சினிமா செய்திகள்

**ayyasamy ram** · **ayyasamy ram** Sun 11 Nov 2018 - 8:17

திருமண வதந்திகளுக்கு அனுஷ்கா முற்றுப்புள்ளி
----
சினிமா செய்திகள் 201811092142543989_Anushka-Shetty-Marriage-Rumour-Clarified_SECVPF

--
பாகுபலி 2, பாகமதி படங்களுக்கு பிறகு சினிமாவில்
இருந்து விலகியிருக்கும் அனுஷ்கா ஷெட்டியின்
திருமணம் குறித்து பல்வேறு வதந்திகள் வரும் நிலையில்,
அதற்கு முற்றுப்புள்ளி வைக்கும் விதமாக ஒரு புதிய
தகவல் கிடைத்துள்ளது.

நடிகர் மாதவனும், அனுஷ்காவும் மீண்டும் இணைந்து
நடிக்க உள்ளதாக செய்திகள் வெளியாகின.
தற்போது அந்த திரைப்படத்தின் தலைப்பு வெளியாகி
உள்ளது.

ஹேமந்த் மதுகர் இயக்கும் இந்த திரைப்படத்திற்கு
சைலன்ஸ் என பெயரிட்டுள்ளனர். இத்திரைப்படத்தின்
படப்பிடிப்பு அடுத்த ஆண்டு அமெரிக்காவில்
தொடங்க உள்ளது. படத்தின் கதை மற்றும் தொழில்
நுட்ப கலைஞர்கள் பற்றிய விவரங்கள் இன்னும்
வெளியாகவில்லை.

அனுஷ்கா மாதவன் கூட்டணியில் 2006-ஆம் ஆண்டு
ரெண்டு திரைப்படம் வெளியானது.

12 ஆண்டுகளுக்குப் பிறகு இருவரும் மீண்டும் இணைய
உள்ளனர். விக்ரம் வேதா திரைப்படத்தில் கலக்கிய பிறகு
ஒரு இடைவெளி விட்ட மாதவன், தற்போது இஸ்ரோ
விஞ்ஞானி நம்பி நாராயணின் வாழ்க்கை வரலாற்று
படத்தில் நடித்து வருகிறார்.

இந்த திரைப்படத்தின் படப்பிடிப்பு முழுமையாக
நிறைவுற்ற பிறகு ‘சைலன்ஸ்’ பட வேலைகள்
ஆரம்பமாகும் என சொல்லப்படுகிறது. அடுத்தடுத்து
படங்களில் நடிப்பதன் மூலம் தனக்கு திருமணம் நடக்க
இருப்பதாக வந்த வதந்திகளுக்கு அனுஷ்கா முற்றுப்புள்ளி
வைத்துள்ளார்.
-
----------------------------------------
மாலைமலர்

**ayyasamy ram** · **ayyasamy ram** Sun 11 Nov 2018 - 8:22

கிறிஸ்துமஸ் விருந்து கொடுக்கும் விஜய் சேதுபதி
-
சினிமா செய்திகள் 201811092023236851_Seethakaathi-Release-date-announced_SECVPF

-
96 படத்திற்கு பிறகு விஜய் சேதுபதி நடிப்பில் அடுத்ததாக
சீதக்காதி, சூப்பர் டீலக்ஸ், சயீரா நரசிம்ம ரெட்டி, பேட்ட
உள்ளிட்ட படங்கள் வெளியாக இருக்கின்றன.

இதில் விஜய் சேதுபதியின் 25-வது படமாக ‘சீதக்காதி’
உருவாகி இருக்கிறது. `நடுவுல கொஞ்சம் பக்கத்த
காணோம்' படத்தை இயக்கிய பாலாஜி தரணிதரன்
இயக்கியிருக்கும் இந்த படத்தில் விஜய் சேதுபதி
80 வயதான நாடக கலைஞனாக நடித்திருக்கிறார்.

கலைக்கு முக்கியத்துவம் கொடுத்து உருவாகி இருக்கும்
இந்த படத்தில், இயக்குநர் மகேந்திரன், பாரதிராஜா
முக்கிய கதாபாத்திரங்களில் நடித்துள்ளனர்.

படப்பிடிப்பு முடிந்து பின்னணி வேலைகள் விறுவிறுப்பாக
நடந்து வரும் நிலையில், படம் கிறிஸ்துமஸ் பண்டிகையை
முன்னிட்டு வருகிற டிசம்பர் 20-ஆம் தேதி வெளியாக
இருப்பதாக அறிவிக்கப்பட்டுள்ளது.
-
--------------------------------
மாலைமலர்

**ayyasamy ram** · **ayyasamy ram** Sun 11 Nov 2018 - 8:49

பொங்கலுக்குத் தயார்: விஸ்வாசம் படப்பிடிப்பு நிறைவு
--
சினிமா செய்திகள் Viswasam_team1

-

அஜித் - சிவா ஆகிய இருவரும் மீண்டும் இணைந்துள்ள
படம் - விஸ்வாசம். கதாநாயகியாக நயன்தாரா நடித்துள்ளார்.

சத்யஜோதி பிலிம்ஸ் தயாரித்துள்ள இப்படத்தில் விவேக்,
யோகி பாபு, ரோபோ சங்கர், தம்பி ராமையா
போன்றோரும் நடித்துள்ளார்கள்.

இப்படத்துக்கு இசை - இமான்; ஒளிப்பதிவு - வெற்றி.
பொங்கலுக்கு வெளியாகும் என அறிவிக்கப்பட்டுள்ளது.

வீரம், வேதாளம், விவேகம் ஆகிய படங்களைத்
தொடர்ந்து நான்காவது முறையாக அஜித் நடிக்கும்
படத்தை இயக்கியுள்ளார் சிவா.

அதற்கு முன்பு கார்த்தி நடிப்பில் சிறுத்தை படத்தை
இயக்கிய சிவா அதன்பிறகு அஜித் நடிக்கும் படங்களை
மட்டுமே இயக்கிவருகிறார்.

சிவா இயக்கிய வீரம் படத்துக்குப் பிறகு கெளதம் மேனன்
இயக்கத்தில் என்னை அறிந்தால் படத்தில் நடித்தார்
அஜித். அதற்குப் பிறகு வேதாளம் படத்தில் தொடங்கி
விஸ்வாசம் வரை தொடர்ந்து மூன்றாவது முறையாக
இயக்குநர் சிவாவின் படங்களில் மட்டுமே நடித்து
வருகிறார் அஜித்.

இந்நிலையில் விஸ்வாசம் படத்தின் படப்பிடிப்பு நிறைவு
பெற்றுள்ளது. இத்தகவல் அதிகாரபூர்வமாக
அறிவிக்கப்பட்டுள்ளது. இதையடுத்து பொங்கல் சமயத்தில்
வெளியாவதற்குப் படம் தயாராகி வருகிறது.
-
------------------------------
தினமணி

**ayyasamy ram** · **ayyasamy ram** Thu 15 Nov 2018 - 8:04

கத்தரி போடும், ஜெயம்ரவி!

தனி ஒருவன் படத்திற்கு பின், மாறுபட்ட கதைகளாக
தேடிப் பிடித்து, நடித்து வருகிறார், ஜெயம்ரவி. இந்த நேரத்தில்,
'உதட்டு முத்தக்காட்சி, குளியல் காட்சிகளில் நடிக்க வேண்டும்'
என்று, இயக்குனர்கள் யாராவது சொன்னால்,

'இப்போது தான், சாக்லேட் ஹீரோ என்ற இமேஜில் இருந்து
மீண்டு வந்து கொண்டிருக்கிறேன். மறுபடியும் அப்படி
நடித்தால், அதிலிருந்து நான் மீளவே முடியாது...' என்று சொல்லி,
அதுபோன்ற காட்சிகளுக்கு கதை கேட்கும்போதே கத்தரி
போட்டு வருகிறார், ஜெயம் ரவி.
-
--------------------------------------
— சினிமா பொன்னையா

**ayyasamy ram** · **ayyasamy ram** Thu 15 Nov 2018 - 8:05

தொழில் ரகசியத்தை அறிந்த, கீர்த்தி சுரேஷ்!

முன்பெல்லாம் படப்பிடிப்பு தளங்களில் நடிகர்களை
விட்டு விலகி, அமைதியே உருவாக இருப்பார்,
கீர்த்தி சுரேஷ்.

இப்போது, சக நடிகர்களிடம், 'ஜாலியாக கடலை'
போடுகிறார்.

இதுகுறித்து கேட்டால், 'இப்படி நண்பர்களாக பழகுவது,
நடிப்பில் இயல்பு தன்மையை அதிகப்படுத்துவதோடு,
நெருக்கமான காட்சிகளில் எந்தவித கூச்சமும் இல்லாமல்
நடிக்க முடிகிறது.

இந்த தொழில் ரகசியம் தெரிந்த பின் தான், என்னுடைய
ஹீரோக்களுடன் கலகலப்பாக பேசி, பழகி வருகிறேன்...'
என்கிறார்.

மீனுக்கு வாலை காட்டு; பாம்புக்கு தலையை காட்டு!
-
-------------------------------------
— எலீசா

**ayyasamy ram** · **ayyasamy ram** Thu 15 Nov 2018 - 8:06

சினி துளிகள்!

* 90 எம்.எல்., என்ற படத்தில், கதையின் நாயகியாக நடிக்கிறார்,
ஓவியா.

* தமிழ் படங்கள் குறைந்து விட்டதால், சென்னை முகாமை,
ஐதராபாத்துக்கு மாற்றி விட்டார், தமன்னா.
-
--------------------------------
வாரமலர்

**ayyasamy ram** · **ayyasamy ram** Thu 15 Nov 2018 - 8:06

அம்மா நடிகையாகும் கமல் பட நாயகி!

கமலுடன், விஸ்வரூபம், உத்தம வில்லன் மற்றும் விஸ்வரூபம்-2
ஆகிய படங்களில் நாயகியாக நடித்த பூஜாகுமாருக்கு, அடுத்து,
படங்கள் இல்லை.

வயதானதை காரணம் காட்டி, இயக்குனர்கள் ஓரங்கட்டுவதை
அறிந்த பூஜாகுமார், 'நான் தொடர்ந்து ஹீரோயினியாக மட்டுமே
நடிக்க ஆசைப்படவில்லை. என் வயதுக்கேற்ற
கதாபாத்திரங்களில் நடிக்கவும் தயாராக இருக்கிறேன்.

அதே சமயம், 'டம்மி'யாக இல்லாமல், கொஞ்சம் வெயிட்டான
வேடமாக கொடுங்கள். 10 வயதிற்குட்பட்ட குழந்தைக்கு
அம்மாவாக நடிக்கவும் தயாராக இருக்கிறேன்...' என்று, தன்
மனநிலையை வெளிப்படுத்தி வருகிறார்.

இட்டபடியே ஒழிய ஆசைப்பட்டு பலன் இல்லை!
-
-----------------------------------------
— எலீசா

**ayyasamy ram** · **ayyasamy ram** Thu 15 Nov 2018 - 8:06

அரசியல் கதையில் ரஜினிகாந்த்!

கபாலி மற்றும் காலா படங்களில், பா.ரஞ்சித் இயக்கத்தில்
நடித்த ரஜினிகாந்த், தற்போது, கார்த்திக் சுப்பராஜ்
இயக்கும், பேட்ட படத்தில் நடித்துள்ளார்.

இதையடுத்து, ஏ.ஆர்.முருகதாஸ் இயக்கும் படத்தில் நடிக்கப்
போகிறார். இந்த படம், தேசிய அளவிலான ஒரு அரசியல்
பிரச்னையை மையமாக கொண்டது.

முக்கியமாக, அரசியல் களத்தில் இறங்க தயாராகி வரும்,
ரஜினியின், எதிர்கால அரசியல் கொள்கைகளை
வெளிப்படையாக மக்களுக்கு எடுத்துரைக்கும் படமாகவும்
உருவாகிறது.
-
-------------------------------
— சினிமா பொன்னையா

Sponsored content · Sponsored content

சினிமா செய்திகள்

சினிமா செய்திகள்

Re: சினிமா செய்திகள்

Re: சினிமா செய்திகள்

Re: சினிமா செய்திகள்

Re: சினிமா செய்திகள்

Re: சினிமா செய்திகள்

Re: சினிமா செய்திகள்

Re: சினிமா செய்திகள்

Re: சினிமா செய்திகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக