டபுள் சம்பளம்: பஞ்சாப் அரசு ஊழியர்கள் 'இன்ப அதிர்ச்சி'

by **ayyasamy ram** Mon Nov 05, 2018 10:42 pm

பஞ்சாப்பில் அரசு ஊழியர்கள் பலரின் வங்கிக் கணக்கிலும்
அக்டோபர் மாத சம்பளம் இரட்டிப்பாக செலுத்தப்பட்டுள்ளது.

இன்ப அதிர்ச்சி அடைந்த அரசு ஊழியர்கள்,
பஞ்சாப் அரசு தங்களுக்கு தீபாவளி பரிசு கொடுத்திருப்பதாக
நினைத்துக் கொண்டனர்.

ஆனால் இந்த இன்பம் சிறிது நேரம் கூட நிலைக்கவில்லை.

அதற்குள் அரசு அறிவிப்பு ஒன்றை வெளியிட்டது. அதில்,
தவறுதலாக அரசு ஊழியர்களின் வங்கி கணக்கில் கூடுதலாக
பணம் செலுத்தப்பட்டுள்ளது. இதனால் ஊழியர்கள் யாரும்
சம்பளத்தை விட அதிகமான தொகையை வங்கிகளில் இருந்து
எடுக்க வேண்டாம் என கேட்டுக் கொள்ளப்பட்டுள்ளது.

அரசு கருவூல சாப்ட்வேரின் ஏற்பட்ட கோளாறு காரணமாக
இந்த தவறு நடந்துள்ளதாகவும், அரசு துறைகள் குறிப்பாக
கல்வி துறையை சார்ந்தவர்கள் 2வது சம்பள தொகையை
எடுக்க வேண்டாம். ஓரிரு நாட்களில் கூடுதலாக
செலுத்தப்பட்ட சம்பளம் மீண்டும் எடுத்துக் கொள்ளப்படும்
என்றார்.

அமிர்தசரசில் மட்டும் அரசு ஊழியர்களின் கணக்குகளில்
கூடுதலாக செலுத்தப்பட்ட தொகையின் மதிப்பு ரூ.40 முதல்
50 கோடி.
-
----------------------------
தினமலர்

by **krishnaamma** Mon Nov 05, 2018 11:00 pm

அடடா.... பாவம்...கைக்கு எட்டியது வாய்க்கு எட்டவில்லை போலும் சோகம்

krishnaamma wrote:அடடா.... பாவம்...கைக்கு எட்டியது வாய்க்கு எட்டவில்லை போலும்

மேற்கோள் செய்த பதிவு: 1284558
இப்படி ஒரே நாளில் கண்டு பிடித்து
அனைவரின் சந்தோஷத்தை பறித்து
கொண்டார்களே.

by சிவனாசான் Tue Nov 06, 2018 1:43 pm

எல்லாம் கையாலாகாதவர்கள் செயல்களால் ஏற்பட்ட கம்யூட்டரின் செயலுங்க .அப்டித்தாங்க தமிழ் நாடு மாநில நுகர்வோர் ஆணையத்தில் இருந்து ஓர் நீதி அரசர் / பதிவாளர் வழக்கு எண் ௩௯௯/௨௦௧௭ க்கு ௩௯௯/௨௦௧௬ என உத்தரவு போட்டு அனுப்பியதை கேட்ட போது அது தவறுதான் என மீள சரியாக அனுப்பி யுள்ளது என்றால் எந்த அளவிற்கு மனித ஆற்றல் அறிவு அனுபவம் அதுவும் நீதித்துறையிலேயே பரின மிக்கிறது என்பதை நினைத்து வியப்படைவதா வேதனை படுவதா என நீங்களே தீர்வு சொல்லுங்கள்.

by சிவனாசான் Tue Nov 06, 2018 2:05 pm

கனம் கர்ணன் ஓய்வு பெற்ற நீதிபதி அவர்கள் துணிச்சலாக நீதிபதிகள் லஞ்சம் வாங்குகிறர்கள் ஊழல் வாதிகளுக்கு உதவி செய்கிறார்கள் என் சாடுவது ஞாயமாகத்தான் இருக்குமோ என சந்தேகத்திற்கு இடமளிக்கிறதுவங்க இச்செயல்பாடுகளை பார்க்கும் போது. மனசாட்சிக்கும் சட்டத்திற்கும் பயப்படலிங்க பணத்திற்கே பயப்படுராங்கோ.............