போல...

**விமந்தனி** · **விமந்தனி** Sat 7 Jun 2014 - 2:23

நீங்க சொன்னவிதம் புன்னகைக்க தோன்றியது. அவ்வளவு தான். அதுக்குள்ள சிந்து பாடிடுவீங்களே...

எனக்கு அதுக்கு வாய்ப்பில்லை நண்பரே. ஏன்னா... என்னுடையது வெற்றி பெற்ற காதல். தோல்வி அடைந்தவர் புலம்பல் எனக்கில்லை.... ஸோ...

Sponsored content · Sponsored content

காதலிக்கு ஒரு கடிதம்

காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

Re: காதலிக்கு ஒரு கடிதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக