திருச்செந்துார் கோவிலில் உள்ள கொடி மரம்,

by **ayyasamy ram** Tue Nov 13, 2018 9:02 am

-
ஒரு கோவிலுக்குள் நுழைந்ததும், பலி பீடம்,
அந்த தெய்வத்துக்குரிய வாகனம் மற்றும் கொடி மரம் என,
வரிசையாக இருக்கும். இதில், கொடி மர தரிசனம் விசேஷமானது.

குடும்பஸ்தர்கள், வாழ்வில் உயர்ந்த இடத்தைப் பிடிக்கவும்,
துறவிகள் மேலான உலகத்தை அடையவும், கொடி மரத்தை
வணங்குவர்.

திருச்செந்துாரில், கொடி மரம் அமைய, எமதர்மனின் வாகனமான,
எருமை காரணமாக இருந்தது.

ஒரு சமயம், திருச்செந்துார் கோவிலில் உள்ள கொடி மரம்,
முறிந்து விட்டது. பக்தர்கள் வருந்திய நேரத்தில், எருமை ஒன்று,
கடலுக்குள் நீந்திச் சென்று, அதில் மிதந்த, சந்தன மரக்கிளையைத்
தள்ளி வந்தது.

அதை வியப்புடன் பார்த்த பக்தர்கள், அந்த மரக்கிளையை
பயன்படுத்தி, புதிய கொடி மரம் செய்து, பிரதிஷ்டை செய்தனர்.

இந்த கொடி மரத்தை வணங்குவோருக்கு, மரண பயம்
இருக்காது. பயம் இல்லாதவன், எதிலும் வெற்றிபெறுவான்.

இந்த வரலாறு, பகழிக்கூத்தரின், ‘திருச்செந்துார் முருகன்
பிள்ளைத்தமிழ்’ நுாலில் இடம் பெற்றுள்ளது.
–
———————————
தி.செல்லப்பா
வாரமலர்

Code:: ஒரு சமயம், திருச்செந்துார் கோவிலில் உள்ள கொடி மரம், முறிந்து விட்டது. பக்தர்கள் வருந்திய நேரத்தில், எருமை ஒன்று, கடலுக்குள் நீந்திச் சென்று, அதில் மிதந்த, சந்தன மரக்கிளையைத் தள்ளி வந்தது. அதை வியப்புடன் பார்த்த பக்தர்கள், அந்த மரக்கிளையை பயன்படுத்தி, புதிய கொடி மரம் செய்து, பிரதிஷ்டை செய்தனர். இந்த கொடி மரத்தை வணங்குவோருக்கு, மரண பயம் இருக்காது. பயம் இல்லாதவன், எதிலும் வெற்றிபெறுவான்.

கொடி மரத்திற்கு இத்தனை கதைகளா அற்புதம்
நிச்சயம் கொடி மரம் வணங்குவோம், புண்ணியம் பெறுவோம்.
நன்றி ஐயா