உலக மசாலா -அப்ரன்டிஸ் திருடர்களாக இருப்பார்களோ!

-
பெல்ஜியத்தின் சார்லேரோய் நகரில் இருக்கும்
இ-சிகரெட் கடையில் 6 இளம் திருடர்கள், ஆயுதங்களுடன்
நுழைந்தனர்.

பணம் கொடுக்குமாறு மிரட்டினர். கடையில் இருந்தவர்களுக்கு
என்ன செய்வதென்றே புரியவில்லை. ஊழியர் ஒருவர்
சட்டென்று, “வியாபாரமே இன்னும் ஆரம்பமாகவில்லை.
கடை மூடும் நேரம் வந்தால், 2.5 லட்சம்வரை பணம் கிடைக்கும்”
என்றார்.

பதற்றம் இல்லாமல் அந்த ஊழியர் பேசியதைக் கேட்டு திருடர்கள்
ஆச்சரியமடைந்தனர். அவரது பேச்சில் நம்பிக்கை வைத்து, இரவு
வருவதாகச் சொல்லிவிட்டுச் சென்றனர்.
ஆனால் மாலை 5.30 மணிக்கே ஆறு பேரும் கடைக்கு வந்தனர்.

இந்த முறை அந்த ஊழியருக்குத் தைரியம் அதிகமாகிவிட்டது.
இப்போதைக்கு 70 ஆயிரம் மட்டும்தான் இருக்கிறது, இரவு வந்தால்
3 லட்சம் கிடைக்கும் என்றார்.

மீண்டும் திருடர்கள் கிளம்பிச் சென்றனர். “இப்படி ஒரு முட்டாள்
திருடர்களைக் கண்டதில்லை. கொஞ்சம் கூட யோசிக்காமல்,
அப்புறம் வரச் சொன்னால் சரி என்றார்கள்.

இனிமேல் சும்மா இருக்கக் கூடாது என்று முடிவு செய்தோம்.
காவல்துறையில் புகார் கொடுத்தோம். ஆனால் நாங்கள்
சொன்னதை அவர்கள் நம்பவில்லை. கண்டிப்பாகத் திருடர்கள்
வருவார்கள். அவர்களைக் கைது செய்ய காவலர்களை
அனுப்புங்கள் என்று கெஞ்சிக் கேட்டுக்கொண்டோம்.
வருவதாகச் சொல்லி வைத்துவிட்டனர்.

பெல்ஜியத்தின் சார்லேரோய் நகரில் இருக்கும் இ-சிகரெட்
கடையில் 6 இளம் திருடர்கள், ஆயுதங்களுடன் நுழைந்தனர்.

பிறகு உள்ளூர் சேனல் ஒன்றிடம் விஷயத்தைச் சொல்லி அவர்களை
வரவழைத்தோம். படம் பிடிப்பதற்கு எல்லாம் தயாராக இருந்தன.
6 திருடர்களும் வந்தனர். ஆனால் இன்னும் காவலர்கள் வந்து
சேரவில்லை. அதனால் ஒரு மணி நேரம் முன்னாடியே ஏன்
வந்துவிட்டீர்கள் என்று கேட்டேன்.

மறுபடியும் திரும்பிப் போனார்கள். சற்று நேரத்தில் சாதாரண
உடையில் காவலர்கள் வந்து கடையில் பதுங்கியிருந்தனர்.
ஒரு மணி நேரத்தில் மீண்டும் திருடர்கள் வந்தபோது, காவலர்கள்
பிடித்துவிட்டனர். இவர்களில் ஒரு சிறுவனும் இருந்தான்.

குறைந்தது சில ஆண்டுகளாவது சிறையில் இருக்கப் போகிறார்கள்.
ஒரு பக்கம் சிரிப்பாக இருக்கிறது.

இன்னொரு பக்கம் பெல்ஜியத்திலேயே மிக மோசமான
திருடர்கள் இவர்கள்தான் என்று தோன்றுகிறது” என்கிறார்
கடையின் உரிமையாளர் டைடியர்.

அப்ரன்டிஸ் திருடர்களாக இருப்பார்களோ!
–
தி இந்து

ayyasamy ram wrote:
அப்ரன்டிஸ் திருடர்களாக இருப்பார்களோ!
–
தி இந்து

மேற்கோள் செய்த பதிவு: 1283883
இந்தியா பக்கம் வந்து சென்றால் பலே திருடர்கள் ஆகி விடுவார்கள்

அது இண்டக்ஷன் அடுப்பு போல, எலக்ட்ரானிக் சூடு ஏற்றும் கருவி. புகை இலை பொருட்களை கருவியில் வைத்து புகைத்து கொள்ளலாம். இங்கே 90% மரத்தினால் ஆனா வீடுகள். அதனால் நெருப்பு அபாயகரமானது. மற்றும் 1 அல்லது 2 முறை புகைத்து அணைத்து கொள்ளலாம். இங்கு உள்ள குளிருக்கு ஆண் மற்றும் பெண் அனைவர்க்கும் உபயோக படுத்துகிறார்கள்.