இந்த யானையைச் சுட்ட தமிழில்தான்...

by sundaram77 Sat Oct 27, 2018 12:53 pm

ஒரு சொல்லுக்குப் பல பொருளும் பல சொல்லுக்கு ஒரு பொருளும் இருப்பது பல மொழிகளில் இருக்கக் கூடியதுதான். தமிழ் பழமையானதும் மட்டுமல்லாமல் வளமையானதும்தான் - அனைவருக்கும் தெரிந்ததுவே.
சங்க இலக்கியக்களில் குறிஞ்சியும் முல்லையும் நிறையப் பாடப்பட்டுள்ளன ! அதிலும் அந்தக்குறிஞ்சிபற்றி - கபிலன் பாடிய பாக்கள் போன்று மலைவளம்பற்றியும் மலைக்காட்சிகள்பற்றியும் செறிவுடனும் , அழகுடனும் நுட்பத்துடனும் பிறிதொருவர் உலக இலக்கியத்தில் பாடி இருப்பாரா என்பது சந்தேகமே...
இந்த யானைதான் எவ்வளவு பெரிது ; சிறியோர், பெரியோர் என அனைவரது கவனத்தையும் தன்பால் என்றும் ஈர்ப்பது ; பார்க்க பார்க்க சலிப்பு தட்டாதது - கடலைப் போல் !
இந்த யானையைச் சுட்ட தமிழில்தான் எத்துனை சொற்கள் ; அவைகளைப் பார்ப்போமே !

1.உம்பல்
2.உவா
3.ஒருத்தல்
4.கயம்
5.கரி
6.களிறு
7.குஞ்சரம்
8.நாகம்
9.தும்பி
10.பகடு
11.தோல்
12.பிணிமுகம்
13.புகர்முகம்
14.மா
15.மான்
16.வாரணம்
17.பிடி
18.வேழம்

சங்க இலக்கியத்தில் சொற்பொருண்மை பற்றிய விலங்கினச் சொற்கள் எனும் ஆராய்ச்சிக் கட்டுரையினின்று எடுக்கப்பட்டது மேலது .