கருணாநிதி உருவச் சிலை டிசம்பர் 16 ஆம் தேதி திறப்பு: திமுக அறிவிப்பு

**ayyasamy ram** · **ayyasamy ram** Thu Nov 15, 2018 1:28 pm

மறைந்த திமுக தலைவர் கருணாநிதியின் உருவச் சிலை
வரும் டிசம்பர் 16 -ம் தேதி திறக்கப்படும் என, அக்கட்சி
தலைமைக் கழகம் அறிவித்துள்ளது.

இதுதொடர்பாக திமுக தலைமைக்கழகம் இன்று
(வியாழக்கிழமை) வெளியிட்ட அறிக்கையில், "மறைந்த
தலைவர் கருணாநிதியின் உருவச் சிலையை வருகின்ற
டிசம்பர் மாதம் 16 -ம் தேதி அகில இந்திய தலைவர்கள்
பங்கேற்று சிறப்பாக திறந்து வைக்கவிருக்கிறார்கள்.

ஐந்து முறை முதல்வராக இருந்து தமிழகத்திற்கு
எண்ணற்ற மக்கள் நலத் திட்டங்களை நிறைவேற்றித்
தந்து தமிழகத்தில் மட்டுமின்றி -உலகெங்கும் வாழும்
தமிழர்களின் உள்ளங்களில் உன்னதமாக
கொலுவீற்றிருக்கும் தலைவரின் உருவச் சிலை திராவிட
முன்னேற்றக் கழகத்தின் தலைமைக் கழகம்
அண்ணா அறிவாலயத்தின் முகப்பில் நிறுவப்படவுள்ளது.

புனரமைக்கப்பட்ட அண்ணா சிலையும் - கருணாநிதியின்
சிலையும் ஒரே இடத்தில் அருகருகே அமைய உள்ளன.
டிசம்பர் 16 ஆம் தேதி தலைவர் தலைவரின் உருவச் சிலை
திறப்பு விழா, எழுச்சிமிகு விழாவாக நடைபெறும்" என
தெரிவிக்கப்பட்டுள்ளது.
-
--------------------------
தி இந்து

**T.N.Balasubramanian** · **T.N.Balasubramanian** Thu Nov 15, 2018 1:58 pm

ஐந்து முறை முதல்வர் --மாற்று கருத்து இல்லை.
எண்ணற்ற மக்கள் நல திட்டங்கள்--- பலன் அடைந்தது
அவரது குடும்பத்தினர்கள் யாவரும்.

ரமணியன்

**krishnaamma** · **krishnaamma** Thu Nov 15, 2018 2:02 pm

T.N.Balasubramanian wrote:ஐந்து முறை முதல்வர் --மாற்று கருத்து இல்லை.
எண்ணற்ற மக்கள் நல திட்டங்கள்--- பலன் அடைந்தது
அவரது குடும்பத்தினர்கள் யாவரும்.

ரமணியன்

மேற்கோள் செய்த பதிவு: 1285905

ஆமோதித்தல்