வான்மழையே! வா மழையே

**ayyasamy ram** · **ayyasamy ram** Fri Nov 09, 2018 12:33 pm

-
வான்மழையே! வான்மழையே!
வா மழையே! வா மழையே!
நானுன்னை அழைத்தேனே
நல்லுதவி கேட்டிடவே!
–
உன்வரவு இல்லாம
ஊரெல்லாம் காய்ஞ்சிடுச்சே!
பொன்விளையும் பூமியிலே
புல்கூட முளைக்கலியே!
–
ஆறுகுளம் வறண்டிடுச்சே
அடையாளம் இழந்திடுச்சே!
சோறு தந்த சோழநாடு
சோகத்தில் மூழ்கிடுச்சே!
–
ஏரிகுளம் குட்டையெல்லாம்
எழுப்பிவிட்டோம் மாளிகையை!
மாரிமழை இல்லையின்னு
மனசுவிட்டுப் புலம்புறோமே!
–
நட்டுநட்டு வளர்த்தமரம்
நாள்பலவாய் வாழ்ந்தமரம்
வெட்டிவெட்டிச் சாய்த்துவிட்டு
வேதனையில் வாடுறோமே!
–
தப்பு நாங்க செஞ்சுபுட்டோம்
தாமதமா உணர்ந்துபுட்டோம்!
எப்பவுமே உன் தயவு
எங்களுக்கு வேணுமிங்கே!
–
ஊரெல்லாம் மரம்நட்டு
உனக்காகக் காத்திருக்கோம்!
நீர்நிலைகள் தூர்வாரி
நின்வரவைப் பார்த்திருக்கோம்!
–
நீரின்றிக் காய்ந்த நிலம்
நின்னாலே வளம் பெறவே
காரிருள்போல் மேகத்தைக்
கண்முன்னே காட்டிடுவாய்!
–
குடிப்பதற்கு நீர்தந்து
குடிகளை நீ காத்திடுவாய்!
படித்திருந்தும் தவறுசெய்த
பாவிகளை மன்னிப்பாய்!
–
நாவெல்லாம் வாழ்த்திடவே
நன்மழையே பெய்திடுவாய்!
பூவாலே பந்தலிட்டுப்
புகழ்பாடி வரவேற்போம்!
–
—————————
-நா.இராதாகிருட்டிணன், கடலூர்.
நன்றி-சிறுவர் மணி

**பழ.முத்துராமலிங்கம்** · 27/09/2015

வான்மழையே! வா மழையே

வான்மழையே! வா மழையே

Re: வான்மழையே! வா மழையே

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக