கடலை சாப்பிட்டபடி, எப்படி கதை அளந்திருக்காரு எஸ்.வி.சேகர் பாருங்க

**ayyasamy ram** · **ayyasamy ram** Sun 11 Nov 2018 - 18:49

சென்னை:
பண மதிப்பு நீக்கத்திற்கு பிறகு, பாஜக பிரமுகரும்,
நடிகருமான எஸ்.வி.சேகர், வெளியிட்ட ஒரு செல்ஃபி வீடியோ,
இப்போது வைரலாக சுற்றி வருகிறது.

புழக்கத்திலிருந்த ரூ.500 மற்றும் ரூ.1000 நோட்டுகளை,
பிரதமர் நரேந்திர மோடி கடந்த 2016, நவம்பர் 8ம் தேதி,
செல்லாது என அறிவித்து பரபரப்பை ஏற்படுத்தினார்.

அன்றைய தினம் இரவும் சரி, அதற்கடுத்த சில நாட்களிலும் சரி,
'சோ கால்டு' புத்திஜீவிகள் அந்த நடவடிக்கையை பாராட்டி
கருத்து தெரிவித்தனர்

பலன் இல்லையாமே

ரஜினிகாந்த் மட்டுமல்லாது, கமல்ஹாசனும் கூட பாஜக
அரசின் இந்த நடவடிக்கையை புகழ்ந்தார். ஆனால்,
அடுத்தடுத்த சில நாட்களில்தான் எல்லோருக்குமே தெரிந்தது,

மக்கள் அவதிப்படுவதை தவிர, வேறு பலன் கிடைக்கப்
போவதில்லை என்பது. இப்போது ரிசர்வ் வங்கி வெளியிட்டுள்ள
புள்ளி விவரங்களும், பணமதிப்பிழப்பால் பொருளாதாரத்திற்கு
பலன் கிடைக்கவில்லை என்பதையே சுட்டி காட்டுகிறது.

என்னென்ன அளந்து விட்டாங்க ஆனால், அந்த காலகட்டத்தில்
பரப்பப்பட்ட வதந்திகளில் முக்கியமானது,

புதிதாக அறிமுகம் செய்யப்படும் 2000 ரூபாய் நோட்டில்,
ஜிபிஎஸ் மறைத்து வைக்கப்பட்டுள்ளது என்பதுதான்.

இதன் மூலமாக, நோட்டுகளை பதுக்கி வைக்கும் இடங்களை
அப்படியே லபக் என சாட்டிலைட் மூலமாக கண்டுபிடித்து
விடலாம் என்று கலர் கலராக ரீல் விடப்பட்டது.

கலர், கலர் நோட்டுகள் ஆனால், பண மதிப்பிழப்பால் அப்படி
எதுவும் நடக்கவில்லை. கலர் கலராக புதிய ரூபாய் நோட்டுகளை
அறிமுகம் செய்து மக்களை குழப்பியதுதான் மிச்சம்.

இப்படித்தான், பாஜகவை சேர்ந்த நடிகர் எஸ்.வி.சேகரும்
வீடியோ ஒன்றை வெளியிட்டு, 500 ரூபாய் நோட்டை மடித்து
கடலை சாப்பிட்டு கடுப்பேற்றினார்.

டாலருக்கு நிகரான மதிப்பு

கடலை சாப்பிட்டபடியே, இந்த 500 ரூபாய் நோட்டு இனி
வெறும் காகிதம்தான், டாலருக்கு நிகரான இந்திய ரூபாயின்
மதிப்பு 30 ரூபாய் அளவுக்கு சரியப்போகிறது,

ஜிபிஎஸ் வைத்து கள்ள நோட்டுகளை அபேஸ் செய்து
விடலாம் என்றெல்லாம், கதையளந்தார்.

2 வருடங்கள் கடந்துவிட்ட நிலையில், இப்போது அந்த வீடியோ
நெட்டிசன்களால் செமையாக கலாய்க்கப்படுகிறது.

வைரலாக சுற்றி வரும் அந்த வீடியோவை பார்த்தால் அழுவதா,
சிரிப்பதா என்று உங்களுக்கே தோன்றும்,
-
-------------------------
தமிழ் ஒன் இந்தியா

**ayyasamy ram** · **ayyasamy ram** Sun 11 Nov 2018 - 19:02

சிவனாசான் · சிவனாசான் Mon 12 Nov 2018 - 8:15

ஊழல் பேர்வழிகள் லஞ்சப்பேர்வழிகள் கயமை ஊழியர்கள் யாரும்
நல்லதை விரும்ப மாட்டார்கள். ஊழல்அற்ற ஆட்சியை கொணர்வேன் என்று ஜெ.ஜெ.க்கூட சொல்லலிங்க...ஊழலை ஒழிப்பேன் என்று என்று சபதம்ஏற்று செய்யும் செயல் அதை அவர் எப்படி எந்தவிதத்தில் ஒழிக்கனுமோ அப்படி செயல்படுகிறார். கயர்வர்களை இனம் கான சிரமாய் உள்ளதே அவர்களுக்கு கோர்ட்ட சட்டம் உதவுகிறதே என்னசெய்வார் விடா முயற்சி கொண்டு அல்லும் பகலும் பலவித யூகங்களைகையாண்டு வருகிறார்.எதிரிகள் எதிற்கத்தானே செய்வர்............

**பழ.முத்துராமலிங்கம்** · 27/09/2015

அந்த நாட்களை நிச்சயமாக மறந்து விட முடியாது.
நன்றி ஐயா

**krishnaamma** · **krishnaamma** Mon 12 Nov 2018 - 23:54

சிவனாசான் wrote:ஊழல் பேர்வழிகள் லஞ்சப்பேர்வழிகள் கயமை ஊழியர்கள் யாரும்
நல்லதை விரும்ப மாட்டார்கள். ஊழல்அற்ற ஆட்சியை கொணர்வேன் என்று ஜெ.ஜெ.க்கூட சொல்லலிங்க...ஊழலை ஒழிப்பேன் என்று என்று சபதம்ஏற்று செய்யும் செயல் அதை அவர் எப்படி எந்தவிதத்தில் ஒழிக்கனுமோ அப்படி செயல்படுகிறார். கயர்வர்களை இனம் கான சிரமாய் உள்ளதே அவர்களுக்கு கோர்ட்ட சட்டம் உதவுகிறதே என்னசெய்வார் விடா முயற்சி கொண்டு அல்லும் பகலும் பலவித யூகங்களைகையாண்டு வருகிறார்.எதிரிகள் எதிற்கத்தானே செய்வர்............

உண்மை ராஜன் அண்ணா..... ஊழல் மட்டுமே உள்ள நம் நாட்டில் ஒரே நாளில் ஒருவர் மட்டுமே என்ன மாற்றத்தை ஓரிரவில் கொண்டுவர முடியும்????....இந்த பண மதிப்பு நீக்கத்தைக்க கூட எத்தனை பேர் தங்களுக்கு சாதகமாக்கிக் கொண்டு பணக்காரர்கள் ஆனார்கள் என்பதை நாம் அனைவருமே அறிவோம்....எம்ஜியார் பாடியதை போல், "திருடராய் பார்த்து திருந்தாவிடடால், திருடடை ஒழிக்க முடியாது" என்பதை புரிந்து கொண்டு ஒவ்வொருவரும் தனிமத ஒழுக்கத்தைக் கடைப்பிடித்தால் அல்லாது ஊழலை ஒழிக்க ஆயிரம் மோடிகள் வந்தாலும் முடியாது ... சோகம்

**krishnaamma** · **krishnaamma** Mon 12 Nov 2018 - 23:55

பழ.முத்துராமலிங்கம் wrote:அந்த நாட்களை நிச்சயமாக மறந்து விட முடியாது.
நன்றி ஐயா

மேற்கோள் செய்த பதிவு: 1285353

உண்மை ஐயா, நாங்கள் சௌதி இல் இருந்து வந்து, குலதெய்வம் கோவிலுக்கு போய்க்கொண்டிருந்தோம்...நடுவில் இப்படிப்பட்ட செய்தி ..ரொம்பவும் தடுமாறிப்போனோம் சோகம்